ទេសរដ្ឋមន្ត្រី ស៊ុន ចាន់ថុល​៖​គ្រោះថ្នាក់​ចរាចរណ៍​ជាង​៩៣​ភាគរយ បង្កឡើង​ដោយ​កត្តា​មនុស្ស​


ដោយៈ​សុផល​/​ភ្នំពេញៈ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹក ជញ្ជូន បាន​លើកឡើងថា គ្រោះថ្នាក់​ចរាចរណ៍​ជាង​៩៣​ភាគរយ បង្កឡើង​ដោយ​កត្តា​មនុស្ស ខណៈ​គ្រោះថ្នាក់​ផ្សេងទៀត​បង្កឡើង​ដោយ​កត្តា​យានយន្ត និង​ផ្លូវថ្នល់ ។​


​ ​លោក​ទេសរដ្ឋមន្ត្រី​បានលើកឡើង​ដូច្នេះ​ក្នុង​ពិធី​សម្ពោធ​បើក​ឱ្យប្រើ​ប្រាស់​ជា​ផ្លូវការ​នូវ​មជ្ឈមណ្ឌល​សំបក​កង់ និង​ថែទាំ​យានយន្ត “​ថា​យ​ផ្ល័ស​” សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ នៅ​ថ្ងៃទី​៥ ខែវិច្ឆិកា​។​


​លោក​ទេសរដ្ឋមន្ត្រី បាន​បញ្ជាក់ថា អ្នកបើកបរ​យានយន្ត​នៅតែ​ធ្វេសប្រហែស និង​មិន​គោរព​ច្បាប់​ចរាចរណ៍​ដូចជា​៖ បើក​ហួស​ល្បឿន​កំណត់ អត់​ពាក់មួក​សុវត្ថិភាព អត់​ពាក់​ខ្សែក្រវាត់​សុវត្ថិភាព ប្រើ​គ្រឿងញៀន​និង​គ្រឿង​ស្រវឹង​ក្នុងពេល​បើកបរ វ៉ា​ជែង​ដោយ​គ្មាន​ការប្រុងប្រយ័ត្ន ជាដើម​។​


​លោក បន្តថា គ្រោះថ្នាក់​ចរាចរណ៍​ដែល​បង្កដោយ​យានយន្ត​ខុស​លក្ខណៈ​បច្ចេកទេស គឺ​មានតែ​ប្រហែល ៣​ភាគរយ​ប៉ុណ្ណោះ ខណៈ​កត្តា​ផ្សេងទៀត​បណ្តាលមកពី​ផ្លូវថ្នល់ គ្មាន​ស្លាក​សញ្ញា​ចរាចរណ៍ ជាដើម​៕

ទីតាំងផ្សាយពាណិជ្ជកម្ម

- Advertisment -

Most Popular

ករណីពុល​ស្រាស​៖ ​អ្នកស្លា...

​ដោយ​: ទេ​ពក​ង្រី / ខេត្ត...

លោកទេសាភិបាលធនាគារជាតិធ្វ...

ដោយ:បញ្ញាសាស្រ្ត/ភ្នំពេ...

អភិបាលខេត្ត​បាត់ដំបង​ទស្ស...

​ដោយ​: គ្រញូង / សៀមរាប​: ...

លោក​តំណាងរាស្ត្រ សៀង ណាំ ...

ដោយ​: បាយ័ន / សៀមរាប​: នា...