Home ព័ត៌មានជាតិ សង្គម ពលរដ្ឋ​ខណ្ឌ​ស...

ពលរដ្ឋ​ខណ្ឌ​សែន​សុខ ស្នើ​ឲ្យ​អាជ្ញាធរ ជួយ​ដោះស្រាយ បញ្ហា​ប្រឈម​មួយចំនួន នៅក្នុង​មូលដ្ឋាន​របស់ខ្លួន​

ដោយៈ រ៉ា​ម៉ន / ភ្នំពេញៈ បញ្ហា​ប្រឈម​ចំពោះមុខ ចំនួន ៦ មានដូចជា សុំ​ជួយ​កសាង និង​ជួស ជុល​អណ្ដូង​លូ ស្ដារ​ប្រឡាយ បង្ក្រាប​ល្បែងស៊ីសង សុំ​ត​ភ្ជាប់​បណ្ដាញ​អគ្គិសនី បណ្ដាញទឹក ស្អាត និង​សន្ដិសុខ សណ្ដាប់ធ្នាប់​សាធារណៈ ត្រូវបាន​ប្រជាពលរដ្ឋ រស់នៅក្នុង ៥ សង្កាត់ នៃ​ខណ្ឌ​សែន​សុខ ស្នើ​ឲ្យ​អាជ្ញាធរ ជួយ​ដោះស្រាយ ។​

​ប្រជាពលរដ្ឋ បាន​ស្នើសុំ​អាជ្ញាធរ​បែបនេះ នៅក្នុង​វេទិកាសាធារណៈ របស់​ក្រុមប្រឹក្សា​រាជធានី កាលពី​ព្រឹក ថ្ងៃទី​៥ ខែវិច្ឆិកា ឆ្នាំ​២០២០ នៅ​ភោជនីយដ្ឋាន ពិភពថ្មី​សែន​សុខ ក្រោម​អធិបតីភាព លោក ប៉ា សុជាតិ​វង្ស ប្រធាន​ក្រុមប្រឹក្សា រាជធានី​ភ្នំពេញ និង​លោក កើត ឆែ អភិបាលរង រាជធានី​ភ្នំពេញ និង​លោក ម៉ូ​វ ម៉ានិត អភិបាលខណ្ឌ​សែន​សុខ ។​

​លោក លី សំណាង ជា​ប្រជាពលរដ្ឋ រស់នៅ​ភូមិ​ទ្រង់មាន់ សង្កាត់​ទឹកថ្លា បានស្នើ​សុំ​ឲ្យ​អាជ្ញាធរ គ្រប់​ជាន់ថ្នាក់ ជួយ​ស្ដារអណ្ដូង​លូ ជាបន្ទាន់ ព្រោះ​បច្ចុប្បន្ន អណ្ដូង​លូ នៅ​ភូមិ​របស់គាត់ ត្រូវបាន​ដី​ហូរ ចូល​ពេញ​អស់ ហើយ​ពេល​ភ្លៀង មក​ម្ដងៗ ទឹក​ហូ​អត់​ទាន់ រួច​លិច​ទឹក ដក់​នៅ លើផ្លូវ ធ្វើ​ឲ្យ​លិច​ដល់ផ្ទះ របស់គាត់ យូរថ្ងៃ ទើប​ស្រក​ទៅ​អស់ វា​ខុស​កាលពី , បី​ឆ្នាំ​មុនពេល ភ្លៀង​មក​ម្ដងៗ រយៈពេល​តែ​កន្លះ​ម៉ោង​ទឹក​ស្រក ទៅវិញ​អស់ហើយ​។​

​ចំណែក​អ្នកស្រី សុខ ផាន្នី ជា​ប្រជាពលរដ្ឋ រស់នៅ​ភូមិ​វិមាន​ទ្រង់ ក្នុង​សង្កាត់​ភ្នំពេញ​ថ្មី​ក៏បាន​ស្នើ សុំ​ឲ្យ​អាជ្ញាធរ ជួយ​ស្ដារ​ប្រឡាយ​ចាស់​ព្រៃក្លា ក្នុងភូមិ​សែន​សុខ​១ និង ២ ដែលមាន​ប្រវែង ប្រមាណ​ជាង ១.៥០០ ម៉ែត្រ បច្ចុប្បន្ន ត្រូវបាន​គោក​រាក់​អស់ហើយ ទឹក​អត់​ហូរ​ទេ ដោយសារ មានគ្រួសារ​ខ្លះ រំលោភ​យក​ប្រឡាយ និង​អ្នក​ខ្លះទៀត ចាក់ដី​រំលោភ លើ​ប្រឡាយ​សង់រោង លក់ដូរ​នៅលើ​ប្រឡាយ​ជាដើម ។ ជាមួយគ្នានេះដែរ ក្នុងនាម លោកស្រី តំណាង​ប្រជាពលរដ្ឋ ៤ ភូមិ ក្នុង​សង្កាត់​ភ្នំពេញ​ថ្មី លោកស្រី ស្នើ​ឲ្យ​អាជ្ញាធរ​ជួយ បង្ក្រាប​ល្បែងស៊ីសង (​បៀ​) ផង ព្រោះ​រាល់ថ្ងៃនេះ អ្នកលេង​ច្រើន​ទៅៗ កើត​ចោរ​លូច ចោរឆក់ ប្លន់​យ៉ាង​អនាធិបតេយ្យ រាល់ថ្ងៃ អាជ្ញាធរ មិន​អើពើ​អ្វី​ទាល់តែសោះ ។​

