Home ព័ត៌មានជាតិ សេដ្ឋកិច្ច ក្រសួងបរិស្ថា...

ក្រសួងបរិស្ថាន​បង្ហាញ​យុទ្ធសាស្ត្រ​១៤​ចំណុច​ពី​ការគ្រប់គ្រង​និង​អភិរក្ស​លើ​វិស័យ​បរិស្ថាន​ក្នុង​ឆ្នាំ​២០២១

ដោយៈ​ដេប៉ូ​/​ភ្នំពេញៈ​នៅ​ឆ្នាំ​២០២១​ខាងមុខនេះ​អគ្គលេខាធិការដ្ឋាន​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​នៃ​ក្រសួងបរិស្ថាន បានបង្ហាញ​ពី​យុទ្ធសាស្ត្រ​ក៏ដូចជា​ការអភិវឌ្ឍ​ប្រកបដោយ​និរន្តរភាព​ដើម្បី​បន្ដ​កាត់បន្ថយ​ការបំផ្លិចបំផ្លាញ​បរិស្ថាន និង​ថែរក្សា ដែល​ធ្វើ​ឲ្យ​បរិស្ថាន​ធម្មជាតិ​កាន់តែ​ប្រសើរឡើង​។​

ក្រសួងបរិស្ថាន​បង្ហាញ​យុទ្ធសាស្ត្រ​១៤​ចំណុច​ពី​ការគ្រប់គ្រង​និង​អភិរក្ស​លើ​វិស័យ​បរិស្ថាន​ក្នុង​ឆ្នាំ​២០២១

​ថ្លែង​នៅក្នុង​បទ​បង្ហាញ​នៃ​សន្និបាត​បូកសរុប​លទ្ធផល​ការងារ​បរិស្ថាន​ឆ្នាំ​២០២០ និង​លើក​ទិសដៅ​ការងារ​ឆ្នាំ​២០២១ នា​ទីស្តីការ​ក្រសួងបរិស្ថាន​កាលពី​រសៀល​ថ្ងៃទី​៣​ខែវិច្ឆិកា លោក វ៉ាន់​មុនីនាថ អគ្គលេខាធិការ​នៃ​អគ្គលេខា​ដ្ឋា​ន ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​បាន​បញ្ជាក់ថា​ក្នុងទិសដៅ​រៀបចំ​ផែនការ​ការងារ​ឆ្នាំ​២០២១​ខាងមុខនេះ​អគ្គលេខាធិការដ្ឋាន​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​នឹងមាន​ទិសដៅ​ការងារ​សំខាន់ៗ​ដូចជា​១.​បន្ត​ជំរុញ​ការដាក់បញ្ចូល​ការប្រែប្រួល​អាកាសធាតុ​ទៅក្នុង​គោលនយោបាយ និង​ការវិភាជន៍​ថវិកា​គ្រប់​លំដាប់ថ្នាក់ និង​បន្ត​កៀរគ ធនធាន​និង​បច្ចេកវិទ្យា​សមស្រប​។ ២.​បន្ត​រៀបចំ​បញ្ចប់​សេចក្តីព្រាង​អនុក្រឹត្យ​ស្តីពី​វិធាន​និង​នីតិវិធី​ចូលរួម​ក្នុង​យន្តការ​កាត់បន្ថយ​ការបញ្ចេញ​ឧស្ម័ន​ផ្ទះ​កញ្ចក់​។​៣.​បន្ត​អនុវត្ត​យន្តការ​កាត់បន្ថយ​ការបញ្ចេញ​ឧស្ម័ន​ផ្ទះ​កញ្ចក់​។​៤.​បន្ត​រៀបចំ​គោលនយោបាយ​ស្តីពី​ការបង់ថ្លៃ​សេវាកម្ម​ប្រព័ន្ធ​អេកូឡូស៊ី និង​ផែនទី​បង្ហាញផ្លូវ​សម្រាប់ ការងារ​ជីវ​សុវត្ថិភាព និង​សេចក្តីព្រាង​ក្របខណ្ឌ​ការងារ​ជាតិ​ស្តីពី​ការប្រើប្រាស់ និង​ការបែងចែក​ផលប្រយោជន៍​ពី​ការប្រើប្រាស់​ធនធាន​ព​ន្ទុ​ដោយ​ស្មើភាព និង​សមធម៌​។​

ក្រសួងបរិស្ថាន​បង្ហាញ​យុទ្ធសាស្ត្រ​១៤​ចំណុច​ពី​ការគ្រប់គ្រង​និង​អភិរក្ស​លើ​វិស័យ​បរិស្ថាន​ក្នុង​ឆ្នាំ​២០២១។លោកសាយសំអាល់រដ្ឋមន្រ្តីក្រសួងបរិស្ថាន


