Home ព័ត៌មានជាតិ នយោបាយ ក្រសួងការបរទេ...

ក្រសួងការបរទេស​ក​ម្ពុ​ជា​បញ្ជាក់​ករណី​លោក​រដ្ឋមន្ត្រីការបរទេស​ហុង​គ្រី​ដែល​មា​នកូវ​វីដ​១៩

ដោយៈ​មុនី​រ័ត្ន​/​ភ្នំពេញៈនៅ​រសៀល​ថ្ងៃទី​៤​ខែវិច្ឆិកា​នេះ​បានបញ្ជាក់​នៅក្នុង​សេចក្តីប្រកាស​ព័ត៌មាន​របស់ខ្លួន​ថា​​កាលពី​ថ្ងៃទី ៣ ខែវិច្ឆិកា ឆ្នាំ​២០២០ ម្សិលមិញ​នេះ ឯកឧត្តម ភី​ធើ ស៊ី​ចា​តូ (Péter Szijjárto) រដ្ឋមន្ត្រីការបរទេស​និង​ពាណិជ្ជកម្ម​ហុង​គ្រី បាន​ដឹកនាំ​គណៈប្រតិភូ​មក​បំពេញ​ទស្សនកិច្ច ផ្លូវការ​នៅ​ព្រះរាជាណាចក្រ​កម្ពុជា​។ នៅពេលដែល​ឯកឧត្តម​រដ្ឋមន្ត្រី និង​ប្រតិភូ អញ្ជើញ​ដល់ទី​ក្រុង​បាងកក​នៅ​ល្ងាច​ថ្ងៃ​ដដែល​នោះ ការធ្វើ​តេស្ត​រក​វីរុស​កូ​វីដ​-១៩ នៅ​ទី​នោះបាន​បញ្ជាក់ថា ឯកឧត្តម រដ្ឋមន្ត្រី មាន​លទ្ធផល​វិជ្ជមាន​។ សូមបញ្ជាក់ និង​មាន​វិញ្ញាបនបត្រ​សុខភាព​បញ្ជាក់ ថា សមាជិក​គណៈប្រតិភូ​ហុង​គ្រី​ទាំងអស់​បានធ្វើ​តេស្ត ថា គ្មាន​វីរុស​កូ​វីដ​-១៩ មុនពេល​ចេញដំណើរ​ម​ក​កម្ពុជា​។​

​បន្ទាប់ពី​ទទួលបាន​ព័ត៌មាន​ខាងលើនេះ​ភ្លាម រាជរដ្ឋាភិបាល​កម្ពុជា​បានសម្រេច​ឲ្យ​ថ្នាក់ដឹកនាំ និង​មន្ត្រី​ទាំងអស់​ដែល​ជួប​និង​ប្រាស្រ័យ​ទាក់ទង​ផ្ទាល់​ជាមួយ​ប្រតិភូ​នៅក្នុងពេល​ទស្សនកិច្ច ធ្វើតេស្ត​រក​វីរុស​កូ​វីដ​-១៩ និង​ដាក់​ឲ្យ​នៅ​ដាច់ដោយឡែក (​ច​ត្តា​ឡី​ស័ក​) តាម​ការកំណត់​របស់​ក្រសួងសុខាភិបាល​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular