ប៉ូលិស​ខេត្តកំពត គួរតែមាន​វិធី​ល្អ​ជាង​ការផ្ទុះអាវុធ​បណ្តាល​ឲ្យ​ស្លាប់​មនុស្ស​

ដោយ​: ម៉េង​ឆៃ​
ប៉ូលិស​ខេត្តកំពត បាន​ផ្ទុះអាវុធ បណ្តាល​ឲ្យ​យុវជន​ម្នាក់​ស្លាប់​ភ្លាមៗ នៅ​កន្លែងកើតហេតុ​។ ប៉ូលិស​អះអាងថា យុវជន ដែល​ស្លាប់​នោះ ស្ថិតក្នុង​ចំណោម​យុវជន​ពីរ​នាក់ ដែលជា​ក្រុម​ក្មេង​ទំនើង ជិះ​ម៉ូតូ ហើយ​ប៉ូលិស​ស្ទាក់​ហៅ មិន​ឈប់​។
​ករណីនេះ ក៏ត្រូវ​បាន​ស្នងការ​នគរបាល​ខេត្តកំពត បាន​បញ្ជាក់ថា ក្រុម​ជនសង្ស័យ បាន​ជិះ​ម៉ូតូ បំ​បុក​សមត្ថកិច្ច ដើម្បី​គេចខ្លួន ហើយ​សមត្ថកិច្ច បាន​ផ្ទុះអាវុធ ក្នុង​គោលបំណង​បង្អាក់ដំណើរ​ក្រុម​ជនសង្ស័យ តែ​គ្រាប់កាំភ្លើង ក៏បាន​ផ្លាត ត្រូវ​ជនសង្ស័យ​ម្នាក់ បណ្តាល​ឲ្យ​ស្លាប់​។​
​ស្នងការ​បញ្ជាក់ថា នេះ​ជា​ករណី​សមត្ថកិច្ច ផ្ទុះអាវុធ ក្នុងពេល​បង្ក្រាប​ក្រុម​ក្មេង​ទំនើង​មួយក្រុម ដែល​បាន​កាប់​ទៅលើ​យុវជន​ម្នាក់ បណ្តាល​ឲ្យ​រងរបួស​ធ្ងន់ កាលពី​ថ្ងៃទី​២ ខែវិច្ឆិកា នៅ​ក្រុង​កំពត ខេត្តកំពត​។
​លោក​ឧ​ត្ត​ម​សេនីយ៍​ទោ ម៉ៅ ច័ន្ទ​មធុ​រិ​ទ្ធ ស្នងការ​នគរបាល​ខេត្តកំពត បាន​ថ្លែងប្រាប់​រស្មី​កម្ពុជា នៅ​ព្រឹក​ថ្ងៃទី​៤ ខែវិច្ឆិកា​នេះ​ថា ករណី​ផ្ទុះអាវុធ ដែល​បណ្តាល​ឲ្យ​យុវជន​ម្នាក់​ស្លាប់ គឺ​ក្នុង​ប្រតិបត្តិ​ការបង្ក្រាប​ក្រុម​ក្មេង​ទំនើង ដែល​បាន​កាប់ ទៅលើ​យុវជន​ម្នាក់​របួសធ្ងន់​។​នៅពេលដែល​ក្រុម​ជ​នប​ង្បា​ន​ធ្វើ​សកម្មភាព​រួចហើយ​កម្លាំង​សមត្ថកិច្ច​បាន​ចុះទៅ​ធ្វើការ​ស្រាវជ្រាវ​កំណត់​មុខសញ្ញា​។ សមត្ថកិច្ច​ក៏បាន​ឃើញ​ក្រុម​ជនសង្ស័យ ហើយ​ក្រុម​នេះ បាន​ជិះ​បំ​បុក​សមត្ថកិច្ច ដើម្បី​គេចខ្លួន ទើប​សមត្ថកិច្ច បាន​បាញ់ ដើម្បី​បង្អាក់ដំណើរ​។ ប៉ុន្តែ​ចៃដន្យ​គ្រាប់ បាន​ផ្លាត​ទៅ​ត្រូវ​ក្រុម​ជនសង្ស័យ​ម្នាក់​។


