Home ព័ត៌មានជាតិ នយោបាយ សម្តេច​តេ​ជោៈ...

សម្តេច​តេ​ជោៈ​អ្វីដែល​ប្លែក​គឺ​ខ្ញុំ​និង​ប្រពន្ធ​ចែក​បន្ទប់​គ្នា​ដេក មិន​ហ៊ាន​ប៉ះពាល់​គ្នា​ដូច​កាលពី​នៅ​ក​ម្លោះ​ក្រមុំ​

ដោយៈ​តារា​រិ​ទ្ធ​/​ភ្នំពេញៈ សម្តេច​តេ​ជោ ហ៊ុនសែន​នាយករដ្ឋមន្ត្រី​កម្ពុជា​ដែល​កំពុង​ធ្វើ​ច​ត្តា​ឡី​ស័ក​នៅ​ព្រលប់​ថ្ងៃទី​៥​ខែវិច្ឆិកា​បានបញ្ជាក់​ថា សម្តេច​នៅ​បំពេញការងារ​ជាធម្មតា​ដោយ​ពុំមាន​អ្វី​ប្លែក​ទេ​។​ប៉​ន្តែ​ក្នុង​សំណេរ​ដដែល​នេះ​សម្តេច​បាន​ឆ្លៀត​កំប្លែង​ថា អ្វីដែល​ប្លែក​គឺ​សម្តេច​និង​សម្តេច​កិត្តិ​ព្រឹទ្ធ​បណ្ឌិត​ចែក​បន្ទប់​គ្នា​សម្រាក មិន​ហ៊ាន​ប៉ះពាល់​គ្នា​ដូច​កាលពី​នៅ​ក​ម្លោះ​ក្រមុំ​។​

សម្តេចតេជោ ហ៊ុនសែន


​សម្តេច​តេ​ជោ​បាន​សរសេរ​នៅក្នុង​ផេ​កថា​”​ចាប់តាំងពី​ពេល​យក​សំណាក​ទៅពិនិត្យ​នៅ​ម៉ោង​១២​ថ្ងៃ​៤​វិច្ឆិកា​មក​​ដល់ពេលនេះ​ខ្ញុំ​បានធ្វើ​ច​ត្តា​ឡឺ​ស័ក​ជាង​៣០​ម៉ោង​រួចមកហើយ​គ្មានអ្វី​ប្លែក​ក្នុង​ខ្លួន​ទាល់តែសោះ​។ បាយ​បាន សម្រាក​លក់ ។​ពិនិត្យ​របាយការណ៍ ពិនិត្យ​សម្រេច​លើ​សំណើ​របស់​ក្រសួង​ស្ថាប័ន​និង​ចុះហត្ថលេខា​លើ​ឯកសារ​​នានា​ដូចពេលមុនៗ​ដែរ​។​
​សម្តេច​បន្តថា​“​អ្វីដែល​ប្លែក​គឺ​ខ្ញុំ​និង​ប្រពន្ធ​ចែក​បន្ទប់​គ្នា​ដេក មិន​ហ៊ាន​ប៉ះពាល់​គ្នា​ដូច​កាលពី​នៅ​
​ក​ម្លោះ​ក្រមុំ​”​។​
ចំណែក​អ្នកបំរើ​ត្រូវ​ពាក់​ម៉ាស់​ពាក់​ស្រោមជើង​ស្រោមដៃ​តាម​ការ​​ណែនាំ​របស់​​​​គ្រូពេទ្យ​។​


​សម្តេច​បញ្ជាក់ថា​សម្រាប់​ករណី​ខ្ញុំ​និង​ភរិយា​និង​អ្នកពាក់ព័ន្ធ​ត្រូវយក​សំណាក​ធ្វើតេស្ត​រហូត​
៤​ដង​។​លើក​ទី​១​ថ្ងៃទី​៤​វិច្ឆិកា​ម្សិលមិញ ។​លើក​ទី​២​នឹងត្រូវ​ធ្វើ​នៅ​ថ្ងៃ​៩​វិច្ឆិកា លើក​ទី​៣
​នឹង​ត្រូវ​ធ្វើ​នៅ​ថ្ងៃ​១៤​វិច្ឆិកា​និង​លើក​ទី​៤​ដែលជា​លើកចុងក្រោយ​គឺ​នឹង​ត្រូវធ្វើ​​នៅ​ថ្ងៃទី​១៨​វិច្ឆិកា​២០២០​។​
​ប្រសិន​ការធ្វើ​តេស្ត​៣​លើក​ខាងមុខ​មិនមាន​វិជ្ជមាន​កូ​វីដ​១៩​ទាំង​ខ្ញុំ​និង​ភរិយា​ក៏​​ដូចជា​អ្នក​នៅ​ជាមួយ​១៨​នាក់​ផ្សេងទៀត​ខ្ញុំ​នឹង​ចេញពី​ការរស់នៅ​ដាច់ដោយឡែក​​នៅ​ថ្ងៃទី​១៩​ឬ​ថ្ងៃ​២០​វិច្ឆិកា​ដែល​ពេលនោះ​សុំ​កូនៗ​នាំ​ចៅៗ​មក​ដឹក​ដៃ​ម៉ែ​​ចូល​បន្ទប់​ពុក​វិញ​។​
​បទពិសោធន៍​ទប់ស្កាត់​កូ​វីដ​១៩​មិនឱ្យ​ឆ្លង​ចូល​សហគមន៍​រយះពេល​ជាង​១០​ខែ​
​កន្លងមក​មួយផ្នែកធំ​បានមកពី​វិធាន​ការធ្វើ​ច​ត្តា​ឡី​ស័ក​ក្រោម​ការដឹកនាំ​របស់​ក្រសួងសុខាភិបាល​និង​ការអនុវត្តន៍​ដ៍​ល្អ​​ពី​បុគ្គល​ដែល​ត្រូវធ្វើ​ច​ត្តា​ឡី​ស័ក​ដែល​យើង​ត្រូវ​បន្តធ្វើ​កិច្ចការ​នេះ​បន្តទៀត​រាប់​
​ទាំង​រូបខ្ញុំ​និង​ភរិយា​ផងដែរ​។​
​សម្តេច​បន្តថា​ការពារ​ប្រសើរ​ជាង​ព្យាបាល យើង​ត្រូវ​រួមគ្នា​ទប់ស្កាត់​កុំឱ្យ​កូ​វីដ​ឆ្លង​ចូលក្នុង​ខ្លួន​
​យើង ចូលក្នុង​គ្រួសារ​យើង ចូលក្នុង​សហគមន៍​យើង​និង​ក្នុងប្រទេស​យើង​។​
​សូម​ជូនពរ​បងប្អូន​ជនរួមជាតិ​ជួបតែ​សេចក្តីសុខ​សេចក្តីចំរើន​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular

EL : Arsenal, Leicester គ...

ប្រែ​សម្រួល : កញ្ញា​ដា​លី...

រថយន្ត​ចេញពីផ្ទះ​សំណាក់ ស...

ដោយៈ ស​រិ​ទ្ធ/ភ្នំពេញៈ រថ...

លួចបាន​ភ្លាម បម្រុង​ដឹក​ច...

​ដោយៈ វណ្ណៈ/ព្រះសីហនុៈ លោ...

ប្រធាន​មជ្ឈមណ្ឌល​គ្រប់គ្រ...

​ប្រែ​សម្រួលៈ​វាសនា​/​ញូវ...