Home ព័ត៌មានអន្តរជាតិ ប្រា​យុទ្ធ ថា...

ប្រា​យុទ្ធ ថា​លោក​ធុញទ្រាន់​នឹង​ប្រើ​អំណាច ហើយ​ពេញចិត្ត​នឹង​ចេញពី​តំណែង​បើ​…

​ប្រែ​សម្រួលៈ​វាសនា​/​បាងកក​៖​នាយករដ្ឋមន្ត្រី​ថៃ លោក ប្រា​យុទ្ធ ចាន់​អូ​ចា បាន​និយាយ​កាលពី​ថ្ងៃ​ព្រហស្បតិ៍​ទី​០៥​វិច្ឆិកា​ថា លោក​រីករាយ​នឹង​អោយ​មនុស្ស​គ្រាន់បើ​ជាង​ម្នាក់​ចូល​ជំនួស​រូបលោក​ជា​នាយក​​រដ្ឋមន្ត្រី​នៃ​ប្រទេស​ថៃឡង​ដ៍​និង​បាន​អះអាង​ថា​លោក​នឿយណាយ​នឹង​ប្រើ​អំណាច​របស់​លោក​។​

​លោក​បាន​និយាយ​ដូច្នេះ​ថា «​បើ​នៅពេល​អនាគត មាន​បុគ្គល​ណា​គ្រាន់បើ​ជាង​ខ្ញុំ មាន​សមត្ថភាព​ជាង ស្មោះត្រង់​ជាង ឬ​ប្រហាក់ប្រហែល មិន​ថា​ប្រុស​ឬ​ស្រី​ទេ អាច​បន្ត​ការងារ​ដឹក​នាំ​ប្រទេស​នេះ​បាន​។​តែ​​ការ​ស្ថិតក្នុង​តំណែង​នេះ មិនមែន​ជា​រឿង​លេងសើច​ទេ ។​ខ្ញុំ​បាន​ប្រើ​សិទ្ធិ​អំណាច​ច្រើន​ពេល​ខ្ញុំ​នៅ​ជា​ប្រមុខ​កងទ័ព​រាប់​ឆ្នាំ​។​ខ្ញុំ​ឆ្អែតឆ្អន់​នឹង​ការប្រើ​អំណាច ។​ខ្ញុំ​បាន​ប្រើ​អំណាច​ដើម្បី​មើល​ថែ​ប្រជាជន​ល្អ និង​​ដាក់ទោស​ជន​ណា​ដែល​ប្រព្រឹត្ត​អាក្រក់​…»​។​

​លោក​ប្រា​យុទ្ធ បាន​និយាយ​ដូច្នេះ នៅ​ពេល​លោក​ឡើងជា​វាគ្មិន​នៅ​ពិធី​បើក​កម្មវិធីសិក្សា​មួយ​នៅ​មហាវិទ្យាល័យ​ការពារជាតិ​ថៃ​។​

​លោក​បាន​បន្តថា លោក​មិន​ដែល​រំពឹងថា​បាន​ក្លាយជា​នាយក​រដ្ឋមន្ត្រី​ទេ ហើយ​ភ្ញាក់ផ្អើល​ដែរ​ដែល​បាន​ស្ថិត​ក្នុង​តំណែង​នេះ​អស់​៦​ឆ្នាំ​មកនេះ តែ​«​មនុស្ស​ជាច្រើន​ថា​ខ្ញុំ​ប្រើ​អំណាច​ខុសច្បាប់ ខ្ញុំ​អត់​ដឹងថា​​ខ្ញុំ​បាន​រំលោភ​ច្បាប់​ត្រង់ណា​។​ខ្ញុំ​ធ្វើ​តាម​ច្បាប់​ទាំងអស់​»​។​

​លោក​បាន​ស្នើសុំ​អោយ​ប្រជាជន​ថៃ​ជួយ​ជំរុញ​ឯកភាព​ជាតិ និង​បាន​និយ​យាថា​យុទ្ធសាស្ត្រ​ជាតិ​២០​ឆ្នាំ មិន​មានន័យថា​លោក​ចង់​ក្រាញ​នៅក្នុង​អំណាច​២០​ឆ្នាំ​ទេ​គឺថា «​ខ្ញុំ​អាច​ងាប់​ថ្ងៃនេះ ឬ​ថ្ងៃស្អែក​​គ្មាន​នរណា​ដឹង​ទេ​»​។​

​ការព្រលយ​ពាក្យ​ដ៏​ភ្ញាក់ផ្អើល​នេះ​កើតឡើង​ចំ​ពេល​ពួក​បាតុករ​ប្រឆាំង​រដ្ឋាភិបាល​ប្តេជ្ញា​ថា​នឹង​ចេញ​មក​ប្រឆាំង​តវ៉ា​ជា​ថ្មី​នៅ​ក្រុង​បាងកក​នា​ថ្ងៃអាទិត្យ​នេះ ហើយ​បាន​ធ្វើ​ការទាមទារ​៣​ចំណុច​ជា​ថ្មី គឺ​លោក​ប្រា​យុទ្ធ​ចុះចេញ​ពី​តំណែង សរសេរ​រដ្ឋធម្មនុញ្ញ​ឡើងវិញ និង​កែ​ទំរង់​របបរាជានិយម​៕

ទីតាំងផ្សាយពាណិជ្ជកម្ម

- Advertisment -

Most Popular

បិទ​ការធ្វើ​ចរាចរណ៍​កំណាត...

​ដោយៈ រ៉ា​ម៉ន / ភ្នំពេញៈ ...

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...