Home ព័ត៌មានជាតិ នយោបាយ ការថែរក្សា​សន...

ការថែរក្សា​សន្តិភាព​និង​ការអភិវឌ្ឍ​នៅ​ស្រុក​អន្លង់​វែ​ងអនាគត​របស់​ប្រទេស​កម្ពុជា ពឹងផ្អែក​ទៅលើ​ជោគជ័យ​ក្នុងការ​យកឈ្នះ​លើ​អតីតកាល​របស់ខ្លួន​

សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ(រូបកកណ្តាល)លោក ឆាំងយុ នាយកមជ្ឈមណ្ឌលឯកសារកម្ពុជា(ខាងស្តាំ)(រូបមជ្ឈមណ្ឌលឯកសារកម្ពុជា)

ដោយៈ ឆាំង យុ​នាយក​មជ្ឈមណ្ឌល​ឯកសារ​កម្ពុជា​/​ភ្នំពេញៈអនាគត​នៃ​ប្រទេស​កម្ពុជា​ពឹងផ្អែក​ទៅលើ​ប្រជាជន​ក្រីក្រ និង​ប្រជាជន​ងាយ​រងគ្រោះ​និង​រើសអើង ដែល​ភាគច្រើន​បានទទួល​រងទុក្ខវេទនា​នៅក្រោម​របប​ខ្មែរក្រហម​។ ក្នុង​ស្មារតី​ជួយ​ដល់​សហគមន៍​ក្រីក្រ ងាយ​រងគ្រោះ​និង​រើសអើង​នានា​ក្នុងប្រទេស​កម្ពុជា មជ្ឈមណ្ឌល​ឯកសារ​កម្ពុជា គ្រោង​ដាក់​ដំណើរការ​សាកល្បង​នូវ​កម្មវិធី​អភិវឌ្ឍន៍​របស់ខ្លួន​នៅក្នុង​ស្រុក​អន្លង់វែង​។​