​ ​លោក​បានបញ្ជាក់​ផង​ថា អគ្គលេខាធិការដ្ឋាន​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​នឹង​បន្ត​ទិសដៅ​សំខាន់ៗ​មួយចំនួន​បន្ថែមទៀត​ដូចជា ៤.​បញ្ចប់​សេចក្តីព្រាង​យុទ្ធសាស្ត្រ និង​សកម្មភាព​សេដ្ឋកិច្ច​ច​ក្រា និង​យន្តការ​វាយតម្លៃ​ការសិក្សា ស្រាវជ្រាវ និង​ចងក្រង​ទិន្នន័យ​ស្តីពី​បច្ចេកវិទ្យា​សមស្រប​។​៥. អនុម័ត​គោលការណ៍​ណែនាំ និង​បច្ចេកទេស ស្តីពី​អគារ​បៃតង ការិយាល័យ​បៃតង និង​ព្រឹត្តិការណ៍​បៃតង​។​៦. បន្ត​សម្របសម្រួល និង​រៀបចំ​បង្កើត​ប្រព័ន្ធ​ទិន្នន័យ​ប្រែប្រួល​អាកាសធាតុ ការអភិវឌ្ឍ​បៃតង​វិទ្យាសាស្ត្រ បច្ចេកវិទ្យា​និង​នវានុវត្តន៍ និង​ការអភិរក្ស​ធនធាន​ជីវៈចម្រុះ​។ ៧. អនុម័ត​ក្រមសីលធម៌​នៃ​ការសិក្សា​ស្រាវជ្រាវ​ក្នុង​កំរិត​បច្ចេកទេស និង​បន្ត​រៀបចំ​ផែនទី​បង្ហាញផ្លូវ​ផ្នែក វិទ្យាសាស្ត្រ​និង​បច្ចេកវិទ្យា​។​៨.​បន្ត​រៀបចំ​បង្កើត​មជ្ឈមណ្ឌល​ជីវៈចម្រុះ​ជាតិ និង​សារមន្ទីរ​ប្រវត្តិសាស្ត្រ​ធម្មជាតិ​ភ្នំពេញ​។ ៩.​បន្ត​សហការ​ជាមួយ​មជ្ឈមណ្ឌល​បណ្តុះ​ធុរកិច្ច​ថ្មី តេ​ជោ កិច្ចសហប្រតិបត្តិការ អាទិភាព​ការងារ​រួមគ្នា និង​គម្រោង​គាំទ្រ​ជាក់ស្តែង​។​១០. បន្ត​សហការ​ជាមួយ​មជ្ឈមណ្ឌល​គោលនយោបាយ យុទ្ធសាស្ត្រ និង​នវានុវត្តន៍​។ ១១. បន្ត​កសាង និង​អភិវឌ្ឍ​ធនធានមនុស្ស ដែលមាន​វិជ្ជាជីវៈ​កំរិត​ខ្ពស់ ក្នុង​វិស័យ​បរិស្ថាន​និង​ការអភិវឌ្ឍន៍ ដោយ​ចីរភាព​។​១២. រៀបចំ​ប្រព័ន្ធគ្រប់គ្រង និង​ការសម្របសម្រួល​ការងា​រ ដើម្បី​ឆ្លើយតប​ទៅនឹង​តម្រូវការ​នៃ​ការធ្វើ​ទំនើប កម្ម​ស្ថាប័ន​។ ១៤. រៀបចំ​ប្រព័ន្ធ​តាមដាន​ត្រួតពិនិត្យ​និង​វាយតម្លៃ ដើម្បី​ពង្រឹង​ប្រសិទ្ធភាព​នៃ​ការអនុវត្ត​គម្រោង​ជាមួយ​ដៃគូ​អភិវឌ្ឍន៍ ស្របតាម​សេចក្តីប្រកាស​ទីក្រុង​ប៉ារីស​ឆ្នាំ​២០០៥ ស្តីពី​ប្រសិទ្ធិភាព​ជំនួយ​។​


​ ​ក្នុង​ពិធី​នេះ​លោក សាយ​សំ​អាល់ រដ្ឋមន្ត្រី​ក្រសួងបរិស្ថាន​បាន​ជំរុញ​ឱ្យ​អគ្គលេខាធិការដ្ឋាន​ក្រុមប្រឹក្សា​ជាតិ​អភិវឌ្ឍន៍​ដោយ​ចីរភាព​ពង្រឹង​នូវ​សមត្ថភាព​មន្ត្រី ហើយ​ត្រូវអនុវត្ត​ផែនការ​យុទ្ធសាស្ត្រ​នេះ​ឱ្យសម្រេចបាន​ជា​ផ្លែផ្កា​នា​ថ្ងៃ​ខាងមុខ​។​លោក​រដ្ឋមន្ត្រី ក៏បាន​ផ្តាំផ្ញើរ​ដល់​មន្ត្រី​ទាំងអស់​ត្រូវ​ចូលរួម​អនុវត្ត​នូវ គោលនយោបាយ ផែនការ​សកម្មភាព គម្រោង និង​វិធានការ​ជាក់ស្តែង​នានា សំដៅ​ធានាបាន​នូវ​កិច្ច​គាំពារ​បរិស្ថាន ការគ្រប់គ្រង​ធនធានធម្មជាតិ និង​ការអភិរក្ស​ជីវៈចម្រុះ ព្រមទាំង​ការអភិវឌ្ឍ​និង​ការរស់នៅ​ដោយ​ចីរភាព សម្រាប់​ប្រជាជន​កម្ពុជា​គ្រប់រូប ទៅ​ថ្ងៃ​ខាងមុខ​៕​សរន​

ក្រសួងបរិស្ថាន​បង្ហាញ​យុទ្ធសាស្ត្រ​១៤​ចំណុច​ពី​ការគ្រប់គ្រង​និង​អភិរក្ស​លើ​វិស័យ​បរិស្ថាន​ក្នុង​ឆ្នាំ​២០២១

ទីតាំងផ្សាយពាណិជ្ជកម្ម

- Advertisment -

Most Popular

រោងភាពយន្ត លេ​ជិន ផ្អាក​ប...

​ដោយៈ សុផល / ភ្នំពេញៈ រោង...

ក្រោយ​ការធ្វើ​តេស្ត​ជំងឺ​...

​ដោយ​៖ ទេព មង្គល / ភ្នំពេ...

ថ្នាក់ដឹកនាំ​និង​មន្ត្រី​...

ដោយៈ​ដេប៉ូ​/​ភ្នំពេញៈ​ថ្ន...

ក្រសួង​អប់រំ​ប្រកាស​ផ្អាក...

​ដោយ​:​សុផល​/​ភ្នំពេញៈ​ដើ...