Home ព័ត៌មានជាតិ នយោបាយ ប្រមុខ​ការទូត...

ប្រមុខ​ការទូត : គោលនយោបាយ​ការបរទេស​កម្ពុជា​ត្រូវបាន​ទ្រទ្រង់​រឹងមាំ​ដោយ​ស្មារតី​ពហុភាគី​និយម​


ដោយៈ មុនី​រ័ត្ន​/ភ្នំពេញៈ លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការ​បរទេស​កម្ពុជា បាន​បញ្ជាក់ថា គោលនយោបាយ​ការបរទេស​របស់​កម្ពុ​ជា ត្រូវបាន​ទ្រទ្រង់​យ៉ាងរឹងមាំ​ដោយ​ស្មារតី​ដ៏​មោះមុត​នៃ​ពហុភាគី​និយម​។
ការបញ្ជាក់​របស់​ប្រមុខ​ការទូត​កម្ពុជា បាន​ធ្វើឡើង​សន្និសីទ​ក្រោម​ប្រធានបទ “​អនាគត​ដែល​យើង​ចង់បាន​តួនាទី​នៃ​ពហុភាគី​និយម​ក្នុង​ពិភពលោក​ក្រោយ​ជំងឺ​កូ​វីដ​-១៩” ដើម្បី​អបអរសាទរ​ខួប​លើក​ទី​៧៥ នៃ​អង្គការ សហប្រជាជាតិ កាលពី​ថ្ងៃទី​២៧ ខែតុលា​នេះ ។​

លោក​ឧបនាយករដ្ឋមន្ត្រី ប្រាក់ សុខុន បាន​បន្តថា កាលពី​ជិត ២​ឆ្នាំមុន គឺ​នៅពេល​ដែល​សម្តេច​តេ​ជោ ហ៊ុន សែន បាន​ប្តេជ្ញាចិត្ត​ធ្វើជា​ម្ចាស់ផ្ទះ​រៀបចំ​កិច្ចប្រជុំ​កំពូល​អាស៊ី​-​អឺរ៉ុប (ASEM13) ដែល​គួរតែ​ត្រូវ​រៀបចំ​ក្នុងឆ្នាំនេះ សម្តេច​តេ​ជោ ចង់​រួមចំណែក​ក្នុង​មធ្យោបាយ​ច្បាស់លាស់​បំផុត​តាមតែ​អាចធ្វើ​បាន នូវ​ការប្តេជ្ញាចិត្ត​របស់​កម្ពុ​ជា​ដើម្បី បន្ត​ជម្រុញ​ពហុភាគី​និយម​។ ឈរ​ក្នុង​លេខ​រៀង​ទី​២ ធំ​បន្ទាប់ពី​អង្គការសហប្រជាជាតិ ASEM គឺជា​ប្លុក​ដ៏​ធំ​បំផុត​មួយ​សម្រាប់​ពហុភាគី​និយម​ប្រកបដោយ​ប្រសិទ្ធភាព ដើម្បី​ដោះស្រាយ​បញ្ហា​សកល និង​តំបន់ និង​ការគំរាមកំហែង​ឆ្លងដែន និង​មិនមែន​ប្រពៃណី ជាច្រើន​ផ្សេងទៀត​។ នៅក្នុង​កម្រិត​លោក ដោយ​រួម​ជាមួយនឹង​រដ្ឋមន្ត្រីការបរទេស ASEM ទាំងអស់ យើង​បាន​ប្រឹងប្រែង​រួមគ្នា​ចេញ​សេចក្តីថ្លែងការណ៍​ថ្នាក់​រដ្ឋមន្ត្រី​ដ៏​ម៉ឺងម៉ាត់​មួយ​ស្ដីពី​ជំងឺ​កូ​វីដ​-១៩ កាលពី​ខែកញ្ញា កន្លងមក ដែល​ក្នុងនោះ យើង​បាន​រំលឹក​ឡើងវិញ​ពី​កិច្ចសហប្រតិបត្តិកា​រយ៉ា​ង​ជិតស្និទ្ធ​ក្នុងចំណោម​ដៃគូ ASEM ដើម្បី​ឆ្លើយតប​ដោយ​សមស្រប​ទៅនឹង​បញ្ហា​ប្រឈម​ដែល​បណ្ដាលមកពី​ការ​រាតត្បាត​ជាស​កល​នៃ​ជំងឺ​កូ​វីដ​-១៩ ដោយ​រួម​ប​ញ្ជូ​ល​នូវ​ការបដិសេធ​មិន​ទទួលស្គាល់​ពី​វិសមភាព​យេនឌ័រ ដែល​កំពុង​ជួបប្រទះ និង​ការការពារ​ជន​ទាំងឡាយណា​ដែល​ស្ថិតក្នុង​ស្ថាន​ភាព​ងាយ​រងគ្រោះ​។​