​ស្ថិតនៅ​ជើងភ្នំ​ដងរែក​នា​តំបន់​ដាច់ស្រយាល​មួយ​ឯ​ភាគ​ខាងជើង​ប្រទេស មាន​ព្រំប្រទល់​ជាប់​ទៅនឹង​ប្រទេស​ថៃ ស្រុក​អន្លង់វែង​មាន​ទំនាក់ទំនង​យ៉ាង​ជ្រាលជ្រៅ​ជាមួយនឹង​អតីតកាល​ដ៏​ខ្មៅ​ងងឹត​របស់​ប្រទេស​កម្ពុជា​។ ក្រោម​ការគ្រប់គ្រង​រយៈ​ពេល​ខ្លី​ប៉ុន្តែ​សាហាវ​ឃោរ​ឃ​ដែល​ត្រូវបាន​ស្គាល់​តាមរយ​”​វាលពិឃាត​”​និង​ការបាត់​បង់ជីវិត​រប​ស់​ប្រជាជន​កម្ពុជា​ប្រមាណ​ពីរលាន​នាក់​របប​ប្រល័យពូជសាសន៍​ខ្មែរ​ក្រហ​ត្រូវបាន​ផ្ដួលរំលំ​ដោយ​រណសិរ្ស​សាមគ្គី​សង្គ្រោះ​ជាតិ​កម្ពុជា​និង​កងទ័ព​វៀតណាម​។ ជួរ​ភ្នំ​និង​ព្រៃព្រឹក្សា​ក្នុងស្រុក​អន្លង់វែង គឺជា​ទីតាំង​ដែល ប៉ុល ពត និង​ក្រុមខ្មែរក្រហម បាន​ភៀសខ្លួន​ទៅកាន់​កាប់​ហើយ​ចាប់តាំងពី​ពេលនោះ​ម​តំបន់​នេះ​បាន​ក្លាយជា​សមរភូមិ​សង្គ្រាម​ទ័ពព្រៃ​ជា​បន្តបន្ទាប់​អស់​រយៈកាល​ជាង​២០​ឆ្នាំ​។ នៅ​ចុងបញ្ចប់ ក្នុង​ខែធ្នូ ឆ្នាំ​១៩៩៨ កងទ័ព​ខ្មែរក្រហម​ដែល​នៅ​សេសសល់​ចុងក្រោយបង្អស់ បាន​យល់ព្រម​ទម្លាក់​អា​វុ​និង​វិល​មក​រួមរស់​នៅក្នុង​សង្គម​កម្ពុជា​វិញ​។​ទោះជា​យ៉ាងណាក្តី​សន្តិភាព​នា​អំឡុង​រយៈពេល​ម្ភៃ​ឆ្នាំ​ចុង​ក្រោយនេះ មិនបាន​លុបបំបាត់​នូវ​ប្រវត្តិសាស្ត្រ​នៃ​ទីកន្លែង​ដ៏​អាស្រូវ ឬ​ទីតាំង​ជាក់ស្ដែង​នៃ​អំពើហិង្សា​ប្រឆាំង​បក្សពួក ពលកម្ម​ដោយ​បង្ខំ ការសម្លាប់​យ៉ាង​ឃោរឃៅ ព្រមទាំង​ទីតាំង​ឃុំឃាំង ទីតាំង​បូជា និង​ផ្នូរ​របស់ ប៉ុល ពត ជាដើម​នោះទេ​។
​ប្រមាណ​៨0​ភាគរយ​នៃ​ប្រជាជន​ស្រុក​អន្លង់វែង​សព្វថ្ងៃ គឺជា​អតីត​ខ្មែរក្រហម ភាគច្រើន​ប្រកបមុខរបរ​កសិកម្ម​ដុត​ព្រៃ ដែល​មួយចំនួន​បាន​បណ្ដាល​ឲ្យ​មានការ​បំផ្លិចបំផ្លាញ​ព្រៃឈើ​ឥត​គណនា​នៅក្នុង​ប្រទេស​។ មជ្ឈមណ្ឌល​ឯកសារ​កម្ពុជា បានចាប់ផ្ដើម​ដំណើរការ​នៃ​ការផ្សះផ្សា ការចូលរួមចំណែក និង​ការអប់រំ តាមរយៈ​ការកែប្រែ​ផ្ទះមួយ​នៅលើ​ភ្នំ​ដងរែក ដែល​ធ្លាប់បាន​ប្រើប្រាស់​ដោយ​ប៉ុលពត​និង​ថ្នាក់ដឹកនាំ​ខ្មែរក្រហម​ដើម្បី​រៀបចំ​ផែនការ​សកម្មភាព​ហិង្សា​ឲ្យ​ទៅជា​មជ្ឈមណ្ឌល​សន្តិភាព​អន្លង់វែង ដឹកនាំ​ដោយ​បណ្ឌិត លី សុខ​ឃាង​។

ក្រសួងទេសចរណ៍ និង​ក្រុមការងារ​ស្រាវជ្រាវ​របស់​មជ្ឈមណ្ឌល​ឯកសារ​កម្ពុជា បានកំណត់​ទីតាំង​ប្រវត្តិសាស្ត្រ​យ៉ាងហោច ១៤​កន្លែង គិត​ចាប់ពី​ស្រុក​អន្លង់​មកដល់​កំពូលភ្នំ​ដងរែក​

