Home ព័ត៌មានអន្តរជាតិ បាតុករ​ថៃ​គ្រ...

បាតុករ​ថៃ​គ្រោង​ធ្វើ​ការតវ៉ា​ជា​ថ្មី​នៅ​ថ្ងៃអាទិត្យ​

​ប្រែ​សម្រួល : កញ្ញា​ដា​លី​ស​/​បាងកក ៖ ក្រុមបាតុករ​គាំទ្រ​លទ្ធិប្រជាធិបតេយ្យ​របស់​ថៃ​គ្រោង​នឹង​ធ្វើ​បាតុកម្ម​ថ្មី​មួយ​នៅ​ចុង​សប្តាហ៍​នេះ​ហើយ​នឹង​ដាក់​ញត្តិ​ថ្វាយទៅ​ព្រះមហាក្សត្រ មហា វិជ្ជ​រ៉ា​ឡុងកន ពោលគឺ​មួយថ្ងៃ​បន្ទាប់​ពី​បដិសេធ​ផែនការ​ដែល​ផ្តួចផ្តើម​ដោយ​សភា​ដើម្បី​បង្កើត​គណៈកម្មាធិការ​មួយ​ដើម្បី​បន្ធូរបន្ថយ​ភាព​តានតឹង​ផ្នែក​នយោបាយ​។​

​ក្រុម​តវ៉ា​ឈ្មោះ យុវជន​សេរី បាន​និយាយ​នៅក្នុង​សេចក្តីថ្លែងការណ៍​មួយ​នៅ​ថ្ងៃ​ព្រហស្បតិ៍​នេះ​ថា ក្រុម​សកម្មជន​នឹង​ប្រមូលផ្តុំ​គ្នា​នៅ​វិមាន​ប្រជាធិបតេយ្យ​នៅ​ទីក្រុង​បាងកក​នៅ​ថ្ងៃអាទិត្យ (៨ វិច្ឆិកា​) មុន​ពេល​ថ្វាយ​លិខិត​គាំទ្រ​ការទាមទារ​របស់​ពួក​គេ​ដល់​ព្រះមហាក្សត្រ​។​

​ក្រុមអ្នកតវ៉ា​កំពុង​ទាមទារ​ឱ្យ​លោកនាយក​រដ្ឋមន្ត្រី​ប្រា​យុទ្ធ ចាន់​អូ​ចា និង​រដ្ឋបាល​របស់​លោក​លាលែង​ពី​តំណែង​ជា​បន្ទាន់ កែ​រដ្ឋធម្មនុញ្ញ​ថ្មី និង​កែទម្រង់​របប​រាជាធិបតេយ្យ​។​

​យុវជន​សេរី​និយាយ​ក្នុង​សេចក្តីថ្លែងការណ៍​ថា “​ការទាមទារ​ទាំងនេះ​មិនមែន​ជា​ជម្រើស​ទេ ប៉ុន្តែ​ជា​មធ្យោបាយ​តែមួយ​គត់​ដើម្បី​ធ្វើឱ្យ​ប្រទេស​ឆ្ពោះទៅរក​ការចាកចេញ​ពី​វិបត្ដិ​”​។​

​បាតុករ​ជាច្រើន​ក្រុម ដែល​ដឹកនាំ​ដោយ​យុវជន បាន​ធ្វើ​បាតុកម្ម​ស្ទើរតែ​រាល់ថ្ងៃ​នៅ​ទីក្រុង​បាងកក​និង​ទីក្រុង​ដទៃ​ទៀត​អស់​រយៈពេល ៣​ខែ​ដែល​ធ្វើឱ្យ​មាន​ការប្រមូលផ្តុំ​ប្រឆាំង​តប​វិញ​ដោយ​ក្រុម​​គាំទ្រ​រាជានិយម ដែល​ជំទាស់​នឹង​កំណែទម្រង់​ណាមួយ​លើ​របបរាជានិយម​៕sn

ទីតាំងផ្សាយពាណិជ្ជកម្ម

- Advertisment -

Most Popular

សណ្ឋាគារ​ភ្នំពេញ ត្រូវ​បិ...

ដោយ​: សុផល / ភ្នំពេញ​: សណ...

ពុល​ស្រាស​នៅ​កំពង់ឆ្នាំង​...

ដោយ​: ទេ​ពក​ង្រី / ភ្នំពេ...

​សម្ពាធ​ទាប​បង្ក​ឱ្យ​ផ្ទៃ...

ដោយ​: ប​.​ខុន / ភ្នំពេញ​:...

ក្រសួងប្រកាសការផ្អាកដំណើរ...

ដោយ:វិវឌ្ឍន៍/ភ្នំពេញ: ដើម...