Home បទវិភាគ/ទស្សនៈ ​ឃើញ​សេចក្តីថ...

​ឃើញ​សេចក្តីថ្លែងការណ៍​មួយ​នោះ ចង់តែ​ឈឺ​សើច​!

ដោយៈ​នាយ​កុយ​
​មាន​អង្គការ​សង្គម​ស៊ីវិល​ចំនួន​៥៧​កាលពី​ថ្ងៃ​ម្សិលមិញ​បានចេញ​សេចក្តីថ្លែងការណ៍​រួមមួយ​ដោយ​ចោទប្រកាន់​រាជរដ្ឋាភិបាល​កម្ពុជា​ថា​បាន​យាយី​ទៅ លើ​ប្រព័ន្ធ​ផ្សព្វផ្សាយ​ឯករាជ្យ​និង​អ្នកសារព័ត៌មាន​។ នាយ​កុយ​ខ្ញុំ​ប្រឡូក​ក្នុង​អាជីព​ជា​អ្នកកាសែត​នេះ​ជាង ៣០ ឆ្នាំ​មកហើយ​ខ្ញុំ​មិនដែល​ទទួលបាន​ការព្រមាន​កាត​លឿង ឬ​កាត ក្រហម​ពី​រាជរដ្ឋាភិបាល​ឬ​សម​ត្ត​កិច្ច​ម្តងណា​នោះទេ​។

​ប៉ុន្តែនាយ​កុយ​មិន​កុហក​ទេ​ធ្លាប់​ដែរ​កាលពី​សម័យ​រាជរដ្ឋាភិបាល​អាណត្តិ​ទី​១​មាន​នាយករដ្ឋមន្ត្រី​២,​នាយ​កុយ​ត្រូវបាន​ចាត់ ឲ្យ​ទៅយក​ព័ត៌មាន​តាម​សម្តេចក្រុមព្រះ នរោត្តម រាណ​ឬ​ទ្ធ នាយករដ្ឋមន្ត្រី​ទី​១,​ពេលនោះ​ដោយសារ​មានការ​ប្រទាញប្រទង់​គ្នា​រវាង​អ្នកនយោបាយ​ខ្មែរ ក៏មាន​សង្គ្រាម​វោហា​ស័ព្ទ ឆ្លងឆ្លើយ​គ្នា​រវាង​សម្តេចក្រុមព្រះ នាយករដ្ឋមន្ត្រី​ទី​១ និង សម្តេច​តេ​ជោ ហ៊ុន សែន នាយករដ្ឋមន្ត្រី​ទី​២ ។​នាយ​កុយ​ពេលនោះ​សរសេរ​តែ​អ្វី​ដែលជា​បន្ទូល​សម្តេចក្រុមព្រះ​ថ្លែង ប៉ុណ្ណោះ​មិនមាន​បំ​ភ្លើ​ស​ការពិត​នោះទេ​។​ក៏ប៉ុន្តែ​បន្ទូល​របស់​ព្រះអង្គ​ពេលនោះ​វា​មាន​ភាព​ចាក់​ដោត​ខ្លាំង​ទៅលើ​ដៃគូ​ក្នុង​រាជរដ្ឋាភិបាល​,​ដល់​នាយ​កុយ​សរសេរ​ទៅខាង​សម្តេច​តេ​ជោ ហ៊ុន សែន ក៏​ឡង​មកវិញ​។ ដល់​អញ្ចឹង​ទៅ​នាយ​កុយ​ខ្ញុំ​ក៏​ក្លាយជា​ផ្ទាំង​ស៊ី​ប​របស់​ក្រុមមន្ត្រី​ដែលមាន​ស្វាមី​ភ័​ក្ត​ជាមួយ​សម្តេចក្រុមព្រះ​,​អាច​ហៅថា​ពួក​អា​មី​អា​ថោង​ជា​កូនចៅ សម្តេចក្រុមព្រះ​នៅពេលនោះ គំរាម​បាញ់ចោល និង រុញ​ទម្លាក់​ពីលើ​យន្តហោះ ,​ហើយ​ពេលខ្លះ​ហៅ​នាយ​កុយ​សុទ្ធតែ អា​អ្នកកាសែត​ក្បាល​យួន​ខ្លួន​ខ្មែរ​…​គិញ​សើ​ប​ការណ៍​របស់ របស់​អាយ៉ងយួន​…​ឆ្កុយ​។ នាយ​កុយ​ពេលខ្លះ អង្គុយ​នៅលើ​យន្តហោះ​ភ្លេច​ដកដង្ហើម​ក៏មានដែរ​។ ពេលខ្លះ​គិត​ចង់​ធ្វើ​បណ្តាំមរតក​ទុក​ឲ្យ​ប្រពន្ធ​កូន​ទៀតផង ។​