​ក្រសួងទេសចរណ៍ និង​ក្រុមការងារ​ស្រាវជ្រាវ​របស់​មជ្ឈមណ្ឌល​ឯកសារ​កម្ពុជា បានកំណត់​ទីតាំង​ប្រវត្តិសាស្ត្រ​យ៉ាងហោច ១៤​កន្លែង គិត​ចាប់ពី​ស្រុក​អន្លង់​មកដល់​កំពូលភ្នំ​ដងរែក​។ ដោយ​សហការ​ជាមួយ​សហគមន៍​ក្នុង​តំបន់ មជ្ឈមណ្ឌល​កម្ពុជា​នឹង​ត​ភ្ជាប់​ទីតាំង​ប្រវត្តិសាស្ត្រ​ដែល​បានកំណត់​ទាំងអស់នេះ​បង្កើតជា​ផ្លូវ​ថ្មើរជើង​បត់បែន​ឆ្លងកាត់​ទីក្រុង​និង​តំបន់កសិកម្ម​ផ្សេងៗ​។​ដំណើរការ​នៃ​ការសិក្សា​យល់ដឹង​អំពី​ប្រវត្តិសាស្ត្រ​និង​ដំណើរ​នៃ​ការធ្វើ​ឲ្យ​ជាសះស្បើយ​ដោយ​ប្រើប្រាស់​ទេសភាព បាន​ច្របាច់​បញ្ចូល​គ្នា​តែមួយ បង្កើតជា​បទពិសោធន៍​ថ្មើរជើង​ដ៏​មាន​ឥទ្ធិពល​និង​សមស្រប​តាម​បុគ្គល​ម្នាក់ៗ​។ ដំណើរ​ដោយ​ថ្មើរជើង​នឹង​បញ្ចប់​នៅ​ព្រឹក​នៃ​ថ្ងៃទី​បី​ដោយ​ការ​គន់មើល​ថ្ងៃ​រះ​នៅ​មជ្ឈមណ្ឌល​សន្តិភាព​អន្លង់វែង​ស្ថិតនៅលើ​ច្រាក់​ភ្នំ​ដងរែក​។

សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ(រូបខាងស្តាំ)លោក ឆាំងយុ នាយកមជ្ឈមណ្ឌលឯកសារកម្ពុជា(ខាងឆ្វេង)(រូបមជ្ឈមណ្ឌលឯកសារកម្ពុជា)

​ប្រវត្តិសាស្ត្រ​ខ្មែរក្រហម គឺជា​អ្វីដែល​ធ្វើ​ឲ្យ​ស្រុក​អន្លង់វែង​គួរ​ជាទី​ចាប់អារម្មណ៍​ប្លែក​ពី​គេ ក៏ប៉ុន្តែ​តំបន់​នេះ​មិន​មែនមាន​សារសំខាន់​ដោយសារតែ​ប្រវត្តិសាស្ត្រ​ក្នុង​តំបន់​តែមួយ​មុខ​ប៉ុណ្ណោះ​ទេ​។ ស្រុក​អន្លង់វែង​មាន​តំបន់​ប្រវត្តិសាស្ត្រ​យោធា​ជាច្រើន ដែលជា​អតីត​មូលដ្ឋាន​របស់​កងកម្លាំង​យោធា​កម្ពុជា និង​រឿងរ៉ាវ​ពាក់ព័ន្ធ​នឹង​ជម្លោះ​ប្រដាប់អាវុធ​រវាង​កងក​ម្លាំ​ង​យោធា​, ការ​ប្រឈម​តទល់​គ្នា និង​ការធ្វើ​សមយុទ្ធ​ក្នុង​តំបន់​ជាច្រើន​។ ប្រវត្តិសាស្ត្រ​យោធា​ដូច​ទៅនឹង​ប្រ​ត្តិ​សាស្ត្រ​ខ្មែរក្រហម​ដែរ​គឺ​មិន​ត្រឹមតែ​ផ្ដល់នូវ​ការយល់ដឹង​ជាក់ច្បាស់​អំពី​ប្រវត្តិសាស្ត្រ​នៃ​ប្រទេស​កម្ពុជា​ប៉ុណ្ណោះ​ទេ ប៉ុន្តែ​ថែមទាំង​បង្ហាញ​អំពី​ការតស៊ូ​និង​ភាពមិន​ងាយ​ទ្រុឌទ្រោម​របស់​ប្រជាជន​កម្ពុជា​ទៀតផង​។ វិធីសាស្ត្រ​របស់​យើង​ក្នុងការ​អភិវឌ្ឍ​តំបន់ គឺ​មិនមែន​លុបបំបាត់​ការចងចាំ​ង​ពី​អំពើហិង្សា​និង​របួស​ផ្លូវចិត្ត​នោះទេ ក៏ប៉ុន្តែ​គឺ​កែប្រែ​តំបន់​នេះ ពី​ទីតាំង​នៃ​ការឈឺចាប់​ទៅជា​ទីតាំង​នៃ​ការរីកចម្រើន​ទៅ​ថ្ងៃមុខ​។ ជា​ឧទាហរណ៍ នៅ​ទីតាំង​មួយ​នៃ​ការប្រព្រឹត្ត​អំពើហិង្សា​លើ​ស្ត្រី គឺ​ទីតាំង​ដែល​ភរិយា​និង​កូន​របស់​អតីត​មេដឹកនាំ​ផ្តាច់ខ្លួន​ម្នាក់ ត្រូវបាន​រំលោភ​និង​សម្លាប់​អាច​កែប្រែ​ទៅជា​មជ្ឈមណ្ឌល​សម្រាប់​ស្ត្រី​ដោយ​ផ្តល់​ជាការ​បណ្តុះបណ្តាល​និង​ការពិគ្រោះ​យោបល់​។ ឃ្លាំង​ផ្ទុក​និង​កែច្នៃ​គ្រាប់មីន អាច​កែលម្អ​ជាទី​តាំង​ផលិត​ឈើច្រត់ រទេះ​ជនពិការ និង​កង់​។

