Home ព័ត៌មានជាតិ នយោបាយ ក្រុមប្រឹក្សា...

ក្រុមប្រឹក្សា​ជាតិ​ភ័ស្តុភា​រកម្ម ប្រជុំ​ពិនិត្យ​ការអភិវឌ្ឍ​មជ្ឈមណ្ឌល ភ័ស្តុភារ​កម្ម​ភ្នំពេញ និង​គម្រោង​ការធ្វើឱ្យ​ប្រសើរឡើងនូវ​ច្រក​ទ្វារ​ព្រំដែន​


ដោយៈ គ​ន្ធា / ភ្នំពេញៈ នា​រសៀល ថ្ងៃទី​២៦ ខែតុលា ឆ្នាំ​២០២០ នៅ​ទីស្តីការក្រសួង​សេដ្ឋកិច្ច និង​ហិរញ្ញវត្ថុ លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ និង​ជា​ប្រធាន​ក្រុម​ប្រឹក្សាជាតិ​ភ័ស្តុភា​រកម្ម (​ក​.​ជ​.​ភ​) បាន​ដឹកនាំ​កិច្ចប្រជុំ ក្រុមប្រឹក្សា​ជាតិ​ភ័ស្តុភា​រកម្ម លើក​ទី​២ ដើម្បី​ពិនិត្យ​លើ “​ការ​រៀប​ចំ​កិច្ចព្រមព្រៀង​ក្របខណ្ឌ ក្នុងការ​អភិវឌ្ឍ​មជ្ឈមណ្ឌល​ភ័ស្តុភារ​កម្ម​ភ្នំពេញ (PPLC)” និង​ដើម្បី​ពិនិត្យ​វឌ្ឍនភាព នៃ​ការរៀបចំ​សំណើ​គម្រោង “​ការធ្វើឱ្យ​ប្រសើរ​ឡើង នូវ​ច្រកទ្វារព្រំដែន​អន្តរជាតិ បាវិត​-​ម៉ុក​បៃ​, ប៉ោយប៉ែត​-​អារញ្ញ​ប្រាថេត​, ស្ទឹង​បត់​-​បាន​ណង​អៀន និង​ព្រៃ​វ​ល្លិ៍​-​ប៊ិ​ញ​ហៀ​ប​”​។​

​កិច្ចប្រជុំ​នេះ មានការ​អញ្ជើញ​ចូលរួម​ពី សំណាក់​លោក​ទេសរដ្ឋមន្ត្រី រដ្ឋមន្ត្រីក្រសួង​សាធា​រណការ និង​ដឹកជញ្ជូន ព្រមទាំង​សមាជិក សមាជិកា នៃ​ក្រុម​ប្រឹក្សាជាតិ​ភ័ស្តុភា​រកម្ម និង​សមាជិក សមាជិកា នៃ​ក្រុមការងារ​ចំពោះ​កិច្ច ដើម្បី​ដោះស្រាយ​បញ្ហា​ប្រឈម នៅ​ច្រកទ្វារព្រំដែន កម្ពុជា​-​វៀតណាម និង កម្ពុជា​-​ថៃ ។​

​ក្នុងការ​អភិវឌ្ឍ​មជ្ឈមណ្ឌល​ភ័ស្តុភារ​កម្ម​ភ្នំពេញ​, រាជរដ្ឋាភិបាល​កម្ពុជា បានសម្រេច​ជ្រើសរើស​ក្រុមហ៊ុន YCH និង Infrastructure Asia (IA) របស់​ប្រទេស​សឹង្ហ​បុរី ជា​ដៃគូ​ឯកជន ដើម្បី​សិក្សា និង​អភិវឌ្ឍ​សំណើ គម្រោង​មជ្ឈមណ្ឌល​ភ័ស្តុភារ​កម្ម​ភ្នំពេញ (Phnom Penh Logistics Complex – PP-LC) និង​បានផ្តល់​ភារកិច្ច ជូន​ក្រសួង​សាធារណការ និង​ដឹកជញ្ជូន ក្នុងឋានៈ​ជា​ប្រធាន គណៈកម្មាធិការ​ជាតិ​ភ័ស្តុភា​រកម្ម ដឹកនាំ​រៀបចំ​កិច្ចព្រមព្រៀង​ក្របខណ្ឌ (Framework Agreement – FA) ជាមួយ​ក្រុមហ៊ុន YCH និង​ក្រុមហ៊ុន IA ដូចដែល​ធ្លាប់បាន​អនុវត្ត​កន្លងមក សម្រាប់​គម្រោង​ផ្លូវ​ល្បឿន​លឿន ភ្នំពេញ​-​ក្រុងព្រះសីហនុ និង​គម្រោង​ផ្លូវ​ល្បឿន​លឿន ភ្នំពេញ​-​បាវិត​។​

