Home ព័ត៌មានជាតិ សន្តិសុខ មានការ​លួច​ដា...

មានការ​លួច​ដាក់​ដាយ​ត្រី​ខុសច្បាប់ នៅ​ស្រុក​ស្អាង​ខណៈ​ទឹកជំនន់​កំពុង​ហូរ​បុក​ខ្លាំង​

ដោយៈឆាយា​នាថ​/កណ្តាល​:ប្រជាពលរដ្ឋ បានអោយដឹងថា លោក ជុំ សុវណ្ណ នាយ​សង្កាត់រដ្ឋបាល​ជ​ល​ផល​ស្រុក​ស្អាង ខេត្តកណ្តាល កំពុង​បណ្តែតបណ្តោយ​អោយមាន​កា​រ​លួច​ដាក់​ដាយ​ត្រី​ខុសច្បាប់ ពី​ក្រុម​ឈ្មួញ ខណៈ​ទឹកជំនន់​កំពុង​ហូរ​បុក​ទ្វារ​ទឹក​ស្ពាន​អូរអណ្តូង​យ៉ាងខ្លាំង ដោយ​មិន​គិតពី​ផលប៉ះពាល់​នៃ​ការបាក់​ស្រុត​ស្ពាន​និង​ផ្លូវ​នោះឡើយ ។​

​ទោះបីយ៉ាងណា បញ្ហា​នេះ លោក ជុំ សុវណ្ណ នាយ​សង្កាត់រដ្ឋបាល​ជ​ល​ផល​ស្រុក​ស្អាង ឆ្លើយតប​នៅ​ថ្ងៃទី​៣ ខែវិច្ឆិកា ឆ្នាំ​២០២០ នេះ ថា រឿង​ដាក់​ដាយ​ត្រី គឺ ជា​រឿង​របស់​សហគមន៍ បើ​ចង់ដឹង​ច្បាស់​ទៅ​សួរ​ខាង​សហគមន៍ និង លោក​មេឃុំ​ទៅ ។

​លោក ជុំ សុវណ្ណ បន្តថា រឿងនេះ គឺ ដោយសារ​លោក ទី សុគន្ធ ប្រាប់​ពួក​នោះ​អោយ​កៀរ​កំប្លោក​ចេញ ។ រឿង ទ្វារ​ទឹក​នោះ ពី បី ថ្ងៃ​ទៀត គឺ បើក​ហើយ ។ ចំណែក​ការដាក់​ដាយ​ត្រី វា​មិន​ខុសច្បាប់​ទេ ពីព្រោះ​រដូវ​នេះ​ជា​រដូវ​នេសាទ ។​

​ជាមួយគ្នានេះ បើតាម​ប្រភពព័ត៌មាន​ច្បាស់​ការណ៍​មួយ សុំ​មិន​បញ្ចេញ​ឈ្មោះ បានអោយដឹងថា លោក ជុំ សុវណ្ណ នាយ​សង្កាត់រដ្ឋបាល​ជ​ល​ផល​ស្រុក​ស្អាង មិនមែន​ជំនាញ​ខាង​បង្ក្រាប​បទល្មើស ទេ តែ​ជំនាញ​ខាង​ប្រមូល​លុយ​គ្រប់​កណី​មិនអោយ​របូត​ទេ ។​

​បើតាម​សារាចរ​ណែនាំ​របស់​ក្រសួងកសិកម្ម រុក្ខាប្រមាញ់​និង​នេសាទ បាន​ណែនាំ​ដល់​មន្ត្រីរដ្ឋបាល​ជលផល អោយ​សហការ​ជាមួយ​សមត្ថកិច្ច​ពាក់ព័ន្ធ ដោយ​ចាត់វិធានការ​ទប់ស្កាត់ និង បង្ក្រាប​បទល្មើស​ទាំង​ឲ្យ​បាន​ម៉ឺងម៉ាត់ ដោយមាន​ការចាប់ខ្លួន​ជនល្មើស និង កសាង​សំណុំរឿង ចោទប្រកាន់​ជាបន្ទាន់ បញ្ជូនទៅ​តុលាការ ។ ចំពោះ​ក្នុងករណី​ដែល​ជនល្មើស​រត់គេចខ្លួន​ស​ម​ត្ថ​កិច្ច​មាន​រយៈពេល​៧​ថ្ងៃ ក្នុងការ​ស្រាវជ្រាវ​រក​អត្តសញ្ញាណ​ជនល្មើស​ហើយ​រៀបចំ​សំណុំរឿង​បញ្ជូនទៅ​តុលាការ ៕​/R

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...