​មជ្ឈមណ្ឌល​ឯកសារ​កម្ពុជា មានបំណង​ផ្លាស់ប្តូរ​មុខមាត់​វិស័យ​ទេសចរណ៍​នៅក្នុង​ប្រទេស​កម្ពុជា​។ នៅក្នុង​ប្រទេសមួយ​ដែល​ប្រជាជន​ភាគច្រើន​រកចំណូលបាន​តិចជាង​៦​ដុល្លារ​សហរដ្ឋអាមេរិក​ក្នុង​មួយថ្ងៃ ប្រទេស​នេះ​គួរ​បង្កើន​សកម្មភាព​ទេសចរណ៍​ឲ្យ​បាន​ច្រើន ដែល​ប្រសិនបើ​មិន​អាចជា​សកម្មភាព​លក្ខ​ណៈ​អប់រំ យ៉ាងហោចណាស់​សកម្មភាព​ទេសចរណ៍​ទាំងនោះ​គួរតែ​គាំទ្រ​ផ្ទាល់​ចំពោះ​ប្រជាជន​ក្រីក្រ​។ មជ្ឈមណ្ឌល​ឯកសារ​កម្ពុជា កំពុង​រៀបចំ​កម្មវិធី​សាកល្បង​ដែល​ផ្ដល់​ការគាំទ្រ​ផ្ទាល់​ចំពោះ​ប្រជាជន​កម្ពុជា​ក្នុង​តំបន់ តាមរយៈ​ការបង្រៀន​ភាសា​អង់គ្លេស និង​ប្រសិនបើ​អាចជា​ភាសា​បារាំង​និង​ភាសា​ចិន​ដោយ​ដោះដូរ​ជាមួយនឹង​ទីតាំង​ស្នាក់អាស្រ័យ​ដើម្បី​សិក្សា​យល់ដឹង​អំពី​ជីវភាព​នៅតាម​ទីជនបទ​ប្រវត្តិសាស្ត្រ​វប្បធម៌​។​វិស័យ​ទេសចរណ៍​អាច​ផ្ដល់​ជា​អត្ថប្រយោជន៍​រួម​តាមរយៈ​ការគាំទ្រ​ចំពោះ​ប្រជាជន​ក្រីក្រ ឬ​ប្រជាជន​ងាយ​រងគ្រោះ​និង​រើសអើង ព្រមទាំង​ភាពសប្បាយ​រីករាយ និង​ភាពសុខដុមរមនា​សម្រាប់​ទេសចរ​។ ទេសចរ​ដែល​ចូលរួម​ក្នុង​សកម្មភាព​ទេសចរណ៍​ខាងលើ​អាច​ទទួលបាន​នូវ​ការ​បញ្ជាក់ថា​ខ្លួន​បាន​ចូលរួមចំណែក​តបស្នង​ដល់​សហគមន៍​ក្នុង​តំបន់​ស្រប​ពេលដែល​កំពុង​ទទួល​បាន​បទពិសោធន៍​ផ្សងព្រេង​ឬ​អារម្មណ៍​ជ្រះថ្លា​ចាក​ចេញពី​ពិភពលោក​ដ៏​មមាញឹក​របស់​យើង​សព្វថ្ងៃនេះ​។​

