កម្ពុជា​-​ហុង​គ្រី នឹង​ចុះហត្ថលេខា​លើ​វិស័យ​កសិកម្ម​និង​ក​សិ​-​ពាណិជ្ជកម្ម​នៅ​រសៀល​នេះ​

ដោយ​: ពៅ​និមល​/​ភ្នំពេញ​: តាម​ការគ្រោងទុក នៅ​រសៀល​ថ្ងៃទី​៣ ខែវិច្ឆិកា ឆ្នាំ​២០២០​នេះ ក្រសួងកសិកម្ម រុក្ខាប្រមាញ់ និង​នេសាទ និង​ភាគី​ប្រទេស​ហុង​គ្រី​នឹង​ចុះហត្ថលេខា​លើ អនុស្សរណ នៃ​ការ​យោគ​ជល់​គ្នា​មួយ ក្រោម​អធិបតីភាព​ដ៏​ខ្ពង់ខ្ពស់​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​។​

​ពិធី​ចុះហត្ថលេខា​នេះ នឹង​ប្រារព្ធ​ធ្វើឡើង​នៅ​វិមាន​សន្តិភាព រាជធានី​ភ្នំពេញ ហើយ​ខ្លឹម សារសំខាន់ៗ​នៃ​ពិធី​នេះ គឺ​រំ​លេចឡើង​អំពី​កិច្ចសហប្រតិបត្តិការ ដូចជា​៖ ផលិតកម្ម​ដំណាំ និង​ការអភិវឌ្ឍ​ពូជ​ដំណាំ​, សុខភាព​សត្វ និង​ផលិតកម្ម​សត្វ​, វិស័យ​ជលផល និង​វារីវប្បកម្ម​, ការជំរុញ​ការធ្វើ​ក​សិ​-​ពាណិជ្ជកម្ម​, កិច្ចសហប្រតិបត្តិការ​លើ​ការត្រួតពិនិត្យ អនាម័យ និង​ភូត គា​ម​អនាម័យ​(SPS), ការការពារ​ព្រៃ និង​ដាំ​ឈើ​ឡើងវិញ​, ការកែច្នៃ​ផលិតផល​កសិកម្ម និង​ទីផ្សារ​, ការ​រួមគ្នា​បណ្តុះបណ្តាល​ធនធានមនុស្ស​លើ​វិស័យ​កសិកម្ម ,​បច្ចេកវិទ្យា​កសិកម្ម ការស្រាវជ្រាវ និង​ការអភិវឌ្ឍ​, ការផ្លាស់ប្តូរ​ជំនាញ ចំណេះដឹង និង​បទពិសោធន៍ និង​ជំរុញ​ធ្វើ ឲ្យ​ប្រសើរ​ឡើងលើ​ភាពជា​ដៃគូ​នៃ​ការ​ធ្វើក​សិ​-​ពាណិជ្ជកម្ម​។​

​សូមបញ្ជាក់ថា កាលពី​ព្រឹក​ថ្ងៃ​ខាងលើនេះ លោក វេ​ង សាខុន រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ បានទទួល​ជួប​លោក ភី​ធ័​រ ហ្ស៊ី​ហ្សា​តូ ( Peter Szijjarto) រដ្ឋមន្ត្រីក្រសួង ការបរទេស និង​ពាណិជ្ជកម្ម​ហុង​គ្រី និង​សហការី ដើម្បី​ពិភាក្សា​អំពី​ទំនាក់ទំនង និង​កិច្ច​សហ ប្រតិបត្តិការ​លើ​វិស័យ​កសិកម្ម និង​ក​សិ​-​ពាណិជ្ជកម្ម​រវាង​ប្រទេស​ទាំងពីរ​។

​ក្នុងជំនួប​នេះ ភាគី​ហុង​គ្រី បានបង្ហាញ​គោលបំណង​នៃ​ដំណើរ​ទស្សនកិច្ច​នៅ​កម្ពុ​ជានា​ថា គឺ​ដើម្បី​ពង្រឹង​និង​ពង្រីក​កិច្ចសហប្រតិបត្តិការ​លើ​វិស័យ​កសិកម្ម រវាង​ប្រទេស​ទាំងពីរ​ឲ្យ​កាន់ តែ​ល្អប្រសើរ​នាពេល​អនាគត ខណៈដែល​វិស័យនេះ​នៅ​ហុង​គ្រី​បាននិងកំពុង​បំពេញ​តួនាទី យ៉ាងសំខាន់​ក្នុង​សេដ្ឋកិច្ច​ប្រមាណ​ជា ៨​ភាគរយ នៃ​ផលិតផល​សរុប (GDP)​។ ការប្រើប្រាស់ បច្ចេកវិទ្យា​ដាំ​ដុះ ការកែឆ្នៃ​ផលិតផល​កសិកម្ម និង​ការគ្រប់គ្រង​ទឹក​កំពុង​ទទួលបាន​ជោគជ័យ ជាខ្លាំង​នៅក្នុង​ប្រទេស​ហុង​គ្រី​៕​PC

ទីតាំងផ្សាយពាណិជ្ជកម្ម

- Advertisment -

Most Popular

ឥណ្ឌូនេស៊ី​រាយការណ៍​ករណី​...

​ប្រែ​សម្រួល : កញ្ញា​ដា​ល...

ក្រសួងសុខាភិបាល​បានបង្ហាញ...

​ដោយ​៖​តារា​រិ​ទ្ធ​/​ភ្នំ...

ការ​អ៊ុត​កៅស៊ូ​លើផ្លូវ​៣៤...

​ដោយៈ​ប​.​ខុន​/​ភ្នំព...

ប៉ូលិស​ហ្វីលីពីន​គំរាម​យក...

​ប្រែ​សម្រួល : កញ្ញា​ដា​ល...