Home ព័ត៌មានជាតិ សេដ្ឋកិច្ច ការកសាង​អភិវឌ...

ការកសាង​អភិវឌ្ឍ​ទីក្រុង​រណប​ច្រើន​នឹង​ជួយ​ជំរុញឱ្យមាន​ការរីកចំរើន​លើ​វិស័យ​អ្វីខ្លះ​


​​ដោយ:​ច្រាយ ចំណាន​/ភ្នំពេញៈ អ្នកជំនាញ​បាន​អះអាងថា ការអភិវឌ្ឍ​ទីក្រុង​រណប​កាន់តែច្រើន នឹង​ជួយ​ជំរុញឱ្យមាន​កំណើនសេដ្ឋកិច្ច និង​រីកចំរើន​លើ​វិស័យ​សំណង់ នៅក្នុង​ប្រទេស ខណៈ​រដ្ឋាភិបាល បាននិងកំពុង​អភិវឌ្ឍន៍​ទីក្រុង​រណប (Satellite City) ស្រម​តាម​ផែនការ និង​ប្លង់គោល​អភិវឌ្ឍន៍​ទីក្រុង​នាពេល​បច្ចុប្បន្ននេះ​។​


​លោក​ឃាង ពុ​ទ្ធី ប្រធាន​ក្រុមប្រឹក្សា​អភិបាល​នៃ​សមាគម​អ្នកជំនាញ​អចលនទ្រព្យ​កម្ពុជា​បានឱ្យដឹង​នៅ​ថ្ងៃទី​៣ ខែវិច្ឆិកា​កន្លងមក​ថា មិន​ថា​នៅក្នុង​ប្រទេស​កម្ពុជា ឬ​នៅតាម​បណ្តា​ប្រទេស​នៅលើ​ពិភពលោក​នេះ គឺ​គេ​បង្កើត​តំបន់​អភិវឌ្ឍ​ន៍័​ថ្មីៗ ដែល​ហៅ​ទីក្រុង​រណប ដើម្បី​ជំរុញ​កំណើនសេដ្ឋកិច្ច និង​សំណង់​ឱ្យមាន​ការរីកចំរើន ។​

ការកសាង​អភិវឌ្ឍ​ទីក្រុង​រណប​ច្រើន​នឹង​ជួយ​ជំរុញឱ្យមាន​ការរីកចំរើន​លើ​វិស័យ​អ្វីខ្លះ​


​លោក​បន្តថា “​នៅក្នុង​ទីក្រុង​ភ្នំពេញ​មានការ​រីកចំរើន និង​មាន​កំណើនប្រជាជន អីចឹង​ហើយ បាន​គេ​អភិវឌ្ឍន៍​ទីក្រុង​រណប​បន្ថែមទៀត ដើម្បី​ជំរុញ​ការអភិវឌ្ឍន៍​គម្រោង​ខុន​ដូ ផ្សារ​ទំនើប និង​អគារ​ផ្សេង​ទៅកាន់​ទីនោះ​”​។ លោក​បន្ថែមថា “​ម្យ៉ាងទៀត ការបង្កើតឱ្យមាន​ទីក្រុង​រណប​នេះ ឆ្លើយតប​ទៅនឹង​កំណើន​តម្រូវការ សេដ្ឋកិច្ច និង​រស់នៅ​”​។​


​លោក​បន្ថែមទៀតថា នៅពេលដែល​បង្កើតឱ្យមាន​តំបន់​អភិវឌ្ឍន៍​ថ្មីៗ​បែបនេះ ក៏​នឹង​ជួយ​វិស័យ​អចលន​ទ្រព្យ ជាពិសេស​សំណង់​កើនឡើង ព្រោះថា​តំបន់​ថ្មី​ត្រូវ​ការសាងសង់​សំណង់​ផ្សេងៗ ប៉ុន្តែ​បញ្ហា​តែមួយ​ប៉ុណ្ណោះ គឺ​រដ្ឋាភិបាល​មិនទាន់​បានកំណត់​ឱ្យបាន​ច្បាស់លាស់​ចំពោះ​ការបែងចែក​តំបន់​អភិវឌ្ឍន៍ ដោយ​ពេលខ្លះ​អនុញ្ញាតឱ្យ​សាងសង់​រោងចក្រ ក្បែរ​នឹង​សណ្ឋាគារ​ជាដើម​។​


​លោក ឡុង គឹមសួគ៌ អគ្គ​នាយ​ក្រុមហ៊ុន Century21 Advance បានឱ្យដឹង​ដែរ​ថា ការអភិវឌ្ឍន៍​តំបន់​ទីក្រុង​​រណប កាន់តែច្រើន​នឹង​ជួយ​ជំរុញ​កំណើត​សេដ្ឋកិច្ច តាមរយៈ​ការផ្លាស់ប្តូរ​ពាណិជ្ជកម្ម​នានា ឱ្យ​កាន់​តែមាន​ភាពងាយស្រួល និង​ធ្វើឱ្យ​វិស័យ​កាន់តែ​មានតម្លៃ​ខ្ពស់​ផងដែរ​។​

ការកសាង​អភិវឌ្ឍ​ទីក្រុង​រណប​ច្រើន​នឹង​ជួយ​ជំរុញឱ្យមាន​ការរីកចំរើន​លើ​វិស័យ​អ្វីខ្លះ​