​លោកស្នងការ​បញ្ជាក់ថា ករណីនេះ មិនមែនជា​ការបាញ់បោះ​សេរី​នោះទេ គឺ​សមត្ថកិច្ច​ផ្ទុះអាវុធ ក្នុងពេល​ប្រតិ​បប​ត្តិ​ការបំពេញ​បេសកកម្ម​កា​រងារ​បង្ក្រាប​ក្រុម​ទំនើង​។​ សមត្ថកិច្ច​បាន​ឃាត់ខ្លួន​ជនសង្ស័យ បាន​ម្នាក់ និង​កំពុង​បន្ត​ស្រាវជ្រាវ​ចាប់ខ្លួន ចំនួន​បីនាក់​ទៀត ដែល​កំពុងតែ​រត់គេច​ខ្លួន​។​
​ប៉ុន្តែ​ប៉ូលិស​ខេត្តកំពត គួរតែមាន​វិធី​បង្អាក់​ស្ទះ​ម៉ូតូ​យុវជន ដែល​ប៉ូលិស​អះអាងថា ជា​ក្រុម​ក្មេង​ទំនើង ឲ្យ​បាន​ប្រសើរ​ជាង​នេះ​។ ក្រុម​ក្មេង​ទំនើង​ទាំងនោះ មិនមាន​កាំភ្លើង ដើម្បី​បាញ់​តដៃ​ប៉ូលិស​ទេ​។​
​ការអះអាង​របស់​ប៉ូលិស​ថា ករណី​ផ្ទុះអាវុធ ក្នុង​ប្រតិបត្តិ​ការបង្ក្រាប​ក្មេង​ទំនើង និង​ដើម្បី​បង្អាក់ដំណើរ​ក្រុម​ជនសង្ស័យ​នោះ គ្រាន់តែ​ជាការ​អះអាង​យករួចខ្លួន​ប៉ុណ្ណោះ​។​ការផ្ទុះអាវុធ ក្នុងពេល​ក្រុម​ជនល្មើស មិនមាន​អាវុធ​បាញ់​តដៃ​គឺជា​រឿង​គួរ​ឲ្យ​ពិចារណា​។​
​ដើម្បី​ឲ្យ​មហាជន​អស់ចិត្ត នោះ​គឺ​ក្រៅតែពី​ស្វែងរក​ក្រុម​ក្មេង​ទំនើង ដែល​ស្នងការ អះអាងថា ជា​បក្ខពួក​ជនល្មើស ព្រួត​គ្នា​វាយ​លើ​យុវជន​រងគ្រោះ​ហើយ​នោះ មេ​ប៉ូលិស ក៏​គួរតែ​រកមុខ នាំខ្លួន​មក​ផ្តន្ទាទោស​លើ​ប៉ូលិស​ដៃដល់ ដែល​បាញ់ បណ្តាល​ឲ្យ​ស្លាប់​យុវជន​ម្នាក់ ក្នុង​ប្រតិបត្តិការ ដែល​អះអាងថា បង្ក្រាប​ក្មេង​ទំនើង​។​
​ដូច្នេះ​ករណី​នៅ​ខេត្តកំពត​នេះ គួរតែមាន​ការស៊ើបអង្កេត​ត្រឹមត្រូវ​ពី​ថ្នាក់​ក្រសួងមហាផ្ទៃ និង​អន្តរក្រសួង ដើម្បី​ផ្តល់​យុត្តិធម៌​ដល់​ជនរងគ្រោះ​និង​ក្រុមគ្រួសារ​ជនរងគ្រោះ​ផង​ក៏ដូចជា​បង្ហាញ​នូវ​ភាព​ស្អាតស្អំ​របស់​ប៉ូលិស​ខេត្តកំពត​ផង​៕​សរន

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...