បណ្តុះបណ្តាល​ការអនុវត្ត​វិធាន​សុវត្ថិភាព អនាម័យ​ម្អូ​ប​អាហារ​ក្នុង​វិស័យ​ទេសចរណ៍​ដល់​អាជីវករ​លក់ដូរ​នៅតាម​ផ្លូវ​


ដោយៈ​សុផល​/ភ្នំពេញៈក្រសួងទេសចរណ៍ បាន​សហការ​ជាមួយ​មន្ទីរ​សុខាភិបាល ខេត្តបាត់ដំបង បើក​វគ្គ​បណ្តុះបណ្តាល​ស្តីពី​«​ការអនុវត្ត​វិធាន​សុវត្ថិភាព អនាម័យ​ម្អូ​ប​អាហារ ក្នុង​វិស័យ​ទេសចរណ៍ ការរៀបចំ​ក​ន្លែ​លក់​ឱ្យមាន​អនាម័យ​និង​បដិសណ្ឋារកិច្ច​ភ្ញៀវ​ដល់​អាជីវករ​លក់ដូរ​នៅតាម​ផ្លូវ​។​

​វគ្គ​បណ្តុះបណ្តាល​នេះ បានធ្វើ​ឡើង​នា​ព្រឹក​ថ្ងៃទី​៥ ខែតុលា ឆ្នាំ​២០២០ ក្រោម​វត្តមាន​លោក ហ៊ួ​ត រិទ្ធី​ប្រធាន​នាយកដ្ឋាន​សេវា​គាំពារ​ទីក្រុង​ស្អាត នៃ​ក្រសួងទេសចរណ៍​, លោកស្រី សុំ ចិន្តា អភិបាលរង​ខេត្តបាត់ដំបង​,​លោក​រស់ សុភា​នាយក​ផ្នែក​ច្បាប់​និង​កិច្ចការ​សាធារណៈ​ក្រុមហ៊ុន​កូកាកូឡា ប្រចាំ​កម្ពុជា មន្ត្រី​ជំនាញ​មន្ទីរ​អង្គភាព​ពាក់ព័ន្ធ​ក្នុង​ខេត្ត​អាជីវ​ករលក់​ម្ហូបអាហារ​នៅតាម​ផ្លូវ​( Food Street) មួយចំនួន​ចូលរួម​ដោយ​ការ​ឧ​ប្ថ​ម​គាំទ្រ​ពី​ក្រុមហ៊ុន​កូកាកូឡា​កម្ពុជា ផងដែរ​។​

​លោក ហ៊ួ​ត រិទ្ធី បាន​លើកឡើងថា​វគ្គប​ណ្តុះ​បណ្តា​ជា​មេរៀន​ផង​និង​បទពិសោធន៍​ផង​ដល់​អាជីវករ​ជា​ចុងភៅ​បាន​យកចំណេះ​ដឹង យកទៅអនុវត្ត​លើ​អាជីវកម្ម​របស់ខ្លួន​ប្រកបដោយ​អនាម័យ​ល្អ ទីក្រុង​ស្អាត​ក្នុង​វិស័យ​ទេសចរណ៍​ការអនុវត្ត​វិធាន​សុវត្ថិភាព អនាម័យ​ម្អូ​ប​អាហារ ក្នុង​វិស័យ​ទេសចរណ៍ ការរៀបចំ​កន្លែង​លក់​ឱ្យមាន​អនាម័យ និង​បដិសណ្ឋារកិច្ច​ភ្ញៀវទេសចរ​ទូទៅ​បាន​ចូលមក​ពិសារ​ម្ហូបអាហារ​ដោយមាន​ទំនុកចិត្ត​ខ្ពស់​ផងដែរ​។​

​ឱសថការី ហាស់ អសនី ប្រធានការិយាល័យ​នីតិកម្ម​សុខាភិបាល និ​មន្ទីរ​សុខាភិបាល​ខេត្តបាត់ដំបង បាន​ឡើង​ធ្វើ​បទ​បង្ហាញ​ពន្យល់​លម្អិត ដល់​អាជីវករ និង​មន្ត្រី​ពាក់ព័ន្ធ​បានដឹង និង​បាន​យល់ច្បាស់​ពី​ការ​ចម្អិន​ម្ហូបអាហារ ប្រកបដោយ​អនាម័យ​ស្អាត ផាសុកភាព​ខ្ពស់ ដោយ​ប្រុងប្រយ័ត្ន​បំផុត ដោយ​ត្រូវ​ពាក់មួក​ចុងភៅ ពាក់​ម៉ាស់​ជាប្រចាំ ទាំង​ខ្លួន​ជា​អ្នក​ចម្អិន​ម្ហូបអាហារ និង​ជា​អាជីវករ​លក់​ជូន​ភ្ញៀវ​ទូទៅ ហើយ​អ្នកលក់​ក៏ត្រូវ​មានការ​ប្រុងប្រយ័ត្ន​ខ្ពស់ ចំពោះ​ភ្ញៀវ​ទូទៅ​ផង ព្រោះ​យើង​មិនអាច​ធ្វេសប្រហែស និង​មិនអាច​មើល​ឃើញនឹងភ្នែក​ទទេ​ថា អ្នកណា​មាន​ផ្ទុក​ជំងឺ​កូ​វីដ​-១៩ និង​ជំងឺ​ផ្សេងទៀត​នោះឡើយ​។​