លោក​បន្តថា “​ជាពិសេស​នោះ នៅពេល​មានការ​អភិវឌ្ឍន៍​ហេ​ដ្ឋា​រចនា សម្ព័ន្ធ​ជុំវិញ​ក្រុង (​តំបន់​អភិវឌ្ឍន៍​ទីក្រុង​រណប​) បានធ្វើឱ្យ​សេដ្ឋកិច្ច​នៅ​ជុំវិញ​ក្រុង មានការ​រីកចំរើន ជាមួយគ្នានេះ វិស័យ​សំណង់ និង​អចលនទ្រព្យ ក៏​នឹងមាន​ការកើនឡើង​ផងដែរ​”​។​


​លោក​គឹមសួគ៌​បាន​បញ្ជាក់ថា នៅពេល​ដែលមាន​តំបន់​ណាមួយ កំពុងមាន​ការអភិវឌ្ឍ​ន៍​ថ្មី​ដូចជា​តំបន់​ទីក្រុង​រណប​នេះ នឹង​ជួយ​ជំរុញ​ឱ្យ​វិស័យ​អចលនទ្រព្យ​ឡើងថ្លៃ ព្រោះថា មនុស្ស​ទាំងអស់​នឹង​ទៅ​ទិញ ឬ​ធ្វើ​អា​ជីក​ម្ម​ផ្សេងៗ នៅក្នុង​តំបន់​នេះ​”​។​


​អ្នកឧកញ៉ា ពុង ឃាវ​សែ អគ្គនាយក​ក្រុមហ៊ុន​OCIC ធ្លាប់បាន​ឡើង​កាលពីពេល​ថ្មីៗ​នេះដែរ​ថា គ្រាន់តែ​ការអភិវឌ្ឍន៍​ទីក្រុងរ​ណ​ម​ថ្មី​មួយ កោះនរា​នៅលើ​ទំហំ​ផ្ទៃដី​១០០​ហិកតា នឹងចូលរួម​បង្កើន​ចំណូល​ថវិកា​ជាតិ ប្រមាណ ២៥០​លាន​ដុល្លារ​ក្នុង​មួយឆ្នាំៗ​។​


​អ្នកឧកញ៉ា​ថ្លែងថា “​គម្រោង​អភិវឌ្ឍន៍​កោះនរា​នេះ នឹង​ផ្តល់​អត្ថប្រយោជន៍​ដល់​សង្គមជាតិ និង​សេដ្ឋកិច្ច​​កម្ពុជា​យ៉ាងច្រើន ជាពិសេស​នៅក្នុង​កាលៈទេសៈ ដែល​កំពុង​ជួប​វិបត្តិ​នាពេលនេះ ដែល​កម្ពុជា​កំពុង​ត្រូវការ​គម្រោង​វិនិយោគ​បន្ថែមទៀត ដើម្បី​ជួយ​ទ្រទ្រង់​សកម្មភាព​សេដ្ឋកិច្ចជាតិ​ឱ្យបាន​រឹងមាំ​”​។​


​លោក​បាន​បន្តថា “​តាមរយៈ​គម្រោង​មួយ​នេះ នឹង​អនុគ្រោះ​ដល់​មនុស្ស​រស់នៅ​ប្រមាណ​៥​ម៉ឺន​នាក់ ហើយ​អាច​នឹង​ចូលរួមចំណែក​ដល់​ផលិតផល​ក្នុងស្រុក (GDP) ប្រមាណ​២២៥​លាន​ដុល្លារ​ក្នុង​មួយឆ្នាំៗ ស្មើ​នឹង​ប្រមាណ​០,៩​ភាគរយ​នៃ​ចំនួន GDP​នាពេល​បច្ចុប្បន្ននេះ​”​។​


​រាជរដ្ឋាភិបាល​កាលពី​កន្លងមកនេះ បានដាក់​ចេញ​ផែនការ​អភិវឌ្ឍ​ទីក្រុង​រណប តាមរយៈ​ផ្តល់ឱកាស​ដល់​ក្រុមហ៊ុន​ទាំង​នៅក្នុង​ស្រុក និង​ក្រៅ​ចូលរួម​អភិវឌ្ឍន៍ នៅតាម​ជាយ​រាជធានី​ភ្នំពេញ​។ ជាក់ស្តែង ស្ទើរតែ​គ្រប់​ទិស​នៃ​រាជធានី​ភ្នំពេញ មានការ​ចូលរួម​អភិវឌ្ឍន៍​ទីក្រុង​រណប​ពិ​ក្រុមហ៊ុន​ផ្សេងៗ​ជាច្រើន​៕

ទីតាំងផ្សាយពាណិជ្ជកម្ម

- Advertisment -

Most Popular

រថយន្ដ​និង​រថយន្ដបុក​គ្នា...

ដោយៈ​ស​រិ​ទ្ធ​/​កំពង់ស្ពឺ...

សកម្មភាព​រោងចក្រ​ចិន​កើន​...

​ប្រែ​សម្រួល : កញ្ញា​ដា​ល...

បញ្ជូន​សំណាក​អ្នកពាក់ព័ន្...

ដោយៈ​ស​រិ​ទ្ធ / ស្ទឹងត្រែ...

ឥណ្ឌូនេស៊ី រាយការណ៍​ការឆ្...

​ប្រែ​សម្រួលៈ​វាសនា​/​ហ្ស...