​នាយ​កុយ​ខ្ញុំ​ធ្លាប់បាន​សរសេរ​រឿង​ច្រើនណាស់​មកហើយ​ដែរ​ហើយ​មាន​មនុស្ស​ក៏​ច្រើន​ដែរ​ដែល​ស្គាល់​រហ័ស​នាម​នាយ​កុយ​ខ្ញុំ​ដោយសារ​ថា​ពេល​នាយ​កុយ​ខ្សិ​ប​ដាក់​មេក្រូ​កាសែត​ឮ​រស្មី​កម្ពុជា​ឬក៏​ធ្វើ​ឡប់ៗ​ដាក់​លើ​ទំព័រ​កាសែត​រស្មី​កម្ពុជា​អ្នក​ទាំងនោះ​ច្រើន​ទទួល​ការដាក់ពិន័យ​ឬ​ដក​ចេញពី​តំណែង​ហើយ​មួយចំនួន​ក៏​ធ្វើ​ការកសាង​ខ្លួន​ឡើងវិញ​,​ក្នុងចំណោម​អ្នក​ទាំងនោះ​មាន​មួយចំនួន​ស្អប់​នាយ​កុយ​រហូតមកដល់​ស​ព្ធ​ថ្ងៃ​គឺ​ធីប​នាយ​កុយ​ចេញពី​បញ្ជី​ហៅ​យក​ព័ត៌មាន​ក៏មានដែរ​។​តែ​នាយ​កុយ​មិន​ខឹង​និង​ពួកគេ​ទេ​ព្រោះ​យល់ថា​យើង​ទៅ​វ៉ៃ​បំបែក​ឆ្នាំងបាយ​របស់គេ​រឿង​អី​ថា​គេ​មិន​ខឹង​។​ក៏ប៉ុន្តែ​ឧ​ត្ត​ម​គតិ​របស់​នាយ​កុយ​នៅតែ​បន្ត​ប្រយុទ្ធ​នៅលើ​សមរភូមិ​ស្លាប​ប៉ា​កា​មួយ​នេះ ។

​បែរមក​និយាយ​ពី​សិទ្ធិសេរីភាព​របស់​សារព័ត៌​មាននៅ​ស្រុក​យើង​វិញ​គឺ​វា​មហា​សេរីភាព​ហើយ នៅ​ប្រទេស​គេ​អ្នកកាសែត​ចាងហ្វាង​កាសែត​មួយៗ​ម៉ែ​សុទ្ធតែ​ចេញពី​មហាវិទ្យាល័យ អន់​ណាស់​ក៏មាន​សញ្ញាបត្រ​បរិញ្ញាបត្រ​ដែរ​ហើយ​គេ​បោះទុន​រាប់សិប​ម៉ឹ​ន​ដុល្លារ​បើ​កាសែត​មួយ​ឬ​ទូរទស្សន៍​មួយ ។ តែ​នៅ​ស្រុក​ខ្មែរ​យើង​មានតែ​ទូរ​ស័​ព្ឌ​ដៃ​ស្មា​ត​ហ្វូ​ន​មួយ​មាន​កូនចៅ​ម្នាក់​ក៏​អាច​បើក​កាសែត​អន​ឡាញ​បាន​មួយអង្គ​ភាព​ដែរ​ឲ្យ​តែ​ចេះ​ធ្វើ​ឆ្កួត​។​
​ថ្ងៃ​មុនពេល​ភ្លៀង​ខ្លាំង​លិច​ផ្លូវ​ក្នុង​ក្រុងភ្នំពេញ​មាន​អ្នកកាសែត​អន​ឡាញ​មួយគ្រឿង​ដោះអាវ​នៅសល់ តែ​ខោ​ទៅ​ឈរ​ឡាយ​នៅលើ​ផ្លូវ​ម៉ៅ​សេង​តុង ឡាយ​បណ្តើរ​ស្រែកសួរ​កូនចៅ​បណ្តើ រ​ព្រោះ​មិន​ស្គាល់​ថា​កន្លែង​ខ្លួន​កំពុង​ឡាយ​នោះ​នៅលើ​ផ្លូវ​អី​។​អា​កូនចៅ​ប្រាប់​មកវិញ ។​មេ​ស្តាប់​មិន សូវ​បាន​(​មហាវិថី​មៅ​សេង​តុង​)​ទៅជា​ផ្លូវ​ម៉ៅ​ទីង​តុង …​។​


