Home ព័ត៌មានជាតិ នយោបាយ ស៊ុយអែត​ទស្សន...

ស៊ុយអែត​ទស្សនកិច្ច «​បណ្ណាល័យ​សម្តេចម៉ែ​»

លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)

ដោយៈ​ផាត ចាន់​សុ​និ​តា​/​ភ្នំពេញៈស៊ុយអែត​គឺជា​ប្រទេសមួយ​ដែល​បាន​ជួយឧបត្ថម្ភ​ដល់​ប្រទេស​កម្ពុជា​ភ្លាមៗ ក្រោយពេល​របប​ខ្មែរក្រហម​ដួលរលំ​នៅ​ឆ្នាំ​១៩៧៩​។ ២៨​ឆ្នាំ​ក្រោយមក លោក ថូ​ម៉ាស់ ហា​ម៉ា​ប៊ឺ​ក គឺជា​ជនជាតិ​ស៊ុយអែត​តំណាង​ឲ្យ​អគ្គលេខាធិកា​អង្គការសហប្រជាជាតិ​(​អ​.​ស​.​ប​)​ដែល​បាន​ដឹកនាំ​ការចរចារ និង​ឈានទៅដល់​កិច្ចព្រមព្រៀង​រវាង​រដ្ឋា​ភិ​បាល​កម្ពុជា​និង​អង្គការសហប្រជាជាតិ​ក្នុងការ​បង្កើត​ឲ្យ​មាន​តុលាការ​កាត់ទោស​មេដឹកនាំ​ខ្មែរក្រហម​។​
លោក​ឆាំង​យុ​បាន​មានប្រសាសន៍ថា​«​ថ្វីត្បិតតែ​តុលាការ​កាត់ទោស​មេដឹកនាំ​ខ្មែរក្រហម​ទទួល​ការរិះគន់​ដ៏​សម​ហេតុ​សម​ផល​មួយចំនួន​ក្តី​ប៉ុន្តែ​តុលាការ​នេះ​គឺជា​សមិទ្ធផល​មួយ​របស់​រាជរដ្ឋាភិបាល​កម្ពុជា​ដែល​គួរ​ឲ្យ​កត់សម្គាល់​នៅក្នុង​ប្រវត្តិសាស្ត្រ​មនុស្សជាតិ​»​។​

លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)

​ប្រទេស​ស៊ុយអែត​បន្ត​ការគាំទ្រ​ចេញពី​តុលាការ​កាត់ទោស​មេដឹកនាំ​ខ្មែរក្រហម​ទៅដល់​ការអប់រំ​អំពី​ប្រវត្តិសាស្ត្រ​កម្ពុជា​ប្រជាធិបតេយ្យ​នៅក្នុង​ថ្នាក់រៀន​និង​នៅតាម​មូលដ្ឋាន​ព្រមទាំង​ការធានា​ឲ្យ​មាននូវ​កេរដំណែល​នៃ​ការផ្សះផ្សា​និង​គោរព​សិទ្ធិមនុស្ស​ថែម​ទៀតផង​។ ប្រទេស​ស៊ុយអែត បាន​គាំទ្រ​ដល់​មជ្ឈមណ្ឌល​ឯកសារ​កម្ពុជា​ចាប់តាំងពី​ឆ្នាំ​២០០០ រហូតមកដល់​បច្ចុប្បន្ន​។ នៅ​ថ្ងៃទី​៥ ខែវិច្ឆិកា ឆ្នាំ​២០២០ លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​។​

​ក្នុងអំឡុង​ទស្សនកិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា​ភ្ញៀវកិត្តិយស​បាន​ជួប​សំណេះសំណាល​ជាមួយ​បុគ្គលិក និង​យល់ដឹង​អំពី​ការងារ​ទូទៅ​របស់​មជ្ឈមណ្ឌល​ឯកសារ​កម្ពុជា​។ លោកស្រី សូ ហ្វា​រី​ណា បានបង្ហាញ​អំពី​ទីតាំង​ស្រាវជ្រាវ​, មជ្ឈមណ្ឌល​ស្រាវជ្រាវ​និង​បណ្ណាល័យ​ខ្មែរក្រហម​នៅតាម​បណ្តា​ខេត្ត​ទាំង​១០ ដែល​គឺជា​ផ្នែក​មួយ​នៃ​គម្រោង​អប់រំ​អំពី​របប​កម្ពុជា​ប្រជាធិបតេយ្យ នៃ​គម្រោង​សំណង​តាមផ្លូវ​តុលាការ នៅក្នុង​ក្របខណ្ឌ​នៃ​សំណុំរឿង​០០២ របស់​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា កាលពី​ឆ្នាំ​២០១៣​។ បន្ទាប់មក ភ្ញៀវកិត្តិយស​បាន​អញ្ជើញ​ទៅកាន់ «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​។

លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)


​លោក ឆាំង យុ នាយក​មជ្ឈមណ្ឌល​ឯកសារ​កម្ពុជា និង​បណ្ឌិត ហូ​លី​យ៉ូ អេ​. ជែ​ល​ដ្រេ​ស អតីត​អ្នកសរសេរ​ព្រះរាជ​ជីវប្រវត្តិ​របស់​សម្តេច​ព្រះ​បរម​រតន​កោដ្ឋ បាន​រៀបរាប់​ជូន​ភ្ញៀវកិត្តិយស​អំពី ១) ពិព័រណ៍​សំខាន់ៗ​ទាំងពីរ​របស់​បណ្ណាល័យ​សម្តេចម៉ែ​រួមមាន​ពិព័រណ៍​ព្រះឆាយាល័ក្ខណ៍​របស់​សម្តេច​ព្រះ​បរម​រតន​កោដ្ឋ និង​អត្ថន័យ​ប្លង់​រចនា​អគារ​វិទ្យាស្ថាន​ស្លឹករឹត​របស់លោក​ស្រី ហ្សា​ហា ហា​ឌី​ដ ដែលជា​ស្ថាបត្យករ​ល្បីល្បាញ​និង​កម្រ​មួយរូប និង​២) បរិក្ខារ​នានា​និង​ម៉ាស៊ីន​ផ្ទុក​ឯកសារ​ជា​ទម្រង់​ឌីជីថល​របស់​បណ្ណាល័យ​សម្តេចម៉ែ​។

​ម៉ាស៊ីន​ផ្ទុក​ឯកសារ​ឌីជីថល​មាន​ផ្ទុក​ឯកសារ​ជាង​១,៧​លាន​ទំព័រ រួមមាន​ឯកសារ​ជា​សន្លឹក រូបថត ភាពយន្ត បទ​សម្ភាស និង​ឯកសារ​ជា​សំឡេង​របស់​អ្នក​រស់រានមានជីវិត​ក្នុងសម័យ​ខ្មែរក្រហម ដែល​ត្រូវបានធ្វើ​ឲ្យ​មាន​គុណភាព​ខ្ពស់ ដើម្បី​ធានា​ដល់​ការអភិរក្ស​លើ​ឯកសារ​ឲ្យ​បាន​គង់វង្ស​។ បណ្តុំ​ឯកសារ​ខាងលើ​ត្រូវបាន​ប្រមែប្រមូល​មកពី​ច្រើន​ប្រភព ក្នុងនោះ​ស៊ុយអែត​ក៏​ជា​អ្នកផ្គត់ផ្គង់​ឯកសារ​ពាក់ព័ន្ធ​ដ៏​សំខាន់​ដែរ​។ នៅ​រយៈកាល​ចុងក្រោយ មជ្ឈមណ្ឌល​ឯកសារ​កម្ពុជា​បាន​ផ្តោតលើ​ការ​បំ​លែង​ឯកសារ​ដែល​ខ្លួន​បាន​ប្រមែប្រមូល​ចងក្រង​អស់​រយៈកាល​ជាង​២៥​ឆ្នាំ​ទៅជា​ទម្រង់​ឌីជីថល​ដើម្បី​ឆ្លើយតប​ចំពោះ​តម្រូវការ​របស់​សាធារណជន​និង​អ្នកស្រាវជ្រាវ​ជាស​កល​ឲ្យ​មាន​ប្រសិទ្ធភាព​ជាង​មុន​។​

លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)

