ក្នុង​ឆ្នាំ​២០២០ តំបន់ការពារធម្មជាតិ នៅ​កម្ពុជា បាន​កើន​ឡើងដល់ ៦៥ តំបន់

ដោយៈ ដេប៉ូ / ភ្នំពេញៈ គិត​រហូតមកដល់ ពេលបច្ចុប្បន្ន​នេះ ចំនួន​តំបន់ការពារធម្មជាតិ នៅ​កម្ពុជា មានការ​កើនឡើង ដល់ ៦៥ តំបន់ ខណៈដែល​កាលពី ឆ្នាំ​១៩៩៣ មាន​ត្រឹមតែ ២៣ តំបន់ និង​ឆ្នាំ​២០១៩ មាន ៥៦ តំបន់​។​

​បញ្ជាក់​នៅក្នុង​សន្និបាត បូកសរុប​លទ្ធផល ការងារ​បរិស្ថាន ឆ្នាំ​២០២០ និង​លើក​ទិសដៅ​ការងារ ឆ្នាំ​២០២១» នា​ទីស្តីការ​ក្រសួងបរិស្ថាន នៅ​រសៀល ថ្ងៃទី​៣ ខែវិច្ឆិកា ឆ្នាំ​២០២០ លោក គឹម​ណុង អគ្គនាយក នៃ​អគ្គនាយកដ្ឋាន រដ្ឋបាល​ការពារ និង​អភិរក្ស​ធម្មជាតិ បានឱ្យដឹងថាៈ ក្នុងចំណោម តំបន់ការពារធម្មជាតិ នៅក្នុង​ប្រទេស​កម្ពុជា ចំនួន ៦៥ តំបន់​នេះ រួមមានៈ តំបន់​ឧទ្យាន​ជាតិ ១២, តំបន់​ដែនជម្រកសត្វព្រៃ ១៩, តំបន់ការពារទេសភាព ១៤, តំបន់​ប្រើប្រាស់​ច្រើនយ៉ាង ៨ , តំបន់​រ៉ា​ម​សារ ៥ ( ៤ ជា​ផ្នែក​មួយ​នៃ​តំបន់​ស្នូល​ឋាន​ជីវ​មណ្ឌល បឹង​ទន្លេសាប ), តំបន់​បេតិកភណ្ឌ ធម្មជាតិ ១១ និង​មាន​របៀង​អភិរក្ស​ជីវៈចម្រុះ​ប្រព័ន្ធ តំបន់ការពារធម្មជាតិ ចំនួន​៣ តំបន់​។ ក្នុងនេះ បើ​សរុប​ផ្ទៃដី​ប្រមាណ ៧,២ លាន​ហិកតា ស្មើនឹង ៤១ ភាគរយ នៃ​ផ្ទៃ​ប្រទេស​។​

​លោក​បាន​ថ្លែងថាៈ ក្នុងការ​គ្រប់គ្រង និង​អភិរក្ស​ប្រព័ន្ធ តំបន់ការពារធម្មជាតិ នៅ​កម្ពុជា គឺ​ផ្អែក លើ​ប្រព័ន្ធ​អេកូឡូស៊ី ដែល​បាន​បែង​ចែកជា ៥ តំបន់​សំខាន់ៗ សម្រាប់​គាំទ្រ​ដល់ និរន្តរភាព បរិស្ថាន ការអភិវឌ្ឍ សេដ្ឋកិច្ច​-​សង្គម និង​កិច្ចការពារ និង​អភិរក្ស​ប្រព័ន្ធ​ធនធានធម្មជាតិ និង​ជីវៈ ចម្រុះ សម្រាប់​ការប្រើប្រាស់ ប្រកបដោយ​ចីរភាព ដែល​តំបន់​ទាំងនោះ រួមមានៈ ចក្ខុវិស័យ​៖ ប្រព័ន្ធ​តំបន់ការពារធម្មជាតិ នៅ​កម្ពុជា រួមចំណែក​យ៉ាងសំខាន់​ដល់ កំណើន​សេដ្ឋកិច្ចជាតិ និង​ការអភិវឌ្ឍ ប្រកបដោយ​ចីរភាព .​រួមមាន​ទាំង​ការកាត់បន្ថយ​ភាពក្រីក្រ​ពិសេស​តាមរយៈ​ការ អភិរក្ស និង​ការប្រើប្រាស់ ប្រកបដោយ​ចីរភាព នូវ​ធនធាន ជីវៈចម្រុះ ធនធានធម្មជាតិ និង​វប្បធម៌ ព្រមទាំង​សើ​វា​ប្រព័ន្ធ​អេកូឡូស៊ី​។​

