Home ព័ត៌មានជាតិ សន្តិសុខ ​នគរ​បាល​ស្រុ...

​នគរ​បាល​ស្រុក​ក្រគ ដកហូត​សម្ភារ​រួមផ្សំ នៃ​ឧបករណ៍​បទល្មើស​ចាប់​ត្រី ខុសច្បាប់​

ដោយៈ រិ​ទ្ធិ​សែន / ពោធិសាត់ៈ នគរបាល​ស្រុក​ក្រគរ សហការ​ជាមួយ នគរបាល​ប៉ុស្តិ៍ អាជ្ញាធរ​មូលដ្ឋាន ដោយមាន​ការសម្របសម្រួល ពី​ព្រះរាជអាជ្ញា អម​សាលាដំបូង ខេត្តពោធិ៍សាត់ បាន​ដកហូត សម្ភារ​រួមផ្សំ នៃ​ឧបករណ៍​បទល្មើស​ចាប់​ត្រី ខុសច្បាប់​ស្តីពី​ជលផល នៅ​ថ្ងៃទី​៣ ខែវិច្ឆិកា ឆ្នាំ​២០២០ នៅ​ទីតាំង​លក់ លើផ្ទះ​បណ្តែត​ទឹក បឹង​ទន្លេសាប ពីរ​កន្លែង ស្ថិតនៅ​ក្នុងភូមិ​ទី​៥ ឃុំ​កំពង់ហ្លួង ស្រុក​ក្រគរ ខេត្តពោធិ៍សាត់ ។​

​ប្រភពពី​កម្លាំង​សមត្ថកិច្ច ដែល​ចុះ​អនុវត្ត​ការងារ ខាងលើនេះ​ផ្ទាល់ បាន​ឲ្យ​ដឹងថាៈ នៅក្នុង​នោះ កម្លាំង​បាន​ចុះ​លើ​ទីតាំង ២ កន្លែង ទី​១-​ត្រង់ចំណុច​ផ្ទះ​របស់​ឈ្មោះ វិ​ន យុំ​ា​ង​ទ្រី ភេទ​ប្រុស អាយុ​៥៥​ឆ្នាំ ជនជាតិ​វៀតណាម បច្ចុប្បន្ន ស្នាក់នៅ​លើផ្ទះ​បណ្ដែត​ទឹក ដែល​ស្ថិតនៅ​ក្នុងភូមិ​ទី​៥ ឃុំ​កំពង់ហ្លួង ស្រុក​ក្រគរ ដកហូត​បាន​មង​សាច់​កាវ ចំនួន ១៣ គីឡូក្រាម មង​សាច់​ស្បៃ​មុង ចំនួន ៨ គីឡូក្រាម ។ ទីតាំង​ទី​២ នៅត្រង់ចំណុច​ផ្ទះ ១ កន្លែង​របស់​ឈ្មោះ ទី យ៉ុង ភេទ​ស្រី អាយុ ៥៦​ឆ្នាំ ជនជាតិ​វៀតណាម បច្ចុប្បន្ន ស្នាក់នៅ​លើផ្ទះ​បណ្ដែត​ទឹក ស្ថិតនៅ​ភូមិ​-​ឃុំ​ជាមួយគ្នា ដកហូត​មង​សាច់​កាវ ចំនួន ៤១ គីឡូក្រាម ។​

​នគ​របាល​ស្រុក​ក្រគ ដកហូត​សម្ភារ​រួមផ្សំ នៃ​ឧបករណ៍​បទល្មើស​ចាប់​ត្រី ខុសច្បាប់​

​ប្រភព​ដដែល បាន​អោយដឹងទៀតថាៈ វត្ថុតាង​ទាំងនេះ បាន​ត្រូវ​សមត្ថកិច្ច ដកហូត និង​យកទៅ​រក្សាទុក ជា​បណ្តោះអាសន្ន នៅ​អធិការដ្ឋាន​នគរបាល ស្រុក​ក្រគរ ។ ដោយឡែក ម្ចាស់ផ្ទះ ដែល​ដាក់តាំង​លក់​នូវ សម្ភារ​រួមផ្សំ​នៃ​ឧបករណ៍​ចាប់​ត្រី​ខុសច្បាប់ ស្ដីពី​ជលផល ត្រូវបានធ្វើ​កំណត់ហេតុ​អប់រំ និង​ធ្វើ​កិច្ចសន្យា បញ្ឈប់​ការដាក់​តាំង​លក់ ឧបករណ៍​នេសាទ​ល្មើសច្បាប់ ។​

​ពាក់ព័ន្ធ​នឹង​ការបង្ក្រាប​ទីតាំង​លក់ សម្ភារ​ឧបករណ៍​នេសាទ​នេះ ប្រជាពលរដ្ឋ មិន​សង្ឃឹមថា ការអនុវត្ត​បែបនេះ មាន​ប្រសិទ្ធភាព​នោះឡើយ ព្រោះថា កន្លងមក ត្រូវគេ​ឃើញថា បទល្មើស​នេសាទ នៅតែ​កើតមាន​ដដែល ៕/R

…​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...