Home ព័ត៌មានជាតិ សន្តិសុខ ឃាត់ខ្លួន​មន្...

ឃាត់ខ្លួន​មន្ត្រីនគរបាល​ក្រុង​កំពត​បីនាក់ ករណី​ផ្ទុះអាវុធ​បណ្តាល​ឲ្យ​ជនសង្ស័យ​ស្លាប់

ដោយ​: មុនី​រ័ត្ន / ភ្នំពេញ​: ស្នងការដ្ឋាន​នគរបាល​ខេត្តកំពត ឃាត់ខ្លួន​មន្ត្រីនគរបាល​ចំនួន ០៣​នាក់ ដែល​បង្ក​ឲ្យ​ផ្ទុះអាវុធ​បណ្តាល​ឲ្យ​ជនសង្ស័យ​ស្លាប់ ដើម្បី​អនុវត្ត​វិន័យ​របស់​កងកម្លាំង​នគរបាលជាតិ និង​កសាង​សំណុំរឿង​បញ្ជូនទៅ​តុលាការ ដើម្បី​អនុវត្តតាម​នីតិវិធី​។​

​លោក​ឧ​ត្ត​ម​សេនីយ៍​ទោ ម៉ៅ ច័ន្ទ​មធុ​រិ​ទ្ធ ស្នងការ​នគរបាល​ខេត្តកំពត បាន​ថ្លែងប្រាប់​រស្មី​កម្ពុជា​ថា “​មន្ត្រីនគរបាល​ចំនួន ០៣​នាក់ ក៏​យើង​រៀបចំ​ឯកសារ​បញ្ជូនទៅ​តុលាការ​ដែរ​”​។​

​សមត្ថកិច្ច​បាន​ផ្ទុះអាវុធ ក្នុងការ​បង្ក្រាប​ក្រុម​ក្មេង​ទំនើង​មួយក្រុម​កាប់​ទៅលើ​យុវជន​ម្នាក់ បណ្តាល​ឲ្យ​រងរបួស​ធ្ងន់ កាលពី​ថ្ងៃទី​២ ខែវិច្ឆិកា ឆ្នាំ​២០២០ នៅ​ចំណុច​ភូមិ​កំពង់បាយ​ខាងត្បូង សង្កាត់​កំពង់បាយ ក្រុង​កំពត​។ ការផ្ទុះអាវុធ​បន្ទាប់ពី​ក្រុម​ជនសង្ស័យ​បាន​ជិះ​ម៉ូតូ​បំ​បុក​សមត្ថកិច្ច ដើម្បី​គេចខ្លួន ហើយ​សមត្ថកិច្ច​បាន​ផ្ទុះអាវុធ​ក្នុង​គោលបំណង​បង្អាក់ដំណើរ​ក្រុម​ជនសង្ស័យ តែ​គ្រាប់​ក៏បាន​ផ្លាត​ត្រូវ​ជនសង្ស័យ​បណ្តាល​ឲ្យ​ស្លាប់​។​

​ទាក់ទង​ករណីនេះ ស្នងការដ្ឋាន​នគរបាល​ខេត្តកំពត នៅ​ថ្ងៃទី​៤ ខែវិច្ឆិកា បាន​បំភ្លឺថា ដោយមាន​ការចុះផ្សាយរ​បស់​សារព័ត៌មាន​មួយចំនួន និង​គណនី​ហ្វេ​ស​ប៊ុ​ក Parith JB កាលពី​ថ្ងៃទី​០៣ ខែវិច្ឆិកា ឆ្នាំ​២០២០ ចំណងជើង​ថា «​ប៉ូលិស​ខេត្តកំពត​បាន​បាញ់​គាត់​ស្លាប់​យប់​ថ្ងៃ​ពីរ ហើយ​ដឹក​សព​មកអោយ​ដល់ផ្ទះ ហើយ​យកលុយ​មក​សងជំងឺចិត្ត 4500$ ដើម្បី​បញ្ជ​ប់​រឿង តើ​ច្បាប់​ស្រុក​ខ្មែរ​មាន​ចឹ​ង​អត់​សូម​បងប្អូន​ដែល​ដឹង​ជួ​យខ​មិន​ផង តើ​មានច្បាប់​បែប​នឹង​អត់​? ហើយ​ប៉ូលិស​ធ្វើ​ចឹ​ង​ត្រូវ រឺ​ខុស សូម​បងប្អូន Share ម្នាក់​មួយ​ផង កុំអោយ​ប៉ូលិស​មួយចំនួន​ចេះតែធ្វើ​ខុស​តាម​អំពើ​ចិត្ត​ពេក​»​។​

