Home ព័ត៌មានជាតិ សង្គម ការធ្វើដំណើរ ...

ការធ្វើដំណើរ និង​ដឹកជញ្ជូន ទៅកាន់​សង្កាត់​ចំនួន ២ ខាងកើត ក្រុង​សិរីសោភ័ណ នៅតែ​ចរាចរណ៍​តាម​ទូក​

ដោយៈ ភ្នំ​ស្វាយ / បន្ទាយ​មាន​ជ័​យៈ ការធ្វើដំណើរ និង​ដឹកជញ្ជូន របស់​ប្រជាពលរដ្ឋ មន្ត្រីរាជការ កងកម្លាំង ទៅកាន់​សង្កាត់ ២ គឺ​សង្កាត់​ភ្នៀ​ត និង​សង្កាត់​កោះ​ពង​សត្វ នា​ទិសខាងកើត ក្រុង​សិរីសោភ័ណ ខេត្តបន្ទាយមានជ័យ នៅតែ​ធ្វើ​ចរាចរណ៍​តាម​ទូក ក៏ប៉ុន្តែ​បាន​បង្វែរ​កាត់​តាម វាលស្រែ មួយចំនួន ព្រោះ​ទឹក​ស្រក​ចុះ រាក់ ដោ​យមក​កាត់​តាម​ស្ទឹង​សិរីសោភ័ណ​វិញ​។ នេះ​បើតាម​លោក ហ៊ឹ​ល រ៉ា​យ៉ា អភិបាលក្រុង​សិរីសោភ័ណ បាន​ប្រាប់​កាសែត រស្មី​កម្ពុជា នៅ​ថ្ងៃទី​៥ ខែវិច្ឆិកា ឆ្នាំ​២០២០ នេះ​។​

​លោក​អភិបាលក្រុង និង​សហការី បាន​ចុះ​ពិនិត្យ​ស្ថានភាព​ទឹកសម្រក និង​ជីវភាព​ពលរដ្ឋ នៅ​សង្កាត់​ទាំង ២ នោះ ហើយ​នៅពេល​ដ៏​ខ្លី​ខាងមុខ ការធ្វើដំណើរ និង​ការដឹកជញ្ជូន ទៅកាន់ សង្កាត់​ទាំង ២ អាច​នឹង​ធ្វើតាម​ផ្លូវគោក សងខាង​ស្ទឹង​សិរីសោភ័ណ និង​ផ្លូវ​កាត់​វាលស្រែ ទៅកាន់​ផ្លូវជាតិ​លេខ​៦ និង​ត្រង់​មក​ប្រជុំជន​ក្រុង ឡើងវិញ ព្រោះ​ទឹកជំនន់​បាន​ស្រក​ចុះ ច្រើន​ហើយ ។​

​ទោះយ៉ាងណា ក្នុងអំឡុង​ទឹកជំនន់ កន្លងមក ការធ្វើដំណើរ និង​ដឹកជញ្ជូន ទៅកាន់​សង្កាត់​ទាំង​២ អាចធ្វើ​តាមផ្លូវ​គោក​ដែរ គ្រាន់តែ​មានការ​លំបាក ដោយ​អន្លើ ហើយ​វាង​ឆ្ងាយ​បន្តិច គឺ​ធ្វើ​តាមផ្លូវ ខេត្ត មង្គល​បូរី -​អង្គាបុស្ប (​កោះ​ពង​សត្វ​) ។​

​សូមបញ្ជាក់ថា កាលពី​ថ្ងៃទី​៤ វិច្ឆិកា រដ្ឋបាល​ក្រុង​សិរីសោភ័ណ ដឹកនាំ​ដោយ​លោក ហ៊ឹ​ល រ៉ា​យ៉ា អភិបាលក្រុង រួម​នឹង​សមាជិក ក្រុមប្រឹក្សា​ក្រុង បាន​អញ្ជើញ​ចុះ​ពិនិត្យមើល ស្ថានភាព​ទឹក​ស្រក ក្នុងភូមិ​សាស្ត្រ សង្កាត់​ភ្នៀ​ត និង​សង្កាត់​កោះ​ពង​សត្វ​។​

​លោក​បាន​ណែនាំ ទៅដល់​អាជ្ញាធរ​សង្កាត់ ភូមិ និង​ពលរដ្ឋ ក្នុង​រដូវ​ទឹកសម្រក ត្រូវ​រិះរក​វិធី សាស្ត្រ រក្សា​ទឹក​បរិភោគ ទុក​ប្រើប្រាស់ ទុក​ស្រោចស្រព នៅ​រដូវប្រាំង នាពេលខាងមុខ ពោលគឺ​កុំអោយ​ទឹកជំនន់​លិច ហើយ​ដល់​ទឹក​ស្រក និង​ខែប្រាំង ជួប​គ្រោះរាំងស្ងួត​ដឹក​ទឹក ចែក​ទៀត ។​

​សូម​រំលឹកថា តាំងពី​សប្តាហ៍​ទី​២ ខែតុលា ឆ្នាំ​២០២០ កន្លងមក ទឹកជំនន់ បាន​បង្ក​លិចលង់ ភូមិឋាន និង​ផ្លូវថ្នល់​ដែល​ភ្ជាប់ ពី​ប្រជុំជន​ក្រុង​សិរីសោភ័ណ ទៅ​សង្កាត់​ទាំង​២ ។ ហេតុនេះ ការធ្វើដំណើរ និង​ដឹកជញ្ជូន​នានា ត្រូវ​ធ្វើតាម​ផ្លូវទឹក ៕PC​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...