​នៅតាម​ការ​រិ​យា​ល័យ​ស្រាវជ្រាវ​នៅ​បណ្តា​ខេត្ត​របស់​មជ្ឈមណ្ឌល​ឯកសារ​កម្ពុជា ក្រៅពី​ឯកសារ​ខ្មែរក្រហម​ក្នុង​ទម្រង់​សន្លឹក​ផ្តោត​ជាពិសេស​ទៅលើ​តំបន់​នីមួយៗ មជ្ឈមណ្ឌល​ឯកសារ​កម្ពុជា​បាន​ដំឡើង​កុំព្យូទ័រ​និង​បរិក្ខារ​ជួយ​សម្រួល​ដល់​ការសិក្សា​ស្រាវជ្រាវ ដើម្បី​អនុញ្ញាត​ឲ្យ​សាធារណជន​និង​អ្នកស្រាវជ្រាវ​អាច​ប្រើប្រាស់​ឯកសារ​ទូទៅ​ដែលមាន​ផ្ទុក​នៅក្នុង​ម៉ាស៊ីន​ផ្ទុក​ឯកសារ​ឌីជីថល តម្កល់​ក្នុង​បណ្ណាល័យ​សម្តេចម៉ែ​នៅឯ​រាជធានី​ភ្នំពេញ ពី​តាម​បណ្តា​ទីតាំង​ការិយាល័យ​ទាំងនោះ​។ ម៉ាស៊ីន​ផ្ទុក​ឯកសារ​បាន​ជួយ​សម្រួល​ដល់​ការ​តប​នឹង​សំណើ​បាន​ឆាប់រហ័ស​និង​ប្រសើរ​ជាង​មុន​។ មជ្ឈមណ្ឌល​ឯកសារ​កម្ពុជា​កំពុង​បន្ត​ប្រមែប្រមូល​បទសម្ភាសន៍ និង​ឯកសារ​ថ្មីៗ​បន្តទៀត​នៅពេល​បច្ចុប្បន្ន​។

​លោក​ឯកអគ្គរដ្ឋទូត​ប៊ី​ចូ​ន​ហេ​ក​ម៉ាគ​តំណាង​ឲ្យ​ប្រតិភូ​កិត្តិយស​និង​ស្ថានទូត​ស៊ុយអែត​ប្រចាំ​នៅ​កម្ពុជា​បាន​ចារ​ចំណារ​អនុ​ស្សារី​យ៍​លើ​សៀវភៅ​ក្រាំងមាស​របស់ «​បណ្ណាល័យ​សម្តេចម៉ែ​» ដែលមាន​ខ្លឹមសារ​ដូចតទៅ​៖
“​ថ្ងៃនេះ​ក្រុមការងារ​មកពី​ស្ថានទូត​ស៊ុយអែត​របស់​យើង​បាន​សិក្សា​យល់ដឹង​បន្ថែម​អំពី​ប្រវត្តិសាស្ត្រ​សម័យ​ទំនើប​របស់​ប្រទេស​កម្ពុជា ព្រមទាំង​កិច្ចខិតខំ​ប្រឹងប្រែង ក្នុងការ​រារាំង​មិន​ឲ្យ​អំពើ​ឃោ​ឃៅ​និង​អំពើហិង្សា​ផ្នែក​សិទ្ធិមនុស្ស​កើតមាន​សារជាថ្មី​។ សូម​អបអរសាទរ​ចំពោះ​ការងារ​ដ៏​មាន​សារសំខាន់ និង​កិច្ចខិតខំ​ប្រឹងប្រែង​បន្តទៀត​“៕​សរន​

លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)
លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)
លោក ប៊ី​ចូ​ន ហេ​ក​ម៉ាគ ឯកអគ្គរដ្ឋទូត​ស៊ុយអែត​ប្រចាំ​នៅ​កម្ពុជា និង​បុគ្គលិក​របស់លោក អញ្ជើញ​ទស្ស​កិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង «​បណ្ណាល័យ​សម្តេចម៉ែ​» នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​(​រូបថត​មជ្ឈមណ្ឌល​ឯកសារ​កម្ពុជា​)

ទីតាំងផ្សាយពាណិជ្ជកម្ម

- Advertisment -



Most Popular