លោក ឆាំងយុ នាយកមជ្ឈមណ្ឌលឯកសារកម្ពុជា(ខាងឆ្វេង)(រូបមជ្ឈមណ្ឌលឯកសារកម្ពុជា)

មជ្ឈមណ្ឌល​ឯកសារ​កម្ពុជា មានបំណង​ដាក់បញ្ចូល​សកម្មភាព​កីឡា​នៅ​ធ្លា​ខាងក្រៅ ចូលទៅក្នុង​វិស័យ​ទេសចរណ៍​កម្ពុជា​។ ដំណើរ​ថ្មើរជើង ការដើរ​ភ្នំ និង​សកម្មភាព​កីឡា​នៅ​ធ្លា​ខាងក្រៅ​ផ្សេងៗ អាចជា​ផ្នែក​មួយ​យ៉ាងសំខាន់ ដែល​មិន​ត្រឹម​កែលម្អ​ទស្សនៈ​យល់ឃើញ​របស់​បរទេស​មកលើ​ប្រទេស​កម្ពុជា​តែប៉ុណ្ណោះ​ទេ​ប៉ុន្តែ​ថែមទាំង​កែប្រែ​លើ​ការដែល​យុវជន​កម្ពុ​ជាមាន​ភាព​រីករាយ​ចំពោះ​ប្រទេស​ខ្លួន និង​ផ្តល់ឱកាស​ដល់​ប្រជាជន​ក្នុង​តំបន់​បង្ហាញ​អំពី​សហគមន៍ វប្បធម៌ និង​រឿងរ៉ាវ​ជីវិត​របស់ខ្លួន​ទៀតផង​។ មជ្ឈមណ្ឌល​ឯកសារ​កម្ពុជា ចង់​អភិវឌ្ឍ​តំបន់​អន្លង់វែង​ទៅជា​ទីតាំង​មួយ ដែល​ព្រឹត្តិការណ៍​កីឡា​នៅ​ធ្លា​ខាងក្រៅ​នានា​អាច​ប្រារព្ធ​ឡើង​បាន​ដោយ​សុវត្ថិភាព និង​មាន​របៀបរៀបរយ​។ កីឡា​រត់​ចម្ងាយ ការដើរ​ភ្នំ និង​ព្រឹត្តិការណ៍​កីឡា​ផ្សេងៗ​ទៀត អាចជា​វិធីសាស្ត្រ​ដែល​រួម​ប​ញ្ជូ​ល​ការថែទាំ​សុខភាព​ផ្លូវកាយ ទៅក្នុង​វិស័យ​ទេសចរណ៍ និង​ការអភិវឌ្ឍ​សង្គម​សេដ្ឋកិច្ច​។ ទេសចរ​អាច​ទទួលយក​បទពិសោធន៍​បែប​ផ្សងព្រេង ប៉ុន្តែ​ប្រកបដោយ​សុវត្ថិភាព​តាមរយៈ​ព្រឹត្តិការណ៍​កីឡា​នៅ​ធ្លា​ខាងក្រៅ​ដែល​អ្នក​ទាំងនោះ​នឹង​ទទួលបាន​ចំណេះដឹង​វប្បធម៌​ប្លែក​ពី​គេ​របស់​ប្រជាជន​ក្នុង​តំបន់​អម​ជាមួយនឹង​ការ​ប្រាកដ​ចិត្ត​ថា​កិច្ច​ចូលរួម​របស់ខ្លួន​នឹង​ជួយ​លើកស្ទួយ​សេដ្ឋកិច្ច​ក្នុង​សហគមន៍​និង​ក្នុង​តំបន់​ព្រមទាំង​ផ្តល់​តម្លៃ​ដល់​ប្រជាជន​ក្រីក្រ​និង​ប្រជាជន​ងាយ​រងគ្រោះ​និង​រើសអើង​។