​អង្គប្រជុំ ក៏បាន​ពិនិត្យ ពិភាក្សា ទៅលើ​សេចក្ដីព្រាង FA នេះ និង​បានផ្ដល់​ធាតុ​ចូល យ៉ាង​ផុសផុល ទៅលើ​ចំណុច​មួយចំនួន ដែល​លើកឡើង ដោយ​ភាគី​សឹង្ហ​បុរី អំពី​គុណសម្បត្តិ និង​គុណវិបត្តិ ពាក់ព័ន្ធ​នឹង​ការអនុវត្ត​គម្រោង​។ ក្រោយពី​កិច្ចពិភាក្សា​, លោក​អគ្គបណ្ឌិត​សភាចា​រ្យ និង​ជា​ប្រធាន ក​.​ជ​.​ភ បាន​ណែនាំ​ឱ្យ​ក្រសួង​សាធារណការ និង​ដឹកជញ្ជូន ធ្វើការ​កែសម្រួល FA ឡើងវិញ ដោយ​បញ្ចូល​ចំណុច ដែល​លើកឡើង ដោយ​ក្រុមហ៊ុន YCH និង​បាន​ស្នើឱ្យ​ក្រុមហ៊ុន YCH បញ្ជាក់​ឲ្យ​បានច្បាស់លាស់ អំពី​បញ្ជី​តម្រូវការ​ជាមុន (List of Prerequirements) ទៅក្នុង​ការសិក្សា​សមិទ្ធិ​លទ្ធភាព រួមគ្នា​ឡើងវិញ នៃ​គម្រោង PP-LC នេះ​។ រាជរដ្ឋាភិបាល នឹងធ្វើ​ការសម្រេច​លើ​ការជួយ​គាំទ្រ ដល់​ការអនុវត្ត​គម្រោង​នេះ ដោយ​ផ្អែក​តាម​លទ្ធផល នៃ​ការសិក្សា​សមិទ្ធិ​លទ្ធភាព រួមគ្នា​ឡើងវិញ​នេះ ។​

​ដោយឡែក ចំពោះ​ការពិនិត្យ​វឌ្ឍនភាព នៃ​ការរៀបចំ​សំណើ​គម្រោង “​ការធ្វើឱ្យ​ប្រសើរឡើង នូវ​ច្រកទ្វារព្រំដែន​អន្តរជាតិ បាវិត​-​ម៉ុក​បៃ​, ប៉ោយប៉ែត -​អារញ្ញ​ប្រាថេត​, ស្ទឹង​បត់​-​បាន​ណង​អៀន និង​ព្រៃ​វ​ល្លិ៍​-​ប៊ិ​ញ​ហៀ​ប​”, អង្គប្រជុំ បានធ្វើការ​ពិភាក្សា​, ផ្ដល់​ធាតុ​ចូល​សំខាន់ៗ និង​ផ្លាស់ប្ដូរ​ទស្សនៈ​គ្នា យ៉ាង​ផុសផុល ទៅលើ​សំណើ​គម្រោង​បន្ទាន់ (Immediate Projects) ដែល​រួមមាន ៧ គម្រោង និង​សំណើ​គម្រោង​រយៈ​ពេល​​ខ្លី (Short Term Projects) ចំនួន ៨ គម្រោង ។ គម្រោង​ទាំងនេះ ត្រូវបាន​រៀបចំឡើង សំដៅ​ដោះស្រាយ​បញ្ហា​កកស្ទះ​ចរាចរណ៍ នៅ​ច្រកព្រំដែន កម្ពុជា​-​វៀត​ណាម និង​កម្ពុជា​-​ថៃ ទាំង​ផ្នែក​រឹង និង​ផ្នែក​ទន់​។ ក្រោយពី​កិច្ចពិភាក្សា លោក​អគ្គ​បណ្ឌិត​សភាចា​រ្យ និង​ជា​ប្រធាន ក​.​ជ​.​ភ បានសម្រេច​អនុម័ត ជា​ផ្លូវការ​នូវ សំណើ​គម្រោង​បន្ទាន់​ទាំង ៧ គម្រោង និង​បានអនុម័ត ជាគោលការណ៍ នូវ​សំណើ​គម្រោង​រយៈពេល​ខ្លី ទាំង ៨ គម្រោង ដោយ​គម្រោង​រយៈពេល​ខ្លី មួយចំនួន ចាំបាច់​ត្រូវធ្វើ​ការសិក្សា​បន្ថែមទៀត​។​

​លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន បាន​វាយតម្លៃ​ខ្ពស់ ចំពោះ​កិច្ចខិតខំ​ប្រឹង​ប្រែង របស់​ក្រសួង​សាធារណការ និង​ដឹកជញ្ជូន និង​ក្រសួង​-​ស្ថាប័ន​ពាក់ព័ន្ធ ដែល​បាន​ខិតខំ​ប្រឹងប្រែង និង​ចូលរួម​យ៉ាងសកម្ម ក្នុងការ​រៀបចំ និង​ផ្ដល់​ធាតុ​ចូល​សំខាន់ៗ សម្រាប់​រៀបចំ​កិច្ចព្រមព្រៀង​ក្របខណ្ឌ គម្រោង​មជ្ឈមណ្ឌល ភ័ស្តុភារ​កម្ម​ភ្នំពេញ និង​គម្រោង​កែលម្អ​ច្រកទ្វារព្រំដែន កម្ពុជា​-​វៀតណាម និង​កម្ពុជា​-​ថៃ ឱ្យមាន​លក្ខណៈ កាន់​តែ​ប្រសើរឡើង ថែមទៀត​នេះ ហើយ​ក៏បាន​ណែនាំ ឱ្យ​អង្គភាព​ពាក់ព័ន្ធ ចាប់ផ្តើម​អនុវត្ត​សំណើ​គម្រោង ដែល​បានអនុម័ត​ហើយ ជាបន្ទាន់ និង​មាន​ប្រសិទ្ធភាព​ខ្ពស់​ផងដែរ​៕/R

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងទេសចរណ៍​៖ ប៉ូល​ទេសច...

​ដោយ​:​ជា សីហ​:/​ភ្នំពេញៈ...

លោក​ម៉ា​ក្រុង​សរសើរ​ម៉ា​រ...

​ប្រែ​សម្រួល : កញ្ញា​ដា​ល...

ប្រជាជន​អា​ហ្សង់​ទីនលា​លោ...

​ប្រែ​សម្រួល : កញ្ញា​ដា​ល...

បារាំង​បន្ត​យក​ពន្ធ​លើ​ក្...

​ប្រែ​សម្រួល : កញ្ញា​ដា​ល...