​ឱសថការី ហាស់ អសនី បាន​បន្តថា អ្វី​ដែលមាន​ប្រសិទ្ធ​ភាពល្អ​សុវត្ថិ​ភាពល្អ​នោះ​អនុវត្តតាម​វិធាន​ណែនាំ​របស់​ក្រសួងសុខាភិបាល និង​វិធាន​សុវត្ថិភាព​ទេសចរណ៍​នៅលើ​ម្ហូបអាហារ​នេះឯង​។ ពិសេស​ត្រូវ​នាំគ្នា​អនុវត្ត​វិធាន​សុវត្ថិភាព អនាម័យ​ម្អូ​ប​អាហារ​ក្នុង​វិស័យ​ទេសចរណ៍​ការរៀប​ចំក​ន្លែ​ង​លក់​ឱ្យ​អនាម័យ​ល្អ​គ្រប់ពេលវេលា​។​

​លោក រស់ សុភា បានឱ្យដឹងថា ក្រុមហ៊ុន​កូកាកូឡា តែងតែបាន​ចូលរួម​សហការ​លើ​គ្រប់​វិស័យ​ជាមួយ​អង្គភាព​រដ្ឋ ក្រុមហ៊ុន​ឯកជន កិច្ចការ​មនុស្សធម៌​ក្នុងសង្គម​ជាច្រើន ទូទាំងប្រទេស​កម្ពុជា ពិសេស​គ្រោះទឹកជំនន់​ថ្មីៗ​នេះ និង​មានការ​គាំទ្រ​ជាច្រើន​ពី​អតិថិជន ដោយ​នៅក្នុង​វគ្គ​បណ្តុះបណ្តាល​នេះ​ក្រុមហ៊ុន​បាន​ឧ​ត្ថ​ម​ដល់​អាជីវករ​លក់ដូរ​ជា​អ្នក​ចូល​ទាំងអស់​ម្នាក់ៗ ទទួលបាន​ទឹកក្រូច​កូកាកូឡា​ចំនួន ៣​កេស ផងដែរ​។​

​អភិបាលរង​ខេត្តបាត់ដំបង​លោកស្រី សុំ ចិន្តា បាន​ផ្តាំផ្ញើ​ដល់​អាជីវ​ករលក់​ម្ហូបអាហារ​ទាំងអស់​ដែល​បានទទួល​វគ្គ​បណ្តុះបណ្តាល​ចំណេះដឹង​ទាំងនេះ​យកទៅ​ប្រើប្រាស់​ឱ្យចំ​គោលដៅ​និង​ធានា​សុវត្ថិភាព​លើ​ការលក់​ម្ហូបអាហារ​មាន​អនាម័យ​ស្អាត រួមផ្សំ​នឹង​ទីក្រុង​ស្អាត​ផង​នោះ ដើម្បី​ទាក់ទាញ​ភ្ញៀវទេសចរ​ជាតិ និង​អន្តរជាតិ​ចូលមក​ស្នាក់នៅ ឬ​ដំណើរ​ឆ្លងកាត់​ខេត្តបាត់ដំបង ជាដើម​។​

​លោកស្រី​បាន​បាន​បញ្ជាក់ថា អាជីវករ​លក់ដូរ​ទូ​ទៅ គួរប្រើ​សម្តី​សមរម្យ សុភាព​ទន់ភ្លន់​មានការ​រាក់ទាក់ ដល់​ភ្ញៀវ​ដែល​បាន​ចូល​កន្លែង​របស់គាត់ លក់​ក្នុង​តម្លៃថោក​សមរម្យ​មាន​អនាម័យ​ស្តង់ដារ​គុណភាព​ខ្ពស់ សូម​ឱ្យបាន​ស្អាត​ជាប្រចាំ​ថ្ងៃ​ផងដែរ​៕

ទីតាំងផ្សាយពាណិជ្ជកម្ម

- Advertisment -

Most Popular

«​យុទ្ធនាការ​ភ្នំពេញ​ស្អា...

ដោយៈ​សុផល​/​ភ្នំពេញ​៖​យុទ...

ត្រាំ​ថាបៃ​ដិន​អាច​ចូលសេត...

​ប្រែ​សម្រួល : កញ្ញា​ដា​ល...

​រដ្ឋមន្ត្រី​បណ្តា​ប្រទេស...

ដោយ​: ជា សីហៈ / ភ្នំពេញ​:...

អាម៉េរិក​បញ្ជូន​នាវា​ដឹក​...

ប្រែ​សម្រួលៈ​វាសនា​/​វ៉ាស...