​អនាគត​នៃ​ប្រទេស​កម្ពុជា ពឹងផ្អែក​ខ្លាំង​ទៅលើ​ការច្នៃ​បង្កើត​ថ្មី​និង​ការវិនិយោគ​លើ​គំនិត​និង​បច្ចេកវិទ្យា​ថ្មីៗ ក៏ដូចជា​ការវិនិយោគ​លើ​ប្រជាជន​របស់ខ្លួន​ដែរ​។​ដើម្បី​ឲ្យ​មានការ​អភិវឌ្ឍ​ជាង​នេះ​រួមទាំង​ការចូលរួម​យ៉ាងសកម្ម​នៅក្នុង​សេដ្ឋកិច្ចពិភពលោក ប្រទេស​កម្ពុជា​ត្រូវតែ​ធ្វើការ​វិនិយោគ​ឲ្យ​មាន​សមតុល្យ​ចំពោះ​ប្រជាជន​និង​បច្ចេកវិទ្យា ដោយ​មិន​លះបង់​ផ្នែក​ណាមួយ​ឡើយ​។ ដើម្បី​សម្រេចបាន​សមិទ្ធផល​នេះ មជ្ឈមណ្ឌល​ឯកសារ​កម្ពុជា នឹងដាក់​បញ្ចូល​ការអប់រំ​ផ្នែក​បច្ចេកវិទ្យា​ព័ត៌មាន​ជា​សមាសធាតុ​មួយ​ក្នុងចំណោម​សមាសធាតុ​ជាច្រើន​ទៀត​នៃ​កិច្ចការ​អភិវឌ្ឍ​របស់​ខ្លួន​នៅក្នុង​ស្រុក​អន្លង់វែង​។ យុវជន​កម្ពុជា​អាច​ទទួលបាន​កុំព្យូទ័រ​និង​បរិក្ខារ​ព័ត៌មានវិទ្យា​ទំនើប​និង​ទាន់សម័យ​បំផុត ប៉ុន្តែ​ប្រសិនបើ​មនុស្ស​ជំនាន់​ថ្មី​ទាំងនោះ​គ្មាន​ជំនាញ ចំណេះដឹង និង​សមត្ថភាព​មូលដ្ឋាន ដើម្បី​ប្រើប្រាស់​បរិក្ខា​ខាងលើ​និង​សិក្សា​អំពី​ឧបករណ៍​ដែល​ទំនើប​ជាង​នេះ​ទេ​មិន​ថា​ការវិនិយោគ​ទៅលើ​គំនិត​ឬ​បច្ចេកវិទ្យា​ថ្មី​ច្រើន​យ៉ាងណាទេ គឺ​សុ​ធ​សឹងតែ​ឥតន័យ​ខ្លឹមសារ​។