ថ្ងៃមុន​មិន​កាន់ជើង​ក្លីនិក​មួយ​ដែល​ព្យាបាល​អ្នកជំងឺ​ចុក​ដើមទ្រូង ហើយ​ចូលដេក​ពេទ្យ​ភ្ជួ​ល​សេរ៉ូម​រួច​ស្លាប់​នោះទេ ជា ធម្មតា​គ្រូពេទ្យ​ពិតជា​មិន​ចង់​ឲ្យ​មាន​មនុស្ស​ស្លាប់​នោះទេ តែ​ពេលខ្លះ​វា​តែង​មានការ​ភ្លាំងភ្លាត់​ដូច​ពាក្យ​លោក​ពោលថា​” ដំរី​ជើង​បួន​គង់​មាន​ភ្លាត់​អ្នក​ប្រាជ​ចេះ ស្ទាត់​គង់​មាន ភ្លេច ” ។​តែ​អ្នកកាសែត​អន​ឡាញ​រាប់សិប​បាន​ប្រមូលផ្តុំ​គ្នា​ឡាយ​ជាមួយ​ពាក្យសំដី​ដែល​គ្មាន​វិជ្ជាជីវៈ គ្មាន​សីល​ធ៌​ម​។ ពេលខ្លះ​តុលាការ​មិនទាន់​ចោទប្រកាន់​ទៅលើ​ជនជាប់ចោទ ផង អ្នកកាសែត​អន​ឡាញ​ឡាយ​ចោទ​គេ​ថា​ជា​ឃាតករ ។
​អ្នកខ្លះ​នាយករដ្ឋមន្ត្រី​ថ្លែង​មាន​លំដាប់លំដោយ​បកស្រាយ​ច្បាស់លាស់​ទៅ​កាត់​ប្រសាសន៍​នាយករដ្ឋមន្ត្រី​មួយ​កំណាត់​មក​ធ្វើ​ព័ត៌មាន​បែប ញុះញង់​រឿង​អី​មិនត្រូវ​ចាប់ខ្លួន​,​អ្នកខ្លះ​ជេរ​រាជរដ្ឋាភិបាល​ទាំង​អ​សីល​ធ៌​ម​ដោយ​បំ​ភ្លើ​ស បំ​ផ្លៃ និង ញុះញង់​,​ប្រើពាក្យ​មិន​ត្រឹមត្រូវ​របប​ក្រុងភ្នំពេញ សួរថា​តើ​ខ្មែរ​មាន​ប៉ុន្មាន​របប​ទៅ ?​។​អ្នកខ្លះ​ឆ្លៀត​ប្រើ​បណ្តាញ​សង្គម​ធ្វើ​អាជីវកម្ម​រកលុយ​តាំងខ្លួន​ជា​តុលាការ​ជេរ​អ្នកនេះ​លើក​អ្នកនោះ អ្នកណា​ឲ្យ​លុយ​គាំទ្រ​អ្នកនោះ​។​បើ​អញ្ចឹងៗ​អី​តើ​សម​ត្រូវ​ចាប់ខ្លួន​ដាក់គុក​ដែរ​ឬ ទេ ? តើ​នេះ​ជាការ​បំបិទ​សិទ្ធិសេរីភាព​ដែល​ឬទេ ? នាយ​កុយ​អត់​យល់​អ្វី​ទាំងអស់ ។