​ពាក់ព័ន្ធ​នឹង​សំណើ របស់​ប្រជាពលរដ្ឋ​នេះដែរ លោក កើត ឆែ អភិបាលរង​រាជធានី​ភ្នំពេញ ក៏បាន​សន្យាថា នឹង​យក​សំណើ សំណូមពរ របស់​បងប្អូន ទាំងអស់នេះ យក​សំណើ​ទាំងនេះ ទៅ​ដាក់ជូន​លោក ឃួ​ង ស្រេង អភិបាល​រាជធានី​ភ្នំពេញ ដើម្បី​ដោះស្រាយ​ជាបន្ទាន់​រាល់ សំណើ​ជូន​បងប្អូន តាម​ក្រោយ ។ ដោយឡែក រាល់​សំណើ របស់​បងប្អូន ខ្លះ​ត្រូវ​ប្រើ​ទឹកប្រាក់ ច្រើន ហើយ​ត្រូវមាន​គម្រោង​ច្បាស់លាស់ ដើម្បី​ធ្វើការ​អភិវឌ្ឍន៍​តាម​ក្រោយ ។​

​លោក កើត ឆែ ក៏បាន​សម្តែង​នូវ ការស្វាគមន៍ ចំពោះ​សំណើ និង​កង្វល់​ទាំងឡាយ​របស់ ប្រជាពលរដ្ឋ ក្នុង​មូលដ្ឋាន សង្កាត់ ខណ្ឌ ព្រមទាំង​ទទួលយក នូវ​បញ្ហា​ទាំងនោះ ទៅ​ថ្នាក់ជាតិ ដើម្បី​ពិនិត្យ និង​ដោះស្រាយ ជូន​បងប្អូន​ជា​បន្តបន្ទាប់ ។​

​ជាមួយគ្នា​នោះ ឆ្លើយតប​ទៅនឹង​សំណើ​របស់​បងប្អូន​ប្រជាពលរដ្ឋ នៅ​មូលដ្ឋាន​នេះ លោក ម៉ូ​វ ម៉ានិត អភិបាលខណ្ឌ​សែន​សុខ ក៏បាន​ដោះស្រាយ ជូន​ជាបន្ទាន់​នូវ បញ្ហា​មួយចំនួន ចំពោះមុខ មួយចំនួន ដែលជា​លទ្ធភាព របស់​អាជ្ញាធរ​ខណ្ឌ អាចធ្វើ​ទៅបាន មានកំ​រិត​តែ​នៅមាន​បញ្ហា​មួយ ចំនួន ដែល​ត្រូវ​រង់ចាំ ដោះស្រាយ​ជា​បណ្តើរៗ និង​មាន​បញ្ហា​ធំៗ ជាច្រើន​ទៀត​ត្រូវធ្វើ​ការស្នើ សុំ​បន្ត ទៅ​ថ្នាក់​រាជធានី ដើម្បី​ពិនិត្យ និង​ស្វែងរក​លទ្ធភាព ដោះស្រាយ​ជូន​ប្រជាពលរដ្ឋ​តាម ក្រោយ​។​

​លោក ប៉ា សុជាតិ​វង្ស ប្រធាន​ក្រុមប្រឹក្សា​រាជធានី​ភ្នំពេញ បានបញ្ជាក់​ថាៈ វេទិកា​នេះ គឺមាន បំណង​ឲ្យ​ប្រជាពលរដ្ឋ បញ្ចេញយោបល់ ដើម្បី​ឲ្យ​អាជ្ញាធរ​បានដឹង និង​ដោះស្រាយ ជូន​ប្រកបដោយ​តម្លាភាព និង​គណនេយ្យភាព​។ ព្រោះ​ការដឹកនាំ​បានល្អ និង​ជោគជ័យ គឺ​អាស្រ័យ​ដោយ​ការទទួលបាន​ព័ត៌មាន​ច្រើន និង​ត្រឹមត្រូវ​ច្បាស់លាស់​ព្រមទាំង​មានការ ចូលរួម​ពី​ប្រជាពលរដ្ឋ​។ ការគ្រប់គ្រង​ណាក៏ដោយ បើ​ដើរ​ឆ្ងាយ​ពី​ប្រជាពលរដ្ឋ​គឺ​យើង​អស់ តំលៃ​ហើយ សុខទុក្ខ​ប្រជាពលរដ្ឋ នៅតាម​មូលដ្ឋាន គឺជា​ការគិតគូរ រក​ដំណោះស្រាយ របស់​អាជ្ញាធរ​គ្រប់​ជាន់ថ្នាក់ ។​

​លោក​ប្រធាន​ក្រុមប្រឹក្សា រាជធានី​ភ្នំពេញ ក៏បាន​ស្នើ​ឲ្យ​ប្រជាពលរដ្ឋ មិន​ថា នៅក្នុង​វេទិកា ពិគ្រោះ​យោបល់ នៅពេលនេះ ឬ​នៅពេល​ក្រោយ​នោះទេ ត្រូវ​ចូលរួម​បញ្ចេញយោបល់ លើកសំណើ​សំណួរ និង​សំណូមពរ ឱ្យបាន​ផុលផុស បើទោះបី​យោបល់​នោះ​មាន​លក្ខណៈ បែប​សេរី យ៉ាងណាក្តី គឺ​ប្រជាពលរដ្ឋ មិន​ខុស​ទេ​។ គ្មានអ្វី​ប្រសើរ​ជាជាង​ការជជែក​គ្នា និង​ទទួលបាន​ដំណឹង រវាង​ប្រជាពលរដ្ឋ និង​អាជ្ញាធរ​គ្រប់​ជាន់ថ្នាក់ បាន​ដឹងឮ ៕PC​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...

​អាជ្ញា​បណ្ណ​ចំនួន​៣ របស់...

​ដោយ​៖ ដេប៉ូ / ភ្នំពេញ​៖ ...