Home ព័ត៌មានជាតិ សន្តិសុខ នគរបាល​ខណ្ឌមា...

នគរបាល​ខណ្ឌមានជ័យ ក្របួច​ជនសង្ស័យ​ជា​បន្តបន្ទាប់ បាន​បួន​នាក់ និង​គ្រឿងញៀន​ជាច្រើន​

ដោយៈ ឆាយា​នាថ / ភ្នំពេញៈ កម្លាំង​ជំនាញ នៃ​អធិការដ្ឋាន នគ​បា​លខ​ណ្ខ​មានជ័យ សហការ​ជាមួយ​កម្លាំង​ប៉ុស្តិ៍​ស្ទឹងមានជ័យ​ទី​២ នៅ​ថ្ងៃទី​៤ ខែវិច្ឆិកា ឆ្នាំ​២០២០ វេលា​ម៉ោង ១១ យប់ បាន​ល្បាត​ត្រួតពិនិត្យ តាម​បណ្ដា​យ​ផ្លូវ​ព្រះ​មុនី​រ៉េត លុះដល់​មុខ​វត្ត​ន​ន្ទ​មុនី ភូមិ​ដំណាក់​ធំ​១ សង្កាត់​ស្ទឹងមានជ័យ​ទី​២ ខ​ណ្ខ​មានជ័យ ក៏បាន​ឃាត់​ជនសង្ស័យ ពីរ​នាក់ ជិះ​ម៉ូតូ​១​គ្រឿង ម៉ាក់​ហុងដា វ៉េវ ពណ៌​ខ្មៅ ក៏​ឆែក​ត្រួតពិនិត្យ​រកឃើញ ក្រាម​ស​ថ្លា​ចំនួន ១០ កញ្ចប់​តូច និង​១​កញ្ចប់​ធំ លាក់ទុក​នៅក្នុង​ហោប៉ៅ​ខោ របស់​ឈ្មោះ វ៉ាន់ ធី ។ ជនសង្ស័យ ឈ្មោះ វ៉ាន់ ធី បាន​សារភាពថា យក​ថ្នាំញៀន​ទាំងអស់នេះ គឺ​យកទៅ​ឲ្យ​ឈ្មោះ សុខ លីន ហើយ​ភ្លាមៗ​នោះ ជនសង្ស័យ សុខ លីន ក៏បាន ដើរចេញ​មកពី​ក្នុង​វត្ត សមត្ថកិច្ច ក៏បាន​ឃាត់ខ្លួន យកទៅ​សាកសួរ នៅ​ប៉ុស្តិ៍នគរបាល រដ្ឋបាល​តែម្ដង ។

​ជនសង្ស័យ ​បួន​នាក់ និង​គ្រឿងញៀន ត្រូវបានក្របួច​ជា​បន្តបន្ទាប់

​លោក​វរសេនីយ៍ឯក ម៉េង វិមាន​តារា អធិការនគរបាល ខណ្ឌមានជ័យ បាន​ថ្លែង​ប្រាប់ថាៈ ក្រោយពី​ស្តាប់​ចម្លើយសារភាព​រួច កម្លាំង​សមត្ថកិច្ច ក៏បាន​បន្ត ទៅ​ឆែកឆេរ នៅ​បន្ទប់​ជួល លេខ​១៦ ផ្លូវលំ ភូមិ​ដំណាក់​ធំ​១ សង្កាត់​ស្ទឹងមានជ័យ​ទី​២ ខ​ណ្ខ​មានជ័យ ជា​បន្ទប់​ជួល​របស់​ឈ្មោះ សុខ លីន និង​ឈ្មោះ ហុង បូរី ក៏បាន​ត្រួត​ពិនិត្យឃើញ ក្រាម​ស​ថ្លា ចំនួន ៩ កញ្ចប់​ធំ បន្ថែមទៀត ។​