២៥​ភាគរយ​នៃ​ប្រជាជន​ក្នុងស្រុក​អន្លង់វែង​ទទួលរង​ពិការភាព​រាងកាយ​ដោយសារតែ​គ្រាប់មីន​និង​សង្គ្រាម​ទ័ពព្រៃ​ដ៏​វែង​អន្លាយ​។ មជ្ឈមណ្ឌល​ឯកសារ​កម្ពុជា ខ្នះខ្នែង​បង្កើត​ឲ្យ​មានការ​ចូលរួម​ពី​សំណាក់​ជនពិការ ជា​ផ្នែក​ដ៏​សំខាន់​មួយ​នៅក្នុង​កម្មវិធី​សាកល្បង​របស់ខ្លួន​។ តាមរយៈ​ដំណើរការ​កែប្រែ​នេះ «​ទីតាំង​មួយ​» ដែល​ធ្លាប់​បង្ក​ជា​របួសស្នាម​លើ​ប្រជាជន អាច​ប្រែ​ក្លាយទៅជា​ទីកន្លែង​មួយ​ដែល​ផ្ដល់​ជាការ​ងារ​ដល់​ប្រជាជន តាមរយៈ​ការបង្កើន​ការ​ចល័ត​ទី​និង​ការ​បង្កើតជា​សង្គម​មួយ​ដ៏​ពេញលេញ​។ ភាពមិន​ងាយ​ទ្រុឌទ្រោម​និង​ជោគជ័យ​នៃ​ប្រទេស​ក្រោយ​ជម្លោះ​មួយ គឺ​អាស្រ័យទៅលើ​ការដែល​ប្រទេស​នេះ​ប្រឈម​តទល់​ជាមួយនឹង​អតីតកាល​និង​បច្ចុប្បន្នកាល​របស់ខ្លួន ហើយ​គ្មាន​ជោគជ័យ​នា​អតីតកាល​ក្នុង​ទំហំ​ណាមួយ​អាចធ្វើ​ឲ្យ​ប្រទេសមួយ​ត្រៀមខ្លួន​រួចរាល់​ដើម្បី​តតាំង​នឹង​ឧបសគ្គ​នៅ​ថ្ងៃ​អនាគត​បាន​នោះទេ​។ របប​ប្រល័យពូជសាសន៍​ខ្មែរក្រហម​បាន​ដួលរលំ​អស់​រយៈកាល​ប្រមាណ​៤០​ឆ្នាំ​មកហើយ ប៉ុន្តែ​ប្រវត្តិសាស្ត្រ​នៃ​របប​នេះ នៅតែ​បន្ត​លាន់​រំពង​នៅក្នុង​ស្ថានភាព​បច្ចុប្បន្ន​របស់​ប្រទេស​កម្ពុជា ហើយ​នៅតែ​បន្ត​ជា​មេរៀន​មួយ​សម្រាប់​មនុស្ស​គ្រប់រូប គឺ​ទាំង​ប្រជាជន​កម្ពុជា និង​សហគមន៍​អន្តរជាតិ​។​

​ខ្ញុំ​ជឿជាក់ថា​អនាគត​នៃ​ប្រទេស​កម្ពុជា​ពឹងផ្អែក​ទៅលើ​ការដែល​ប្រទេស​នេះ​គាំពារ​ប្រជាជន​ក្រីក្រ​និង​ប្រជាជន​ងាយ​រងគ្រោះ​និង​រើសអើង​របស់ខ្លួន ដែល​ភាគច្រើន​បាន​ទទួលរង​ទុក្ខ​ក្រោម​របប​ខ្មែរក្រហម ពីព្រោះថា​បច្ចុប្បន្នភាព​និង​អនាគតកាល​នៃ​ប្រទេស​កម្ពុជា គឺ​ពឹងផ្អែក​យ៉ាងខ្លាំង​ទៅលើ​កម្លាំង​នៃ​ប្រជាជន​កម្ពុជា​។ ដើម្បី​ឲ្យ​មានការ​អភិវឌ្ឍ​ជាង​នេះ រួមទាំង​ការចូលរួម​យ៉ាងសកម្ម​នៅក្នុង​សេដ្ឋកិច្ចពិភពលោក ប្រទេស​កម្ពុជា ត្រូវតែ​ធ្វើការ​វិនិយោគ​ឲ្យ​មាន​សមតុល្យ​ចំពោះ​ប្រជាជន​និង​បច្ចេកវិទ្យា ដោយ​មិន​លះបង់​ផ្នែក​ណាមួយ​ឡើយ​។ ខ្ញុំ​នឹង​សាកល្បង​អនុវត្ត​កម្មវិធី​ដ៏​មោះមុត​នេះ នៅ​ស្រុក​អន្លង់វែង​ក្នុង​ឆ្នាំ​២០២១​ខាងមុខ​៕សរន

ទីតាំងផ្សាយពាណិជ្ជកម្ម

- Advertisment -

Most Popular