​ប៉ុន្មាន​ថ្ងៃនេះ​នាយ​កុយ​បានឃើញ​អង្គការ​-​សមាគម​ជិត​៦០​ដែល​បានស្នើ​ឲ្យ​រាជរដ្ឋាភិបាល​ឈប់​យាយី​ប្រព័ន្ធ​ផ្សព្វផ្សាយ​ឯករាជ្យ​និង​អ្នកសារព័ត៌មាន​។​នាយ​កុយ​សុំ​សួរ​ទៅ​អស់លោក​ជា​សង្គម​ស៊ីវិល​បន្តិច​ចង់​ឲ្យ​ជួយ​ពន្យល់​ពាក្យ​និយមន័យ​ពាក្យ​ថា​ប្រព័ន្ធ​ផ្សព្វផ្សាយ​ឯករាជ្យ និង​សុំ​សួរ​ទៅ​អស់លោក​សង្គម​ស៊ីវិល​ថា​អស់លោក​ជា​អង្គការ​ឯករាជ្យ​មែន​ក៏ អត់​? ដូចនេះ​សុំ​អស់លោក​មក​មើល​និយមន័យ​នៃ​ពាក្យ​ឯករាជ្យ​បន្តិច​។​ឯករាជ្យ​មានន័យថា​យើង​នឹង​សម្គាល់​នូវ​លក្ខណៈពិសេស​មួយ​គឺ​ការ​មាន​សិទ្ធិសេរីភាព​និង​អំណាច​ពេញ​បូ​រិ​បូ​រណ៍​ក្នុង​ការសម្រេច​នូវ​អ្វីៗ​ដោយ​ខ្លួនឯង​ដោយ​មិនមាន​សម្ពាធ​ពី​បុគ្គល​ណាមួយ​ឬ​ពី​ស្ថាន​ប័ន​ណា​ឡើយ​។​ជាមួយនឹង​ពាក្យ​ឯករាជ្យ​នេះ​គឺ​វា​ត្រូវ​ភ្ជាប់​ទៅនឹង​ពាក្យ​អព្យាក្រឹត ភាព​ផងដែ រ​។ អព្យាក្រឹតភាព​ចង់​សំដៅ​ថាបើ​បុគ្គល​ឬ​ស្ថាប័ន​ណាមួយ​មាន​អព្យាក្រឹតភាព​តោង​តែ​យល់ថា​បុគ្គល​នោះ​ត្រូវតែ​តាំងខ្លួន​ជា​កណ្តាល​មិន​ទោរទន់​ទៅ​ភាគី​ម្ខាង​ណា​ឡើង​។

