លោក ចូរ បាយ​ដេ​ន ជា​អ្នកនយោបាយ​ចាស់​វស្សា​មួយរូប​


ប្រែ​សម្រួលៈ​ជា សីហៈ​/​ភ្នំពេញ​: លោក ចូរ បាយ​ដេ​ន បេក្ខជន​ប្រធានាធិបតី​មកពី​គណបក្ស​ប្រជាធិបតេយ្យ ដែល​កំពុងតែ​នាំមុខ គឺជា​អ្នកនយោបាយ​ដ៏​ចាស់វស្សា​មួយរូប​នៅ​អាមេរិក ។
​លោក​កើត​នៅ​ថ្ងៃទី ២០ ខែវិច្ឆិកា ឆ្នាំ ១៩៤២ ហើយ​បាន​ក្លាយជា​អនុ​ប្រធានាធិបតី​អាមេរិក​នៅក្នុង​រដ្ឋបាល​លោក​ប្រធានាធិបតី បា​រ៉ា​ក់ អូ​បា​ម៉ា ទី ៤៧ ពី​ឆ្នាំ​២០០៩ ដល់ ឆ្នាំ​២០១៧ ។


​នៅ​មុនពេល​បោះជំហាន​មកកាន់​សេត​វិមាន​នៅក្នុងនាម​ជា​អនុ​ប្រធានាធិបតី លោក ចូរ បាយ​ដេ​ន គឺជា​ព្រឹទ្ធសមាជិក​អាមេរិក ពី​ឆ្នាំ​១៩៧៣ ដល់ ឆ្នាំ​២០០៩​។​


​លោក​មាន​ភរិយា​ពីររូប គឺ​លោកស្រី នេ​លៀ ហាន​ធ័​រ (Neilia Hunter) ដែល​បាន​រៀបការ​នៅក្នុង​ឆ្នាំ​១៩៦៦ ហើយ​បានទទួល​មរណភាព​នៅ​ឆ្នាំ​១៩៧២ ។ លោក​ក៏បាន​រៀបការ​ជាមួយនឹង​លោកស្រី ជៀល ចា​កូប (Jill Jacobs)​នៅក្នុង​ឆ្នាំ​១៩៧៧ មកដល់​បច្ចុប្បន្ន ។ នៅក្នុង​គ្រួសារ​លោក​មានកូន​៤ នាក់ ប៉ុន្តែ​គេ​ដឹងថា កូន​របស់គាត់​ម្នាក់​ជា​អ្នកនយោបាយ ម្នាក់​ជា​អ្នកច្បាប់ និង កូនស្រី​ម្នាក់​ជា​អ្នក​នៅក្នុង​កិច្ចការ​សង្គម​ផ្សេងៗ​រួមទាំង​ការងារ​ខាង​រចនា​ម៉ូត ប៉ុន្តែ​ម្នាក់ទៀត​ស្លាប់ នៅក្នុង​គ្រោះថ្នាក់​ចរាចរណ៍​ជាមួយនឹង​ភរិយា​មុន​របស់ លោក ។


​លោក ចូរ បាយ​ដេ​ន ត្រូវបាន​គេ​ដឹងថា ក៏​ជា​អ្នក​ដែលមាន​ប្រវត្តិ​ចេញពី​ការងារ​ច្បាប់ ដោយ​លោក មាន​សញ្ញប​ត្រ​បណ្ឌិត​ច្បាប់​៕

ទីតាំងផ្សាយពាណិជ្ជកម្ម

- Advertisment -

Most Popular