មន្ត្រី​បសុព្យាបាល​ខេត្ត ចុះ​ត្រួតពិនិត្យ​តាមដាន ស្ថានភាព​ជំងឺ​សត្វ និង​ផ្សព្វផ្សាយ ពី​វិធាន​ការការពារ​ជំងឺ ដល់​ពលរដ្ឋ​

ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​៣ ខែវិច្ឆិកា ឆ្នាំ​២០២០ ក្រុមមន្ត្រី​ការិយាល័យ​ផលិតកម្ម និង​បសុព្យាបាល​ខេត្ត ដឹកនាំ​ដោយ អនុប្រធាន​ការិយាល័យ ផលិតកម្ម និង​បសុព្យាបាល​ខេត្ត បាន​សហការ ជាមួយ​ការិយាល័យ​កសិកម្ម ធនធានធម្មជាតិ និង​បរិស្ថាន មេឃុំ ពេទ្យសត្វ​ភូមិ ចុះ​ត្រួតពិនិត្យ និង​តាមដាន ស្ថានភាព​ជំងឺ​សត្វ និង​ផ្សព្វផ្សាយ ពី​វិធាន​ការការពារ​ជំងឺ​សត្វ ព្យាបាល បង្ហាញ និង​ស្រង់​ស្ថិតិ ចំនួន​សត្វ​ឈឺ នៅក្នុង​ភូមិ​ថ្នល់កែង ឃុំ​ក្បាលទឹក ស្រុក​ទឹកផុស ខេត្តកំពង់ឆ្នាំង ។​

​បើ​យោងតាម​ការបញ្ជាក់​ពី លោក ហ៊ុន លី អនុប្រធាន​ការិយាល័យ ផលិតកម្ម និង​បសុព្យាបាល​ខេត្ត បាន​ឲ្យ​ដឹងថាៈ នៅក្នុង​ឱកាស​នោះ ក៏មាន​ការចូលរួម ពី​ប្រជាពលរដ្ឋ ចំនួន ១២៥ នាក់ (​ស្រី​៨៨​នាក់​) និង​មាន​គោ​ឈឺ​ថ្មី សរុប​ចំនួន ២៣ ក្បាល ។ រោគសញ្ញា​លើស​ត្វ រួមមាន អត់​ស៊ី​ចំណី មាន​ពង​មាត់ និង​ដំបៅ​ក្រចកជើង ពិបាក​ដកដង្ហើម ហៀរ​សំបោរ មន្ត្រី​ជំនាញ បានដាក់​ការសង្ស័យថា ជា​ជំងឺ​អុតក្តាម​។ ទន្ទឹមនឹងនោះ ក្រុមមន្ត្រី​ជំនាញ ក៏បាន​ចុះ​ត្រួតពិនិត្យ សុខភាព​សត្វ ការផ្តល់​ចំណី ផ្សព្វផ្សាយ​ពី​ជំងឺឆ្លង និង​វិធាន​ការការពារ ជំងឺ​អុតក្តាម ព្រមទាំង​បាន​ព្យាបាល ដើម្បី​បង្ហាញ​ពី​របៀប​ព្យាបាល សត្វ​គោ​ឈឺ និង​ស្រង់​ចំនួន​សត្វ​ឈឺ ផងដែរ ព្រមទាំង​បាន​ចែក​ថ្នាំ វ៉ាក់សាំង សម្រាប់​ចាក់​ព្យាបាល និង​សម្ភារ​មួយចំនួនទៀត ដល់​ពេទ្យ​សត្វស្រុក ភូមិ ដើម្បី​ទុក សម្រាប់​ព្យាបាល សត្វ​គោក្របី របស់​ប្រជាពលរដ្ឋ​បន្តទៀត។

​លោក ហ៊ុន លី ក៏បាន​ណែនាំ​ដល់​ប្រជា ពលរដ្ឋ ត្រូវតែ​យកចិត្តទុកដាក់ ក្នុងការ​ចិញ្ចឹម​ថែទាំ​សត្វ​គោក្របី របស់ខ្លួន ឲ្យ​បានល្អ​ប្រសើរ ជៀសវាង​លែង​ឲ្យ​ដើរ​ស៊ី ពាសវាល​ពាសកាល ដែល​អាច​ឆ្លង​ពី​ជំងឺ​សត្វ មួយ​ទៅ​សត្វ​មួយទៀត ហើយ​បើ​មាន​សត្វ​គោក្របី កើត​ជំងឺ​អុតក្ដាម សារ​ទឹក ឬ​ជំងឺ​ផ្សេងៗ សូម​បងប្អូន ប្រជាពលរដ្ឋ រាយការណ៍​ជាបន្ទាន់ មក​មន្ត្រី​ជំនាញ ដែល​នៅ​ជិត ដើម្បី​ឲ្យ​មន្ត្រី​ជំនាញ ចុះ​ត្រួតពិនិត្យ​ជាក់ស្ដែង និង​ព្យាបាល ជូន​បងប្អូន ជាបន្ទាន់​៕​/R

ទីតាំងផ្សាយពាណិជ្ជកម្ម

- Advertisment -

Most Popular

សាលាដំបូង​រាជធានី​ភ្នំពេញ...

ដោយៈ ស​រិ​ទ្ធ / ភ្នំពេញៈ ...

ប្រែក្លាយ​ផ្លូវលំ​៣​ខ្សែ​...

​ដោយៈ ប​.​ជ័យ / បន្ទាយ​មា...

ការងារ​អភិបាល​រាជធានី​សប្...

ដោយ​: រ៉ា​ម៉ន / ភ្នំពេញ​:...

សសរ​ដែក​អាថ៌កំបាំង​នៅ​រដ្...

​ប្រែ​សម្រួល : កញ្ញា​ដា​ល...