​ទាក់ទិន​ក្នុង​រឿងនេះ​ដែរ លោក​គឹម ណុង បានឱ្យដឹង​ទៀតថាៈ ក្នុង​បេសកកម្ម​ជា​ដំណើរ​ឆ្ពោះទៅ កាន់ ការសម្រេចបាន នូវ​ការគ្រប់គ្រង​ប្រព័ន្ធ​តំបន់ ការពារ​ធម្មជាតិ ក្នុងប្រទេស​កម្ពុជា​ប្រកប​ទៅ ដោយ​ប្រសិទ្ធភាព ប្រសិទ្ធ​ផល និង​សមធម៌​។ ចំពោះ​គោលបំណង ផែនការ​យុទ្ធសាស្ត្រ​ជាតិ សម្រាប់​គ្រប់គ្រង តំបន់ការពារធម្មជាតិ មាន​គោលបំណង ដូចជា ១. ថែរក្សា និង​លើកកម្ពស់ តម្លៃ​អេកូឡូស៊ី និង​វប្បធម៌ ក្នុង​តំបន់ការពារធម្មជាតិ , ២. លើកកម្ពស់​ការចូលរួម​ការងារ និង​ការគាំទ្រ ការពារ​ធម្មជាតិ ពី​សហគមន៍​មូលដ្ឋាន ក្នុងការ​គ្រប់គ្រង​អភិរក្ស​តំបន់ , ៣.​អភិវឌ្ឍន៍ គំនិត​ច្នៃប្រឌិត​ថ្មីៗ ក្នុងការ​អភិរក្ស និង​ការអភិវឌ្ឍ រួមទាំង​បង្កើត​ឱកាស​សម្រាប់ ចីរភាព​។​

​ជាការ​ឆ្លើយតប ក៏ដូចជា ផ្តល់​អនុសាសន៍ ក្នុង​ពិធី​នេះ រដ្ឋមន្ត្រី​ក្រសួងបរិស្ថាន លោក សាយ សំ​អាល់ បានបង្ហាញ​ការកោតសរសើរ និង​ចាត់ទុកថា ជា​ជំ​ហ៊ាន​មួយ​យ៉ាងសំខាន់​ក្នុង​ការចូល រួម​អភិរក្ស និង​ការពារ​ធនធានធម្មជាតិ​។ លោក​រដ្ឋមន្ត្រី បាន​ជំរុញឱ្យមាន​ការសហកា​រ​ជាមួយ មន្ត្រី​ពាក់ព័ន្ធ និង​ពិសេស​ត្រូវ​រៀបចំ​ឱ្យបាន​ល្អ ដើម្បី​ជំរុញ​យ៉ាងណា ឱ្យ​តំបន់​ការពារ និង​អភិរក្ស ធនធានធម្មជាតិ ពិសេស​តំបន់​រមណីយដ្ឋាន​កម្សាន្ត ដោយ​ប្រែក្លាយជា​តំបន់​សក្តានុពល និង​ជាទី​ទាក់ទាញ​ភ្ញៀវ​ទេសចរណ៍​។​

​ទន្ទឹម​ជាមួយគ្នានេះ លោក សាយ សំ​អាល់ ជំ​រុញឱ្យ​មន្ត្រី​ពាក់ព័ន្ធ​ទាំងអស់​ចូលរួម​រៀបចំ ឧទ្យាន​ជាតិ ឱ្យ​ត្រឹមត្រូវ សម្រាប់​សក្តានុពល យ៉ាង​ល្អ ទាំង​នាពេល​បច្ចុប្បន្ន ទៅ​ថ្ងៃ​អនាគត​។ ក្នុងនេះ ត្រូវមាន​ការរៀបចំ ទាំង​ផ្លាកសញ្ញា អនាម័យ និង​ពិសេស​ការពារ នូវ​ធនធានធម្មជាតិ សត្វព្រៃ​ជាដើម​៕​PC

ទីតាំងផ្សាយពាណិជ្ជកម្ម

- Advertisment -

Most Popular

ធនាគារអភិវឌ្ឍន៍អាស៊ី​ផ្តល...

​ដោយៈ ជា សីហៈ​/​ភ្នំពេញៈ​...

ក្រសួងផែនការ​បង្ហាញ​លទ្ធផ...

​ដោយៈ មុនី​រ័ត្ន​/​ភ្នំពេ...

បុរស​ចំណាស់​ម្នាក់ លង់ទឹក...

ដោយៈ ស​រិ​ទ្ធ / ស្វាយរៀងៈ...

នគរបាល​ខណ្ឌដង្កោ បញ្ជូន​ថ...

ដោយៈ ស​រិ​ទ្ធ / ភ្នំពេញៈ ...