Home ព័ត៌មានអន្តរជាតិ លោក​ខា​មេ​នី ...

លោក​ខា​មេ​នី ថា​លទ្ធផល​បោះឆ្នោត​អាម៉េរិក​នឹង​មិន​មាន​ឥទ្ធិពល​អ្វី​មក​លើ​គោលនយោបាយ​អ៊ីរ៉ង់​ឡើយ​

​ប្រែ​សម្រួល : កញ្ញា​ដា​លី​ស​/​អ៊ីរ៉ង់ ៖ មេដឹកនាំ​កំពូល​របស់​អ៊ីរ៉ង់​បាន​និយាយ​កាលពី​ថ្ងៃ​អង្គារ​ទី​៣​វិច្ឆិកា​ថា​ការបោះឆ្នោត​ប្រធានាធិបតី​អាម៉េរិក​នឹង​មិន​មាន​ឥទ្ធិពល​អ្វី​ទៅលើ​គោលនយោបាយ​របស់​​រដ្ឋាភិបាល​ក្រុងតេអេ​រ៉ង់​ចំពោះ​ទីក្រុង​វ៉ាស៊ីនតោន​ទេ​។​

លោក អាយ៉ាតូ​ឡាស អា​លី ខា​មេ​នី

​ដោយ​កត់សម្គាល់​ពី​ថ្ងៃកំណើត​របស់​ព្យាកា​រី ម៉ូ​ហា​ម៉េដ លោក អាយ៉ាតូ​ឡាស អា​លី ខា​មេ​នី បាន​ថ្លែង​នៅក្នុង​សុន្ទរកថា​តាម​ទូរទស្សន៍​ថា “​អំពី​ប្រធានបទ​សហរដ្ឋ​អាម៉េរិក យើង​ធ្វើ​តាម​គោលការណ៍​ដែល​​អាច​គណនា​បាន​ដោយ​មិន​អាច​រង​ការប៉ះពាល់​ដោយ​ការផ្លាស់ប្តូរ​បុគ្គល​នៅ​ទីក្រុង​វ៉ាស៊ីនតោន​នោះឡើយ​”​។​

​លោក​បាន​និយាយថា “​ថ្ងៃនេះ​គឺជា​ថ្ងៃ​បោះឆ្នោត​នៅ​សហរដ្ឋ​អាម៉េរិក​។ អ្វីៗ​អាច​នឹង​កើតឡើង​ប៉ុន្តែ​វា​មិន​អាច​ធ្វើឱ្យ​យើង​បារម្ភ​ទេ​។ គោលនយោបាយ​របស់​យើង​ត្រូវ​បាន​កំណត់​យ៉ាង​ច្បាស់លាស់​ហើយ​ការ​មក​​ដល់​និង​ការចាកចេញ​របស់​ប្រធានាធិបតី​នឹង​មិន​មាន​ឥទ្ធិពល​អ្វី​មកលើ​គោល​នយោបាយ​ឡើយ​”​។​

​អ្នកបោះឆ្នោត​អាម៉េរិក​បាន​ចេញ​ទៅ​បោះឆ្នោត​នៅ​ថ្ងៃ​អង្គារ​ទី​៣​វិច្ឆិកា​គាប់​ជួន​ត្រូវ​នឹង​ថ្ងៃ​គម្រប់​ខួប​ឆ្នាំ ១៩៧៩ របស់​និស្សិត​ជ្រុលនិយម​ចូល​អុកឡុក​ស្ថានទូត​អាម៉េរិក​នៅ​ទីក្រុង​តេ​ហេ​រ៉ង់​។​

​វិបត្តិ​នោះ​បាន​បន្ត ៤៤៤ ថ្ងៃ​រហូត​ដល់​ចំណាប់ខ្មាំង ៥២ នាក់​ចុងក្រោយ​ត្រូវបាន​ដោះលែង​និង​ធ្វើឱ្យ​ខូច​ទំនាក់ទំនង​រវាង​ប្រទេស​ទាំង​ពីរ​រហូតមកដល់​សព្វថ្ងៃ​៕

ទីតាំងផ្សាយពាណិជ្ជកម្ម

- Advertisment -

Most Popular

យី ធា អតីត​ពេទ្យ​ខ្មែរក្រ...

​ហ៊ាន ពិសី​៖ អ្នកស្រា...

ហេដ្ឋារចនាសម្ព័ន្ធ​ធារាសា...

ដោយៈ​ប​.​ខុន​/​ភ្នំពេញៈ​រ...

ព្រឹត្តិការណ៍​ជាតិ​សំខាន់...

ដោយ​: ម៉េង​ឆៃ​/ ភ្នំពេញ​:...

បន្ទាប់ពី​រកឃើញ​កូ​វីដ​១៩...

ដោយៈ​មុនី​រ័ត្ន​,គូលែន/​ភ...