​តើ​បុគ្គល​ម្នាក់​ឬ​ស្ថាប័ន​មួយ​ដែលមាន​ឯករាជ្យ​និង​មាន​អព្យាក្រឹតភាព​ឬ ? ហើយ​បុគ្គល​ម្នាក់​ដែលមាន​អព្យាក្រឹតភាព​នឹងមាន​ឯករាជ្យ​ឬ ? យើង​គប្បី​ពិចារណា​ថា​បុគ្គល​ឬ​ស្ថាប័ន​ដែលមាន​ឯករាជ្យ​ក៏​មិន​ប្រាកដថា​មាន​អព្យាក្រឹតភាព​ដែរ​ព្រោះ​ហេតុថា​បុគ្គល​,​ស្ថាប័ន​ខ្លះ​មិន​ស្ថិតនៅក្រោម​អំណាច​អ្នកដទៃ​ទេ​តែដោយសារ​មាន​ក្តី​ស្រឡាញ់​ម្ខាង​ហើយ​ស្អប់​ម្ខាង​ឬ​មើលឃើញ​ប្រយោជន៍​ម្ខាង​ច្រើនជាង​ម្ខាង​ទៀត​ក៏​ធ្វើ​ឲ្យ​បុគ្គល​ឯករាជ្យ​នោះ​មិនមាន​អព្យាក្រឹតភាព ។ ចំណែកឯ​បុគ្គល​ម្នាក់​ឬ​ស្ថាប័ន​មួយ​ដែល​អាចមាន​អព្យាក្រឹតភាព​បាន​លុះណាតែ​បុគ្គល​នោះ​មាន​ឯករាជ្យ​ជាមុនសិន ។ បើ​មិនមាន​ឯករាជ្យ​ជាមុន​ទេ​បុគ្គល ឬ ស្ថាប័ន​នោះ​មិនអាច​តាំងខ្លួន​ថា​មាន​អព្យាក្រឹតភាព​បានទេ ព្រោះ​ហេតុថា​ស្ថិតនៅ ក្រោម​អំណាច​គេ​ហើយ​តើ​នឹង​អាចមាន​អព្យាក្រឹតភាព​យ៉ាងដូច​ច​ម្តេច​កើត ។ ពិនិត្យមើល​មក​ទិដ្ឋភាព​ជាក់ស្តែង​របស់​យើង​វិញ​តើ​មាន​សារព័ត៌មាន​ប៉ុន្មាន​នៅ​កម្ពុជា​ដែលថា​ឯក រាជ​នោះ​,​យើង​អាច​ទទួលស្គាល់​បាន​ថា​ពួកគេ​ផ្សាយ​ព័ត៌មាន​មាន​វិជ្ជាជីវៈ តែ​មិន​ប្រាក​ដ៏​ថា​មាន​ឯករាជ្យ​និង​អព្យាក្រឹតភាព​នោះទេ ដោយសារ​គេ​រស់​ដោយសារ​ទទួល​លុយ​ពី​ម្ចាស់ ជំនួយ​ដូចនេះ​ចង់​មិន​ចង់​ពួក​គ​ត្រូវតែ​បម្រើ​ផលប្រយោជន៍​ម្ចាស់ជំនួយ​ហើយ​ពួកគេ​មិនអាច​ជេរ​អ្នកផ្តល់​លុយ​ឲ្យ​ខ្លួន​ទេ​ពួកគេ​មិនអាច​រិះគន់​ម្ចាស់​របស់ខ្លួន​ទេ​។ ចំណែក​កាសែត អន​ឡាញ​មួយចំនួន​ដែល​តាំងខ្លួន​ជា​កាសែត​ឯករាជ្យ​នោះ​ក៏​គ្មាន​ដែរ ។​បើ​តាំងខ្លួន​ឯករាជ្យ​ដល់​តែ​កុំ​ទទួល​លុយ​ពី​គេ​បើ​យើង​ស៊ីឈ្នួល​ឃោសនា​ឲ្យ​គេ​ផ្សាយ​ឲ្យ​គេ​ទេ​គឺ​គ្មាន​ពាក្យ​ឯក រាជ្យ​នោះទេ​។​អង្គការ​សង្គម​ស៊ីវិល​ក៏​ដូចគ្នា​កុំ​ចាត់ទុក​ខ្លួនឯង​ជា​អង្គការ​ឯករាជ្យ​ឲ្យ​សោះ​បើ​ទទួល​លុយ​ពី​គេ​យកមក​ចិញ្ចឹម​ក្រពះ​នោះ​គឺ​ច្បាស់​ជា​លំអៀង​ទៅរក​អ្នក​ឲ្យ​លុយ​ហើយ ដូចជា​បទ​ចម្រៀង​ខ្មែរ​មួយ​គេ​ច្រៀង​អញ្ចឹង​ថា​៖ “​បៀម​ព្រះ​ទៅ​ស្ប​ត់​ក៏​មិន​ជឿ​” ។ ដូចនេះ​អស់លោក​ក៏​ធ្វើការ​ទៅតាម​ការបង្គាប់បញ្ជា​ពី​ម្ចាស់​លុយ​ដូចនេះ​កុំ​តាំងខ្លួន​ថា​អង្គការ ឯករាជ្យ អព្យាក្រឹតភាព ។

