Home ព័ត៌មានជាតិ សន្តិសុខ ក្រសួង​យុ​តិ្...

ក្រសួង​យុ​តិ្ត​ធម៌ ៖​ការទប់ស្កាត់ និង​ប្រយុទ្ធប្រឆាំង​ឱសថ ខុសច្បាប់ និង​ផលិតផល​ក្លែងក្លាយ គឺជា​រឿង​ចាំបាច់ ចំពោះមុខ​

​ដោយៈ ដេប៉ូ / ភ្នំពេញៈ បញ្ហា​ឱសថ​ក្លែងក្លាយ និង​ផលិតផល​ក្លែងក្លាយ ខុសច្បាប់ ជា​បញ្ហា​សុខភាព​សាធារណៈ និង​ជា​អាទិភាព​មួយ​ដ៏​សំខាន់ ដែល​ចាំបាច់ ត្រូវតែ​ចាត់វិធានការ ឱ្យបាន​ម៉ឺងម៉ាត់ និង​ទាន់ពេលវេលា​។ នេះ​ជាការ​លើកឡើង​របស់ លោក កើត រិ​ទ្ធ រដ្ឋមន្ត្រី​ក្រសួងយុត្តិធម៌​។​

​ថ្លែង​ក្នុង​ពិធី​កម្ទេច​ឱសថ ខុសច្បាប់ និង​ផលិតផល​ក្លែងក្លាយ​ទូទៅ មាន​ចំនួន​សរុប​ជាង ៥៤០ តោន ដែល​បាន​រៀបចំឡើង នៅ​ថ្ងៃទី​៥ ខែវិច្ឆិកា ឆ្នាំ​២០២០ នេះ លោក កើត រិ​ទ្ធ រដ្ឋមន្ត្រី​ក្រសួងយុត្តិធម៌ បានឱ្យដឹងថាៈ “​ការរួម​គ្នា ពី​មន្ត្រី​អនុវត្ត​ច្បាប់ និង​ប្រជាពលរដ្ឋ ក្នុងការ​ទប់ស្កាត់ និង​ការប្រយុទ្ធប្រឆាំង ឱសថ​ខុសច្បាប់ និង​ផលិតផល​ក្លែងក្លាយ ខុសច្បាប់ គឺ​ដើម្បី​បម្រើ​ប្រយោជន៍​រួម ក្នុងការ​ការពារ​សុខ​ភាព និង​អាយុជីវិត ប្រជាពលរដ្ឋ ព្រមទាំង​បញ្ចៀស នូវ​ហានិភ័យ​នានា ដែល​បង្កឡើង​ដោយ ឱសថ​ខុសច្បាប់ និង​ផលិតផល​ក្លែងក្លាយ ខុសច្បាប់ សម្រាប់​សង្គមជាតិ​។​”

​លោក​បាន​បន្ថែមថាៈ ការផលិត​, ការនាំចេញ​, ការនាំ​ចូល និង​ការ​ចែកចាយ ឱសថ​ខុសច្បាប់ និង​ផលិតផល​ក្លែងក្លាយ ខុសច្បាប់ គឺជា​បទល្មើស​មួយ ដែលមាន​លក្ខណៈ​ធ្ងន់ធ្ងរ​។ ហេតុដូចនេះ បន្ថែម​លើ​ការដកហូត និង​ការ​កម្ទេចចោល នូវ​ឱសថ​ខុសច្បាប់ និង​ផលិតផល​ក្លែងក្លាយ ខុសច្បាប់​, មន្ត្រី​អនុវត្ត​ច្បាប់ ត្រូវ​ពង្រឹង​ការអនុវត្ត​វិធានការ​ច្បាប់ ឱ្យបាន​ម៉ឺងម៉ាត់ និង​ត្រូវ​ផ្តន្ទាទោស​ជនល្មើស និង​អ្នកពាក់ព័ន្ធ​ទាំងឡាយ ជាអាទិ៍ អ្នក​នាំចូល និង​អ្នក​ចែកចាយ ផលិតផល ឱ្យបាន​តឹងរឹង និង​ឱ្យបាន​ត្រឹមត្រូវ តាម​ប្រភេទ នៃ​បទល្មើស ដែល​កំណត់​ក្នុង​ច្បាប់ ជាពិសេស ច្បាប់​ស្តីពី​ការគ្រប់គ្រង​ឱសថ និង​ច្បាប់​ស្តីពី​ការគ្រប់គ្រង គុណភាព សុវត្ថិភាព លើ​ផលិតផល​ទំនិញ និង​សេវា ដើម្បី​ធានា​ការពារ​សុខមាលភាព របស់​ប្រជាជន​កម្ពុជា និង​ដើម្បី​កុំឱ្យ​បញ្ហា​នេះ ចេះតែ​កើតមាន និង​រីក​រាលដាល​ឡើង បន្តទៀត​។​

​ជាមួយគ្នានេះ លោក​រដ្ឋមន្ត្រី ក៏បាន​ថ្លែង​នូវ ការ​កោត​ស​សើរ និង​វាយតម្លៃ​ខ្ពស់ ចំពោះ​កិច្ចខិតខំ​ប្រឹងប្រែង របស់​គណៈកម្មាធិការ ប្រយុទ្ធប្រឆាំង​ផលិតផល ក្លែងក្លាយ​, អាជ្ញាធរ​ដែនដី​, មន្ត្រីនគរបាល​យុត្តិធម៌ រួមទាំង​ស្ថាប័ន​តុលាការ និង​ស្ថាប័ន​អនុវត្ត​ច្បាប់ ពាក់ព័ន្ធ​ផ្សេងទៀត ព្រមទាំង​បាន​កោត​ស​សើរ ចំពោះ​ការចូល​រួមសហការ យ៉ាង​ល្អប្រសើរ ពី​ប្រជាពលរដ្ឋ​, សង្គម​ស៊ីវិល និង​វិស័យ​ឯកជន​៕

ទីតាំងផ្សាយពាណិជ្ជកម្ម

- Advertisment -

Most Popular

បូកសរុប​លទ្ធផល​ការងារ​ប្រ...

ដោយ​: វ៉ៃ​កូ / ស្វាយរៀង​:...

បរិក្ខារ​ដើរ​ដោយ​ថាមពល​ពន...

ដោយ​: សុផល / ភ្នំពេញ​: យោ...

កំពុង​បណ្តែតអារម្មណ៍​តាម​...

​ដោយ​: វណ្ណៈ / ព្រះសីហនុ​...

យុគសម័យ​ទំនើប​គ្មានទេ​មន្...

ដោយ​: គង់​ហេង​/ កំពង់ចាម​...