Home ព័ត៌មានជាតិ សន្តិសុខ ​នារី​បីនាក់ ...

​នារី​បីនាក់ រងរបួស​ធ្ងន់​ស្រាល ដោយសារ​ជួប​គ្រោះថ្នាក់​ចរាចរណ៍​

ដោយៈ​ចាន់តូ / ភ្នំពេញៈ នារី​ម្នាក់ រងរបួស​ធ្ងន់ និង ពីរ​នាក់​ទៀត រងរបួស​ស្រាល បន្ទាប់ពី​ជិះ​ម៉ូតូឌុប​គ្នា យ៉ាង​លឿន ទៅបុក​រថយន្ត​ពេញទំហឹង បណ្ដាល​ឲ្យ​ដួល កាលពី​វេលា​ម៉ោង ១ និង ១០ នាទី រំលងអធ្រាត្រ ឈានចូល​ថ្ងៃ​ពុធ ទី​៤ ខែវិច្ឆិកា ឆ្នាំ​២០២០ ត្រង់ចំណុច​មុខកា​រ៉ា​ស់​សាំង លីម ឡូង តាម​បណ្តោយ​ផ្លូវ ២០០៤ កែង​នឹង​ផ្លូវ​វិថី ឧកញ៉ា ឌួង ងៀប lll ក្នុង​សង្កាត់​ចោមចៅ​ទី​១​ខណ្ឌ​ពោ​ធិ៏​សែន​ជ័យ ។​

​ប្រភពពី​កន្លែងកើតហេតុ បាន​ឲ្យ​ដឹងថា ដំបូង​ឡើយ គេ​ឃើញ រថយន្ត​ម៉ាក AUDI Q7 ស៊េរី​ឆ្នាំ​២០១៧ ពណ៌​ប្រផេះ ពាក់​ស្លាក​លេខ ភ្នំពេញ 2AW.7338 បើកបរ​ដោយ​យុវជន​ម្នាក់ ជនជាតិខ្មែរ សញ្ជាតិ​ចិន បើក​តាម​បណ្ដោយ​ផ្លូវ ២០០៤ ទិសដៅ​ពី​ខាងកើត ទៅខាង​លិច ហើយក៏​បត់​ឆ្វេង​ដៃ ចូល​ផ្លូវ​ឌួង ងៀប ខណ​:​កំពុងតែ​បត់ ក៏​ស្រាប់​តែមាន​នារី បីនាក់ ជិះ​ម៉ូតូឌុប​គ្នា ម៉ាក​ហុងដា NCX ពណ៌​ស ពាក់​ស្លាក​លេខ ភ្នំពេញ 1FQ.3483 បើក​តាម​បណ្តោយ​ផ្លូវ ២០០៤ ទិសដៅ​ពី​ខាងលិច ទៅខាង​កើត បញ្ច្រាសទិស​គ្នា យ៉ាង​លឿន ទៅបុក​រថយន្ត​ខាងលើ កំពុងតែ​បត់ ត្រូវចំ​ចង្កៀង​រថយន្ត​ចំហៀង​ខាងស្តាំ បណ្តាល​កំពិត និង​បាក់បែក​។ ចំណែក​អ្នកបើក​ម៉ូតូ រងរបួស​បាក់ជើង​ក់ និង​អ្នករួមដំណើរ​ជាមួយ រងរបួស​ស្រាល ពីរ​នាក់ ភ្លាមៗ ក៏មាន​រថយន្ត​សាមុយ មក​ដឹក​អ្នករងរបួស ទៅ​សង្គ្រោះ នៅ​មន្ទីរពេទ្យ​។​

​ក្រោយពី​កើតហេតុ សមត្ថកិច្ច​មូលដ្ឋាន បាន​មកដល់​កន្លែងកើតហេតុ បាន​ទំនាក់ទំនង ទៅ​មន្ត្រី​ជំនាញ ចុះមក​វាស់វែង យក​ម៉ូតូ និង​រថយន្ត ទៅ​រក្សាទុក នៅ​ការិយាល័យ​ចរាចរណ៍​ផ្លូវគោក នៃ​ស្នងការដ្ឋាន​នគរបាល រាជធានី​ភ្នំពេញ រង់ចាំ​ដោះស្រាយ​គ្នា នៅពេល​ក្រោយ​៕​/R

ទីតាំងផ្សាយពាណិជ្ជកម្ម

- Advertisment -

Most Popular