​នាយ​កុយ​បានឃើញ​នៅក្នុង​របាយការណ៍​មួយ​គេ​ថា​ក្នុងចំណោម​អង្គការ​សង្គម​ស៊ីវិល​ចំនួន ៥៧ កាលដែល​បានចេញ​សេចក្តីថ្លែងការណ៍​រួមមួយ​ដោយ​ចោទប្រកាន់​រាជ​រដ្ឋា​ភិ​បា ល​កម្ពុជា​ថា​បាន​យាយី​ទៅលើ​ប្រព័ន្ធ​ផ្សព្វផ្សាយ​ឯករាជ្យ​និង​អ្នកសារព័ត៌មាន​, តែ​នាយ​កុយ​ឃើញ​របាយការណ៍​បញ្ជាក់ទៀតថា​ក្នុងចំណោម​អង្គការ​ទាំងនោះ​មានតែ​អង្គការ​ចំនួន ១២​ប៉ុណ្ណោះ​ដែល​បាន​ចុះបញ្ជី​ស្របច្បាប់​នៅ​ក្រសួងមហាផ្ទៃ​និង​មួយ​ចុះបញ្ជី​នៅ​ក្រសួង​ព័ត៌មាន​,​ក្រៅពីនោះ​ជា​ក្រុម​អង្គការ​សង្គម​ស៊ីវិល​ដែល​មិនបាន​ចុះបញ្ជី​ស្របច្បាប់​ឡើយ​ ។​
​នាយក​កុយ​ចេះតែ​ឆ្ងល់​ថា​អង្គ​ការមិន​ស្របច្បាប់​ផង​តើ​មាន​សិទ្ធិ​អី​មក​ចោទប្រកាន់​រដ្ឋាភិបាល​ស្របច្បាប់​នោះ​ហើយ​ខ្លួនឯង​កំពុង​ប្រព្រឹត្ត​ខុសច្បាប់​ទៀត​តើ​អ្នក​គេ​ជឿ​ទៅ​, នាយ កុយ​សុំ​ស្នើ​ឲ្យ​សម​ត្ត​កិច្ច​ចាប់ខ្លួន​អង្គការ សង្គម​ស៊ីវិល ដែល​គ្មាន​ច្បាប់​ទៅ​ផ្តន្ទាទោស​ឲ្យ​ខាន​តែ​បាន​មិនគួរ​បណ្តែតបណ្តោយ​ទៀត​ទេ ។ នាយ​កុយ​មើលឃើញថា​សក្មភាព​អស់ លោក​ដែល​អះអាង​ជា​អង្គការ​សង្គម​ស៊ីវិល​ឯករាជ្យ គ្រាន់តែ​ជា​យុទ្ធសាស្ត្រ​ក្នុងការ​ទាក់ទាញ​យកលុយ​ពី​ក្រៅប្រទេស ទាក់ទាញ​ការចាប់អារម្មណ៍​និង​ប្រជាប្រិយភាព​សម្រាប់​ក្រុម​ខ្លួន​និង​មាន​ចេតនា​បំភាន់​សាធារណមតិ​តែប៉ុណ្ណោះ ។ បើ​អស់លោក​មិនមាន​ឯករាជ្យ​ផង​នោះ​អស់លោក​ក៏​មិនមាន​សិទ្ធិ​និយាយ​ពី​ឯករាជ្យ​និង​អព្យាក្រឹតភាព​បានឡើយ​។​
​នាយ​កុយ​ចង់តែ​ឈឺ​សើច​ទេ​!​លោក​ព្រះ​!៕​សរន​

ទីតាំងផ្សាយពាណិជ្ជកម្ម

- Advertisment -



Most Popular