Home ព័ត៌មានជាតិ សេដ្ឋកិច្ច កម្ពុជា​សម្លឹ...

កម្ពុជា​សម្លឹងមើល​សក្តា​នុព​ល​សេដ្ឋកិច្ច​ជាមួយនឹង​រុស្ស៊ី​កាន់តែ​ធំ​ទូលាយ​ជាង​មុន


ដោយៈ ជា សីហៈ​/ ភ្នំពេញៈ លោ​កក អូន ព័ន្ធមុនីរ័ត្ន ឧបនាយករដ្ឋមន្ត្រី​និង​ជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ​បាន​អះអាងថា ទោះបីជា​ស្ថិតក្នុង​បរិការណ៍​នៃ​វិបត្តិ​នៃ​ជំងឺ​កូ​វីដ​១៩ ក៏ដោយ ក៏​កិច្ចសហប្រតិបត្តិការ​រ​វាង ប្រទេស​កម្ពុជា និង រុស្ស៊ី នៅតែ​ដំណើរការ ។​


​លោក អូន ព័ន្ធមុនីរ័ត្ន បាន​ថ្លែងប្រាប់​លោក អាណា​តូ​លី បូ​រ៉ូ​វិក (Anatoly Borovik) នៅក្នុង​ជំនួប​ថ្មីៗ​នេះ​ថា ទំនាក់ទំនង​កម្ពុជា និង រុស្ស៊ី កំពុងតែ​ដំណើរការ​ទៅដោយ​រលូន ជាពិសេស​នៅក្នុង​វិស័យ​​សេដ្ឋ​កិច្ច ពាណិជ្ជកម្ម វិនិយោគ អប់រំ សុខាភិបាល និង វប្បធម៌ ។​


​លោក​បាន​បន្តថា រាជរដ្ឋាភិបាល​កម្ពុជា ត្រៀមខ្លួន​ជា​ស្រេស​ក្នុង​ការជំរុញ​កិច្ចសហប្រតិបត្តិការ​ទាំ​ង​នេះ​ឲ្យ កាន់តែ សកម្ម​ថែមទៀត​។


​លោក​បាន​បន្តទៀតថា ជាមួយគ្នានេះ រាជរដ្ឋាភិបាល​កម្ពុជា​ក៏​ស្វាគមន៍​វិនិយោគិន​ពី​រុស្ស៊ី​មក​ដាក់ទុន​វិ​និ យោគ​បន្ថែមទៀត​នៅ​កម្ពុជា ដើម្បី​បង្កើន​ទំហំ​ពាណិជ្ជកម្ម​ទេ្វ​ភាគី និង ជំរុញ​កំណើនសេដ្ឋកិច្ច ។


​ដោយ​ឡែក​​​លោក ទូត​រុស្ស៊ី បាន​គូសបញ្ជាក់ថា រដ្ឋាភិបាល​សហព័ន្ធរុស្ស៊ី នឹង​បន្ត​ជួយ​ដល់​រាជរដ្ឋាភិបាល និង ប្រជាជន​កម្ពុជា ជាពិសេស​ក្នុង​វិស័យ​អប់រំ និង សុខាភិបាល ដូចជា ការផ្តល់​អាហារូបករណ៍ ដល់​និស្សិត​កម្ពុជា​ទៅ​សិក្សា​នៅ​សហព័ន្ធរុស្ស៊ី ការបណ្តុះបណ្តាល​ជំនាញ និង ជំនួយ​បច្ចេកទេស ជាដើម ។​


​លោក​ទូត​រុស្ស៊ី​បាន​វាយតម្លៃ​ខ្ពស់​ចំពោះ​រាជរដ្ឋាភិបាល​កម្ពុជា ដែល​បានចាត់ទុក​វិធានការ​ត្រឹមត្រូវ​និង​ទាន់ ពេលវេលា​ក្នុងការ​ប្រយុទ្ធ​ប្រឆាំងនឹង​ជំងឺ​កូ​វីដ ១៩ ដោយ​រក្សាបាន​នូវ​ស្ថិរភាព​សេដ្ឋកិច្ច និង សង្គម ហើយ គ្រប់គ្រង​ការឆ្លង​រាលដាល​នៃ​ជំងឺ​រាតត្បាត​នេះ​បាន​យ៉ាង​ល្អប្រសើរ ។​


​នាឱកាស​នោះ លោក ទូត​រុស្ស៊ី បាន​ថ្លែងថា ដោយ​មើលឃើញ​ពី​សក្តានុពល​នៃ​ប្រទេស​កម្ពុជា មាន​ក្រុមហ៊ុន រុស្ស៊ី​ជាច្រើន ទាំង​ក្រុមហ៊ុន​ធំ​និង​មធ្យម កំពុង​តែមាន​ចំណាប់អារម្មណ៍​និង​ស្វែងរក​កាលា នុ​វត្ត​ភាព​ក្នុងការ​ដាក់ទុន​វិនិយោគ​និង​ប្រកប​ធុរកិច្ច​នៅ​កម្ពុជា ។ ក្នុងន័យនេះ លោក ទូត​ជឿជាក់ថា នៅពេល​ខាងមុខ​ទំហំ​ពាណិជ្ជកម្ម​ទ្វេរ​ភាគី​រវាង​ប្រទេស​កម្ពុជា និង រុស្ស៊ី នឹងមាន​ការកើនឡើង​ជា​បន្តបន្ទាប់៕

ទីតាំងផ្សាយពាណិជ្ជកម្ម

- Advertisment -



Most Popular