​សូមបញ្ជាក់ថា ថ្ងៃទី​០២ ខែវិច្ឆិកា ឆ្នាំ​២០២០ វេលា​ម៉ោង​២១:១០​នាទី ជនល្មើស​០១​ក្រុម មាន​គ្នា​ចំនួន​០៥​នាក់ : ១-​ឈ្មោះ ម៉ម វិបុល ភេទ​ប្រុស អាយុ​២៩​ឆ្នាំ​(​ស្លាប់​), ២-​ឈ្មោះ ធម្ម កុម្ភៈ ភេទ​ប្រុស អាយុ​១៦​ឆ្នាំ (​ឃាត់ខ្លួន​បាន​), ៣-​ឈ្មោះ ម៉ាត់ សើ​គី​រី​ន ភេទ​ប្រុស អាយុ​១៧​ឆ្នាំ​, ៤-​ឈ្មោះ សុខ ធា ភេទ​ប្រុស អាយុ​១៧​ឆ្នាំ​, ៥-​ឈ្មោះ រ៉ា​ន់ ភេទ​ប្រុស អាយុ​ជាង ២០​ឆ្នាំ​) ជិះ​ម៉ូតូ ០២​គ្រឿង បាន​កាប់​ឈ្មោះ តឿ ចាន់ ភេទ​ប្រុស អាយុ​១៧​ឆ្នាំ ទីលំនៅ​ភូមិ​ស្វាយ​ធំ សង្កាត់​ក្រាំង​អំពិល ក្រុង​កំពត ខេត្តកំពត នៅ​ចំណុច​ក្នុងភូមិ​កំពង់បាយ​ខាងត្បូង សង្កាត់​កំពង់បាយ ក្រុង​កំពត បណ្តាលឱ្យ​រងរបួស​ក្បាល​ជា​ទម្ងន់​។ មូលហេតុ ជនរងគ្រោះ​ផឹក​កាហ្វេ​នៅ​តុ​ក្បែរ​ជនសង្ស័យ នៅក្នុង​ភូមិ​កើតហេតុ​ខាងលើ​។ ពេលនោះ​ជនរងគ្រោះ​មើលមុខ​ជនសង្ស័យ ធ្វើឱ្យ​ពួកគេ​ខឹង​តាម​កាប់​នៅពេលដែល​ចេញពី​ហាង​កាហ្វេ​។

​ក្រោយពេល​កើតហេតុ កម្លាំង​អធិការដ្ឋាន​នគ​បាល​ក្រុង​កំពត បាន​ចុះ​ដល់​កន្លែងកើតហេតុ ប្រមូល​ព័ត៌មាន និង​ពង្រាយ​កម្លាំង​តាម​ដងផ្លូវ​ស្ទាក់​ឃាត់​ក្រុម​ជនសង្ស័យ​។ ភ្លាមៗ នោះ​កម្លាំង​សមត្ថកិច្ច​បាន​ឃាត់​ម៉ូតូ​០១​គ្រឿង​មាន​គ្នា ០២​នាក់ ប៉ុន្តែ​ជនសង្ស័យ​មិន​ព្រម​ឈប់​ហើយ​ថែម ទាំង​បើក​បំ​បុក​កម្លាំង​សមត្ថកិច្ច​រងរ​បូស​ចំនួន ០២​នាក់​។ ដោយ​ឃើញ​ស្ថានភាព​បែបនេះ កម្លាំង​សមត្ថកិច្ច​ដ៏ទៃទៀត ក៏បាន​ផ្ទះ​អាវុធ​ផ្ចុច​ដី​ដើម្បី​ឲ្យ​ឈប់ បណ្តាល​ឲ្យ​ផ្លាត​ត្រូវ​ជនសង្ស័យ ០១​នាក់​ស្លាប់​នៅពេលដែល​បញ្ជូន​ទៅដល់​មន្ទីរពេទ្យ និង​ឃាត់ខ្លួន​គូកន​បាន​០១​នាក់​។​

​សកម្មភាព​របស់​កង​កម្លាំង​ខាងលើនេះ ស្របតាម​ខ្លឹមសារ​មាត្រា ៣១ រហូតដល់ មាត្រា ៣៧ ក្រមព្រហ្មទណ្ឌ នៃ​ព្រះរាជាណាចក្រ​កម្ពុជា ។ ប៉ុន្តែ​ទោះជា​យ៉ាងនេះ​ក្តី ស្នងការដ្ឋាន​នគរបាល​ខេត្តកំពត ក៏បាន​ឃាត់ខ្លួន​មន្ត្រីនគរបាល​ចំនួន ០៣​នាក់ ដែល​បង្ក​ឲ្យ​ផ្ទះ​អាវុធ​បណ្តាល​ឲ្យ​ជនសង្ស័យ​ស្លាប់ ដើម្បី អនុវត្ត​វិន័យ​របស់​កងកម្លាំង​នគរបាលជាតិ និង​កសាង​សំណុំរឿង​បញ្ជូនទៅ​តុលាការ ដើម្បី​អនុវត្តតាម​នីតិវិធី​។​

​ក្រៅពីនេះ ក្នុង​ទឹកចិត្ត​ប្រកបដោយ​មនុស្សធម៌ និង​ចូលរួម​រំលែក​ទុក្ខ​ជាមួយ​ក្រុមគ្រួសារ​នៃ​សព ស្នងការដ្ឋាន​នគរបាល​ខេត្ត បាន​នាំយក​ថវិកា​ចំនួន $៤,៥០០ (​បួន​ពាន់​ប្រាំ​រយ​ដុល្លារ​គត់​) ប្រគល់ជូន​ក្រុមគ្រួសារ​សព​សម្រាប់ ចាត់ចែង​ធ្វើបុណ្យ​តាម​ប្រពៃណី​៕

ទីតាំងផ្សាយពាណិជ្ជកម្ម

- Advertisment -

Most Popular

ក្មេងស្រី​អាយុ​មួយឆ្នាំ ប...

​ដោយៈ ស​រិ​ទ្ធ / កណ្ដាលៈ ...

លើក​ពេល​សវនាការ សំណុំរឿង​...

​ដោយៈ ស​រិ​ទ្ធ / ភ្នំពេញៈ...

រដ្ឋបាល​រាជធានី បាន​នឹង​ក...

ដោយៈ រ៉ា​ម៉ន / ភ្នំពេញៈ ល...

សម្តេច​តេ​ជោ​ស្នើឱ្យ​មេធា...

ដោយៈ​តារា​រិ​ទ្ធ​/​ភ្នំពេ...