ជំរុញ​ក្រុមការងារ ផ្នែក​វិស័យ​វាស់វែង​ដីធ្លី ព​ន្លឿ​ន​បន្ថែមទៀត ក្នុងការ​ចុះបញ្ជី​ដីធ្លី និង​បំរើសេវា ជូន​ប្រជាពលរដ្ឋ​


ដោយៈ ទេ​ពក​ង្រី / កំពង់ឆ្នាំងៈ លោក លី សុភា ប្រធាន​មន្ទីរ​រៀបចំ​ដែនដី នគរូបនីយកម្ម សំណង់ និង​សុរិយោដី​ខេត្ត និង​ជានា​យក ចាត់ការ​កម្មវិធី អនុវិស័យ​ដីធ្លី ខេត្តកំពង់ឆ្នាំង បាន​ជំរុញ​មន្ត្រី​គ្រប់គ្រង តំបន់​វិនិច្ឆ័យ ត្រូវ​ព​ន្លឿ​ន​បន្ថែមទៀត ក្នុងការ​ចុះបញ្ជី​ដីធ្លី និង​បំរើសេវា ជាពិសេស​ចេញ​ប័ណ្ណកម្មសិទ្ធិ ជូន​ប្រជាពលរដ្ឋ អោយបាន​ទាន់ពេលវេលា​។​

​លោក លី សុភា បាន​ជំរុញ​បែបនេះ នៅក្នុង​ឱកាស ដែល​លោក​អញ្ជើញ​ជា​អធិបតី ក្នុង​ពិធី​បិទ​ផ្សាយ ជា​សាធារណៈ នូវ​ឯកសារ ការវិនិច្ឆ័យ លើ​ការចុះបញ្ជី​ដីធ្លី មាន​លក្ខណៈ​ប្រព័ន្ធ នៅ​ភូមិ​តាំងក្រសាំង ឃុំ​តាំងក្រសាំង ស្រុក​ទឹកផុស ខេត្តកំពង់ឆ្នាំង នា​ថ្ងៃទី​៣ ខែវិច្ឆិកា ឆ្នាំ​២០២០ ព្រមទាំង​មាន​វត្តមាន ពី​លោក សូត្រ សង់ អភិបាល​ស្តីទី ស្រុក​ទឹកផុស តំណាង​មន្ទីរ​អង្គភាព​ជុំវិញ​ខេត្ត ក្រុម​ការ​
​ងារ​គ្រប់គ្រង​តំបន់​វិនិច្ឆ័យ ព្រមទាំង​តំណាង​ធនាគារឯកជន អាជ្ញាធរ​មូលដ្ឋាន និង​ប្រជាពលរដ្ឋ ជា​ម្ចាស់​ក្បាលដី​ចំនួន ១២៥ នាក់​។​

​លោក លី សុភា បាន​មានប្រសាសន៍ថាៈ ការបិទ​ផ្សាយ​ជា​លក្ខណៈ​ប្រព័ន្ធ ក្នុង​ពេលនេះ មាន​សារៈសំខាន់​ណាស់ សម្រាប់​អោយ​បងប្អូន ធ្វើការ​ផ្ទៀងផ្ទាត់​នូវ​ឈ្មោះ រូបរាង​ប​ញ្ចី​ក្បាលដី ហើយ​ការបិទ​ផ្សាយ ពេលនេះ មាន​រយៈពេល ១៥​ថ្ងៃ ដោយ​មិន​គិតពី ថ្ងៃ​សៅរ៍ អាទិត្យ និង​ថ្ងៃ​បុណ្យជាតិ​ឡើយ ។

​លោ​កប លី សុភា បាន​មានប្រសាសន៍ ផ្តាំផ្ញើ​ដល់​បងប្អូន​ប្រជាពលរដ្ឋ ដើម្បីអោយ​ដំណើរការ ពិនិត្យ​ទិន្នន័យ កាន់តែ​លឿន សូម​បងប្អូន​យក​ភ្ជាប់ មកជា​មួយ​នូវ​ឯកសារ ដូចជា ប័ណ្ណ​សំគាល់​ក្បាលដី ចេញ​ដោយ​ក្រុម​គ្រប់គ្រង នៅ​តំបន់​វិនិច្ឆ័យ អត្តសញ្ញាណប័ណ្ណ និង​សៀវភៅ​គ្រួសារ មកជា​មួយ ប្រសិនបើ​ការពិនិត្យ ទៅ​មាន​ការខុស​ឈ្មោះ ឬ​រូបរាង​ក្បាលដី អាចមាន​សិទ្ធិ ប្តឹងតវ៉ា​កែតម្រូវ ក្នុង​រយៈពេល នៃ​ការបិទ​ផ្សាយ​របស់ ក្រុមការងារ​ដែល​នៅ​ប្រចាំការ​ទីនោះ​ស្រាប់ ។

​តាម​របាយការណ៍​រប​ស់ លោក សុខ សម្បត្តិ ប្រធាន​ផ្នែក​គ្រប់គ្រង​តំបន់​វិនិច្ឆ័យ ក្នុង​ឃុំ​តាំងក្រសាំង ស្រុក​ទឹកផុស នៃ​ការបិទ​ផ្សាយ ជា​សាធារណៈ នៃ​ការវិនិច្ឆ័យ លើ​ការចុះបញ្ជី​ដីធ្លី មាន​លក្ខណៈ​ប្រព័ន្ធ នៅ​ក្នុងភូមិ​តាំងក្រសាំង ដោយបាន​កំណត់​ព្រំ និង​វិនិច្ឆ័យ​ភូមិ សរុប​មាន​ចំនួន ១.៥៣៤ ក្បាលដី ក្នុងនោះ​ដី​កសិកម្ម​ចំនួន ១.៤២២​ក្បាលដី ដី​លំនៅ​ដ្ធា​ន​ចំនួន ១០៩ ក្បាលដី ក្រៅពីនោះ​ដី​ទួល​កប់ខ្មោច ដី​ទួល​អ្នកតា និង​ដី​សាលាឆទាន ៕​/R

ទីតាំងផ្សាយពាណិជ្ជកម្ម

- Advertisment -

Most Popular

អ្នកក្លែងព័ត៌មានអំពីកូវីដ...

ដោយ:មុនីរ័ត្ន/ភ្នំពេញៈ ...

ប្រទះឃើញ​បុរស​ម្នាក់ ដេកស...

​ដោយៈ ចាន់តូ / ភ្នំពេញៈ ប...

​ប្រមុខ​រាជរដ្ឋាភិបាល​អំព...

ដោយ​៖​តារា​រិ​ទ្ធ​/​ភ្នំព...

មន្ត្រី​កសិកម្ម ខេត្តកំពង...

​ដោយៈ ទេ​ពក​ង្រី / កំពង់ឆ...