​ជាក់ស្តែង ជនសង្ស័យ​ចំនួន បួន​នាក់​នោះ រួមមានៈ ១-​ឈ្មោះ សុខ លីន ភេទ​ប្រុស អាយុ​៣៩​ឆ្នាំ និង​២-​ឈ្មោះ ហុង បូរី ភេទ​ស្រី អាយុ​២០​ឆ្នាំ ស្នាក់នៅ​បន្ទប់​ជួល លេខ​១៦ ជាមួយគ្នា , ៣-​ឈ្មោះ វ៉ាន់ ធី ភេទ​ប្រុស អាយុ​១៨​ឆ្នាំ ស្នាក់នៅ​វត្ត​ន​ន្ទ​មុនី និង ៤-​ឈ្មោះ ហ៊ិ​ន សុបិន ភេទ​ប្រុស អាយុ​៣២​ឆ្នាំ ស្នាក់​នៅផ្ទះ​លេខ​៨០៧ ផ្លូវលំ ។ ជនសង្ស័យ​ទាំង​បួន​នាក់​នេះ មានមុខ​របរ មិន​ពិតប្រាកដ ដូចគ្នា និង​រស់នៅ​ក្នុងភូមិ​ដំណាក់​ធំ សង្កាត់​ស្ទឹងមានជ័យ​ទី​២ ខ​ណ្ខ​មានជ័យ រាជធានី​ភ្នំពេញ ។​

​ជនសង្ស័យ ​បួន​នាក់ និង​គ្រឿងញៀន ត្រូវបានក្របួច​ជា​បន្តបន្ទាប់

​សមត្ថកិច្ច បាន​ដកហូត​វត្ថុតាង និង​សម្ភារ រួមមានៈ គ្រឿងញៀន ប្រភេទ​ក្រាម​ពណ៌​ស​ថ្លា ចំនួន ២០ កញ្ចប់ (១០​កញ្ចប់​ធំ និង ១០​កញ្ចប់​តូច​) , ជញ្ជីង​អេឡិចត្រូនិក​១ , សំបក​ថង់​ពណ៌​លឿង​១ , កូន​ថង់​ប្លា​ស្ទិ​ក​មួយចំនួន , ឧបករណ៍​សម្រាប់​ប្រើប្រាស់​គ្រឿងញៀន​មួយចំនួន , ទូរស័ព្ទដៃ ២​គ្រឿង និង ម៉ូតូ​១​គ្រឿង ម៉ាក​ហុងដា វ៉េវ ពណ៌​ខ្មៅ ពាក់​ស្លាក​លេខ ភ្នំពេញ 1BC-1241 ។​

​បច្ចុប្បន្ន ក្រុម​ជនសង្ស័យ កំពុង​ឃាត់ខ្លួន នៅ​អធិការដ្ឋាន​គ​បាល ខណ្ឌមានជ័យ ដើម្បី​កសាង​សំណុំរឿង ចាត់ការ​តាម​នីតិវិធី ៕​

​ជនសង្ស័យ ​បួន​នាក់ និង​គ្រឿងញៀន ត្រូវបានក្របួច​ជា​បន្តបន្ទាប់
​ជនសង្ស័យ ​បួន​នាក់ និង​គ្រឿងញៀន ត្រូវបានក្របួច​ជា​បន្តបន្ទាប់

ទីតាំងផ្សាយពាណិជ្ជកម្ម

- Advertisment -

Most Popular

កម្ពុជា ​ប្រាប់​សហភាព​អឺរ...

​ដោយៈ មុនី​រ័ត្ន / ភ្នំពេ...

រដ្ឋបាលខេត្ត ជូនដំណឹង​ពី​...

ដោយៈ បាយ័ន / សៀមរាបៈ នៅ​ថ...

សម្តេច​តេ​ជោ ហ៊ុន សែន​៖​រ...

ដោយៈ​តារា​រិ​ទ្ធ​/​ភ្នំពេ...

«​យុទ្ធនាការ​ភ្នំពេញ​ស្អា...

ដោយៈ​សុផល​/​ភ្នំពេញ​៖​យុទ...