សមាហរណកម្ម កម្មវិធី​វិនិយោគ បី​ឆ្នាំ​រំកិល​ក្រុង និង​សង្កាត់ ឆ្នាំ​២០២១-២០២៣ នៅ​ក្រុង​ស្វាយរៀង

ដោយៈ វ៉ៃ​កូ / ស្វាយរៀងៈ រដ្ឋបាលខេត្ត​ស្វាយរៀង នា​ព្រឹក​ថ្ងៃទី​៣ ខែវិច្ឆិកា ឆ្នាំ​២០២០ នេះ បាន​បើក​សិក្ខាសាលា​មួយ ស្តីពី​សមាហរណកម្ម កម្មវិធី​វិនិយោគ បី​ឆ្នាំ​រំកិល ក្រុង​និង​សង្កាត់ ឆ្នាំ​២០២១-២០២៣ នៅ​ក្រុង​ស្វាយរៀង ដែល​នៅ​ក្នុងនោះ មន្ត្រី​ពាក់ព័ន្ធ សរុប​ចំនួន​ជិត ៥០ នាក់ ដែល​បាន​ចូលរួម បាន​ឯកភាព​លើ គម្រោង​កម្មវិធី​វិនិយោគ បី​ឆ្នាំ​រំកិល​ក្រុង និង​សង្កាត់ នៅ​ក្រុង​ស្វាយរៀង នៅ​ឆ្នាំ​២០២១ ខាងមុខនេះ​។​

​នៅក្នុង​ឱកាស​នោះ លោក ម៉ែន វិបុល អភិបាលខេត្ត​ស្វាយរៀង បានបញ្ជាក់​ថាៈ គោលបំណង នៃ​ការរៀបចំ​សិក្ខាសាលា​នាពេលនេះ គឺ​ដើម្បី​ធ្វើ​ឲ្យ​គម្រោង សកម្ម​ភាពជា អាទិភាព ស្នើឡើង​ដោយ​ឃុំ សង្កាត់ មាន​ភាពស៊ីសង្វាក់ ប្រទាក់ក្រឡា​គ្នា ទៅនឹង​គោលនយោបាយ យុទ្ធសាស្ត្រ​ចតុកោណ របស់​រាជរដ្ឋាភិបាល ព្រមទាំង​សកម្មភាព​នានា របស់​បណ្ដា​មន្ទីរ​-​អង្គភាព​ជំនាញ និង​អង្គការ​មិនមែន​រដ្ឋាភិបាល ឈានទៅ​សម្រេចបាន នូវ​គោលដៅ​រួម នៃ​ការអភិវឌ្ឍ​មូលដ្ឋាន ប្រកបដោយ​ប្រសិទ្ធភាព ឆ្លើយតប​ទៅនឹង​តម្រូវការ​ជាក់ស្ដែង ពិតប្រាកដ របស់​ប្រជាពលរដ្ឋ ។​

​លោក​អភិបាលខេត្ត បានស្នើ​ដល់​មន្ទីរ​-​អង្គភាព រួម​នឹង​អង្គការ​ពាក់ព័ន្ធ សូមជួយ​គាំទ្រ​នូវ គម្រោង​អាទិភាព ដែល​លើកឡើង ដោយ​អាជ្ញាធរ​ក្រុង សង្កាត់ ឲ្យ​បាន​ច្រើន និង​សូម​ឲ្យ​អាជ្ញាធរ​ក្រុង សង្កាត់ ត្រូវ​យកចិត្តទុកដាក់ អនុវត្ត​គម្រោង​នានា ក្នុង​មូលដ្ឋាន​របស់ខ្លួន ឲ្យ​បាន​ត្រឹមត្រូវ ដើម្បី​ធានា​ឲ្យ​គម្រោង ដែល​បាន​ព្រមព្រៀង អនុវត្តបាន​ប្រកបដោយ​ជោគជ័យ និង​ផ្ដល់​ផលប្រយោជន៍ ពិតប្រាកដ ជូន​ប្រជាពលរដ្ឋ ដែលជា​អ្នកទទួលផល ពី​គម្រោង​អភិវឌ្ឍន៍​នោះ ។​

​មន្ត្រី​ពាក់ព័ន្ធ សរុប​ចំនួន​ជិត ៥០ នាក់ ដែល​បាន​ចូលរួម បាន​ឯកភាព ទៅលើ​លទ្ធផល នៃ​អង្គសិក្ខាសាលា​ថា នៅ​ឆ្នាំ​២០២១ ខាងមុខ គម្រោង​វិនិយោគ ក្រុង​ស្វាយរៀង មាន​ចំនួន ៣១ គម្រោង មានការ​សន្យា​គាំទ្រ ចំនួន ៣ គម្រោង ស្មើនឹង ៩,៦៧% (​ការសន្យា​គាំទ្រ​ក្រៅ​គម្រោង​) ។ ចំពោះ​គម្រោង​វិនិយោគ សង្កាត់​ទាំង​៧ ក្នុង​ក្រុង មាន​ចំនួន ១២៨ គម្រោង មានការ​សន្យា​គាំទ្រ ចំនួន ៩១ គម្រោង ស្មើនឹង ៧១,០៩% ក្នុងនោះ មានការ​សន្យា​គាំទ្រ ក្នុង​គម្រោង​ចំនួន ៤០ គម្រោង ស្មើនឹង ៤៣,៩៦% ហើយ​មានការ​សន្យា​គាំទ្រ​ក្រៅ​គម្រោង មាន​ចំនួន ៥១ គម្រោង ស្មើនឹង ៥៦,០៤% ៕/R

ទីតាំងផ្សាយពាណិជ្ជកម្ម

- Advertisment -

Most Popular

ឥណ្ឌា​ឈាន​ចូល​កំណើន​អវិជ្...

​ប្រែ​សម្រួលៈ​វាសនា​/​ញូ​...

បិទ​ការធ្វើ​ចរាចរណ៍​កំណាត...

​ដោយៈ រ៉ា​ម៉ន / ភ្នំពេញៈ ...

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...