Home ព័ត៌មានជាតិ នយោបាយ កងពលតូច​លេខ​៧...

កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០

ដោយៈ មុនី​រ័ត្ន​/​ភ្នំពេញ : ពិធី​សំណេះសំណាល​បាន​ប្រារព្ធ​ធ្វើឡើង​ក្រោម​អធិបតីភាព​លោក​ឧ​ត្ត​ម​សេនីយ៍​ឯក ម៉ៅ សុផាន់ មេបញ្ជាការរង​កងទ័ព​ជើងគោក និង​មេបញ្ជាការ​កងពលតូច​លេខ​៧០ ព្រមទាំង មេបញ្ជាការរង នាយទាហាន នាយទាហានរង និង​ពលទាហាន កាលពី​ព្រឹក​ថ្ងៃទី​៥ ខែវិច្ឆិកា ឆ្នាំ​២០២០ នៅ​ទីបញ្ជាការ​កងពល (​ចោមចៅ )​។

កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០

​លោក​ឧ​ត្ត​ម​សេនីយ៍​ឯក ម៉ៅ សុផាន់ មានប្រសាសន៍ថា ការរីកចម្រើន របស់​កងពល គឺ ការកសាង ហេដ្ឋារចនាសម្ព័ន្ធ ផ្លូវថ្នល់ ការជួយ សង្គ្រោះ ប្រជាពលរដ្ឋ ទប់ស្កាត់ គ្រោះមហន្តរាយ មណ្ឌល សុខភាព ការជួយ ព្យាបាល ប្រជាជន ដោយ មិន គិតថ្លៃ ។ លោក​បាន​បន្ថែមទៀតថា ទោះបីជា​យ៉ាងណាក៏ដោយ​កងពល​បាន​ប្តេជ្ញា​ការពារ​បូរណភាព ទឹកដី​ការពារ រដ្ឋធម្មនុញ្ញ​ការពារ​រាជរដ្ឋាភិបាល ស្របច្បាប់ និង​គាំទ្រ​យ៉ាង​ម៉ឹងម៉ាត់​ចំពោះ​គោលជំហ រ​របស់​រាជរដ្ឋាភិបាល ដែលមាន​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែលជា​អ្នកដឹកនាំ​ប្រទេស​។ ជាពិសេស​សម្រាប់​ទិសដៅ​ឆ្នាំ ២០២១ កង​ពល មាន ផែនការ​បន្ថែម​លើ​ការហ្វឹកហ្វឺន​ដើម្បី​បង្កើន​នូវ​សមត្ថភាព​ដល់ នាយទាហាន នាយទាហានរង និង ពលទាហាន​ជំនាន់​ក្រោយ ដែលជា​យោធិន​វ័យក្មេង​បន្តវេន​ទៅខាង​មុខ​ទៀតផង​។ កងពល បាន​ត្រៀម ខ្លួន ជាស្រេច អនុវត្ត ដាច់ខាត នូវ បទបញ្ជា របស់ ប្រមុខ រាជរដ្ឋាភិបាល ក្រសួង ការពារជាតិ អគ្គបញ្ជាការ នៃ កងយោធពល​ខេមរភូមិន្ទ និង​បញ្ជាការដ្ឋាន​ទ័ពជើងគោក ។

កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០


​លោក​បញ្ជាក់ថា​មូលហេតុ​ថ្ងៃទី​១៥ ខែតុលា នេះ គឺជា​ខួប​២៦​ឆ្នាំ ដែល​យើង​ខកខាន​ពុំបាន​ប្រារព្ធ​ពិធី​ខួប​នោះទេ ព្រោះ ពេលនោះ​យើង​ទាំងអស់​កំពុង​បំពេញ​កាតព្វកិច្ច​ជួយសង្គ្រោះ​ប្រជាពលរដ្ឋ​ដែលជា​ភារកិច្ច​ចាំបាច់​ក្នុងពេលដែល​ប្រទេស​កម្ពុជា​កំពុង​រងគ្រោះ​ដោយសារ​ទឹកជំនន់ ។ កម្លាំង​សង្គ្រោះ​របស់​កងពល​បាន​បំពេញ​តួនាទី​ជម្លៀស​ប្រជាជន សត្វពាហនៈ​រក​ទីទួល​សុវត្ថិភាព​ផង ដឹកជញ្ជូន​ពួកគេ​និង​សម្ភារៈ​ត្រឡប់​ទៅ​លំនៅដ្ឋាន​ពេល​ទឹក​ស្រក​ផង ចុះ​ព្យាបាល​និង​ចែក​ថ្នាំ​ផង និង​ដុសលាង​សំអាតផ្ទះ ថ្នល់​ជូន​ប្រជាពលរដ្ឋ​វិញ​ផង ។​
​សូមជម្រាបថា កងពលតូច​លេខ​៧០ គឺ​បង្កើតឡើង នៅ​ថ្ងៃទី​១៥ តុលា ឆ្នាំ​១៩៩៤ ដែល ដំបូង ឡើយ គឺមាន​ឈ្មោះថា វរ​សេនា​តូច​លេខ​៧១ បន្ទាប់មក​បានប្រែក្លាយ ទៅជា​វរ​សេនា​ធំ​លេខ ៧០ មកដល់​បច្ចុប្បន្ន​ទើប​ក្លាយជា​កងពលតូច​លេខ​៧០ ៕​សរន​

កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០
កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០
កងពលតូច​លេខ​៧០ ប្រារព្ធ​ខួប​អនុស្សាវរីយ៍​លើក​ទី​២៦ ថ្ងៃ​បង្កើត​កងពលតូច​លេខ​៧០

ទីតាំងផ្សាយពាណិជ្ជកម្ម

- Advertisment -

Most Popular