Home ព័ត៌មានជាតិ សង្គម រដ្ឋាភិបាល​ត្...

រដ្ឋាភិបាល​ត្រៀម​រៀបចំ​ច្បាប់​រឹតបន្តឹង​លើ​ជន​ដែល​ប្រមាថ​ដល់​ជនពិការ​

ដោយ​: ភ្នំ​ខៀវ / បាត់ដំបង​: រដ្ឋាភិបាល​កម្ពុជា​ត្រៀម​រៀបចំ​ច្បាប់​អនុវត្ត​វិធានការ ចំពោះ​បុគ្គល​ដែល​ប្រមាថមើលងាយ​ជន​មាន​ពិការភាព និង​ក្លែងបន្លំ​ជា​ជនពិការ​។​

​ក្នុង​សិក្ខាសាលា​នៅ​ខេត្តបាត់ដំបង ពី​ការផ្សព្វផ្សាយ​ផែនការ​យុទ្ធសាស្ត្រ​ជាតិ ស្តីពី​ពិការភាព​ឆ្នាំ​២០១៩-២០២៣ និង​លិខិតបទដ្ឋាន​បច្ចេកទេស​ហេដ្ឋារចនាសម្ព័ន្ធ​រូបវន្ត​បង្កលក្ខណៈ​ងាយស្រួល​ដល់​ជន​មាន​ពិការភាព នៅ​ថ្ងៃទី​៥ ខែ​វិ​ច្ឆ​កា ឆ្នាំ​២០២០​នេះ លោក ឯម ច័ន្ទ​មករា រដ្ឋលេខាធិការ​ក្រសួង​សង្គមកិច្ច​អតីតយុទ្ធជន និង​យុវនីតិសម្បទា​បាន​លើកឡើងថា​÷ ថ្មីៗ​កន្លងមកនេះ​រាជរដ្ឋាភិបាល​កម្ពុជា ក៏ដូចជា​ក្រសួង​សា​ម៉ី​ត្រៀម​បង្កើត​សមាគមន៍​ការពារ​សេចក្តីថ្លៃថ្នូ​រស​ម្រា​ប់​បងប្អូន​មាន​ពិការភាព ពិសេស​ច្បាប់​អនុវត្ត​វិធាន​ការដាក់ទោសទណ្ឌ​ចំពោះ​បុគ្គល​ណា​ដែល​បាន​ប្រមាថមើលងាយ​ដល់​ជនពិការ ឬ​បុគ្គល​ដែល​ក្លែងបន្លំ​ជា​ជនពិការ​ទាញយក​ផលប្រយោជន៍​ផ្សេងៗ​ពី​សាធារណ​:​ជន និង​សង្គម​។​

​លោក ឯម ច័ន្ទ​មករា បន្តថា ចំពោះមុខ​នេះ​ក្រសួង​ក៏បាន​សម្រេច​ព​ន្លឿ​ន​លើ​ការផ្តល់​ប័ណ្ណ​សម្គាល់​ជនពិការ​ផងដែរ ដើម្បី​មានការ​អនុគ្រោះ​បញ្ចុះតម្លៃ ដូចជា​តម្លៃ​ការសិក្សា តម្លៃ​ទំនិញ​នៅតាម​ទីផ្សារ​នានា​ជាដើម រួមទាំង​កិច្ច​អន្តរាគមន៍​ជា​អាទិភាព​លើ​ការងារ​នានា​សម្រាប់​ជន​មាន​ពិការភាព​ថែមទៀត​។​

​ចំណែក​លោក យុន ឈុ​ន្នី រដ្ឋលេខាធិការ​នៃ​អគ្គលេខាធិការដ្ឋាន​ក្រុមប្រឹក្សា​សកម្មភាព​ជនពិការ បាន​ឲ្យ​ដឹង​ដែរ​ថា សិក្ខាសាលា​នៅពេលនេះ មាន​គោលបំណង​ការពារ​សិទ្ធិសេរីភាព ផលប្រយោជន៍ ទប់ស្កាត់​ការកេងប្រវ័ញ្ច កាត់បន្ថយ និង​លុបបំបាត់​ការជិះជាន់ ការរើសអើង​ចំពោះ​ជន​មាន​ពិការភាព​ធានា​សិទ្ធិ​ស្មើភាព​គ្នា រវាង​ជន​មាន​ពិការភាព និង​ជន​មិនមាន​ពិការភាព ក៏ដូចជា​ការធានា​ការធ្វើ​បរិ​យាប​ន្ន និង​សមភាព​សម្រាប់​ជន​មាន​ពិការភាព ស្របតាម​យុទ្ធសាស្ត្រ​កែទម្រង់​របស់​រាជរដ្ឋាភិបាល​កម្ពុជា​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

នាំ​នារី​កោសខ្យល់ បួន​នាក...

ដោយៈ មុនី​រ័ត្ន/ភ្នំពេញៈ ...

គោ​ជាង ១០០ក្បាល ក្នុង​ខេត...

ដោយៈ បូកគោ/កំ​ពតៈ ប្រជាកស...

កម្ពុជា​ចាប់ផ្តើម​នាំចេញ​...

ដោយៈ ជា សីហៈ​/​ភ្នំពេញៈ ល...

លោក​ទេសរដ្ឋមន្ត្រី ស៊ុន ច...

​ដោយ​: ជា សីហៈ / ភ្នំពេញ​...