ប្រមុខ​ការទូត​កម្ពុជា​បាន​បញ្ជាក់ថា លើសពីនេះ យើង​បាន​គូសបញ្ជាក់​ពី​ការប្តេជ្ញាចិត្ត​របស់​ដៃគូ ASEM ហើយ​សូម​ដកស្រង់​ឃ្លា​នោះ​ដូចតទៅ​៖ «​ព​ន្លឿ​ន​ការស្តារ​សេដ្ឋកិច្ច​-​សង្គម​ប្រកបដោយ​និរន្តរភាព ក្រោយ​វិបត្តិ​កូ​វីដ​-១៩ ជំរុញ​ការអភិវឌ្ឍ​សេដ្ឋកិច្ច និង​ភាពរឹងមាំ​ផ្នែក​ហិរញ្ញវត្ថុ និង​កសាង​អនាគត​មួយ​ដែលមាន​ភាពយុត្តិធម៌​ជាង​មុន ប្រកប​ដោយ​ចីរភាព និង​បរិ​យា​ប័ន្ន សម្រាប់​ទាំងអស់គ្នា​» ។ តាម​ទស្សនៈ របស់លោក ការ​ចូលរួម​ផ្នែក​ពហុភាគី​របស់ ASEM នឹង​នាំទៅរក​ដំណើរការ​នៃ​ការស្តារ​ឡើងវិញ​កាន់តែ​ឆាប់រហ័ស និង​ការសម្រេចបាន​នូវ​គោលដៅ​អភិវឌ្ឍ​ប្រកបដោយ​ចីរភាព​របស់​យើង​។​

លោក​ឧបនាយករដ្ឋមន្ត្រី បាន​លើកឡើងថា “​វា​ហាក់ដូចជា​មិន​យុត្តិធម៌​ចំពោះ​កង​កម្លាំង​​មួក​ខៀវ​ដ៏​ក្លាហាន​របស់​យើង​ឡើយ ប្រសិនបើ​ខ្ញុំ​មិនបាន​លើកឡើង​ពី​ការចូលរួម​យ៉ាងសកម្ម​របស់​កម្ពុជា​នៅក្នុង​ក្របខណ្ឌ​ថែរក្សា​សន្តិភាព​ពហុភាគី​របស់​អង្គការ​សហ​ប្រជាជាតិ (​អ​.​ស​.​ប​) នោះ​។ ចាប់តាំងពី​ឆ្នាំ​២០០៦​មក កម្ពុជា​បាន​បញ្ជូន​កងកម្លាំង​ថែ​រក្សា​សន្តិភាព​ចំនួន ៧.១២៣ នាក់ បាន​ចូលរួម​ក្នុង​ប្រតិបត្តិ​ការថែរក្សា​សន្តិភាព​របស់ អ​.​ស​.​ប នៅក្នុង​ប្រទេស​ចំនួន​៩ ដែល​ហែកហួរ​ដោយ​សង្គ្រាម ហើយ​ភាគច្រើន​គឺ​នៅក្នុង​ទ្វីបអាហ្វ្រិក នៅក្នុង​នោះ ស្ត្រី​កម្ពុជា ៤១៩​នាក់​ក៏ បាននិងកំពុង​ចូលរួម​នៅក្នុង​បេសក​កម្ម​នេះ​ផងដែរ ។ ស្ត្រី​រក្សា​សន្តិភាព​របស់​យើង បាន​បម្រើការ​ជា​បុគ្គលិក​ពេទ្យ​និង​សន្តិ​សុខ ជា​វិស្វករ ស៊ីវិល និង​ជា​អ្នកជំនាញ​បោសសំអាត​មីន​។ កម្ពុជា​ជាប់​ចំណាត់ថ្នាក់​លេខ​១៧ ក្នុងចំណោម​១២០​ប្រទេស ដែល​បញ្ជូន​ស្ត្រី​ច្រើន​ទៅ​ចូលរួម​ក្នុង​បេសកកម្ម​ថែរក្សា​សន្តិភាព​របស់ អ​.​ស​.​ប​នេះ​។ កម្ពុជា​បច្ចុប្បន្ន​ស្ថិតនៅ​ចំណាត់ថ្នាក់​ទី​២ ក្នុង​ចំណោម​​ប្រទេស​សមាជិក​អាស៊ាន បើ​និយាយ​ពី​ចំនួន​ចូលរួម​របស់​ស្ត្រី​។ នេះ​គឺជា​ទិដ្ឋ​ភាព​មួយទៀត​នៃ​អនាគត​ដែល​យើង​ចង់បាន​សម្រាប់​មនុស្សជាតិ​: សន្តិភាព និង​សន្តិ​សុខ​។ មាន​សន្តិភាព គឺមាន​ក្តីសង្ឃឹម​យ៉ាង​ធំធេង​ក្នុងការ​សម្រេចបាន​គោលដៅ​ដ៏​ថ្លៃថ្លា ក្រោម​របៀបវារៈ​អភិវឌ្ឍន៍​ប្រកបដោយ​ចីរភាព​ឆ្នាំ​២០៣០ របស់ អ​.​ស​.​ប​៕​/R

ទីតាំងផ្សាយពាណិជ្ជកម្ម

- Advertisment -

Most Popular

នាយករដ្ឋមន្ត្រី​ឥណ្ឌា​ធ្វ...

​ប្រែ​សម្រួលៈ​វាសនា​/​អាម...

សម្ពោធ​អគារ​ទីស្នាក់ការ​គ...

ដោយ​: គ្រញូង / បាត់ដំបង​:...

អាជ្ញាធរ​ខណ្ឌឫស្សីកែវ​ធ្វ...

​ដោយ​: រ៉ា​មន / ភ្នំពេញ​:...

នាយករដ្ឋមន្ត្រី​ក្រូ​អាស៊...

​ប្រែ​សម្រួលៈ​វាសនា​/​បែ​...