Home ព័ត៌មានជាតិ សន្តិសុខ ស្គាល់​អត្តសញ...

ស្គាល់​អត្តសញ្ញាណ ជនជាតិ​វៀតណាម ដែល​ស្លាប់​និង​របួស ដោយសារ​ក្រឡាប់​រថយន្ត នៅ​ស្រុក​ជីក្រែង

ដោយៈ គូលែន / សៀមរាបៈ សមត្ថកិច្ច​នគរបាល បាន​រកឃើញ​អត្តសញ្ញាណ អ្នកដំណើរ​ជា ជនជាតិ​វៀតណាម ដែល​ស្លាប់ ៧ នាក់ និង​របួស ៥​នាក់ ដោយសារ​ក្រឡាប់​រថយន្ត ដែល បណ្ដាលមកពី តៃកុង​រថយន្ត បើកបរ​ក្នុងស្ថានភាព​ងងុយដេក ហើយ​រេ​ចង្កូត បុក​បង្កាន់ដៃស្ពាន រួច​ក៏​ធ្លាក់​ចូលក្នុង​ប្រឡាយទឹក តែម្តង ។ ករណី​គ្រោះថ្នាក់​ចរាចរណ៍​នេះ បានកើត​ឡើង នៅវេលា​ម៉ោង ២​និង​៤០​នាទី ឈានចូល​ថ្ងៃទី​៦ ខែវិច្ឆិកា ឆ្នាំ​២០២០ នេះ នៅលើ​ផ្លូវជាតិ​លេខ​៦ ស្ថិតក្នុង​ភូមិ​ស្ពាន​ត្នោត​១ ឃុំ​ស្ពាន​ត្នោត ស្រុក​ជីក្រែង ខេត្តសៀមរាប​។​

​លោក​វរសេនីយ៍ទោ តាន់ សុ​ផុន អធិការនគរបាល​ស្តីទី ស្រុក​ជីក្រែង បានបញ្ជាក់​ថាៈ រថយន្ត​ម៉ាក ស្តា​រិច មួយគ្រឿង ពណ៌​ទឹកប្រាក់ ពាក់​ស្លាក​លេខ កំពង់ចាម ២A-៨៤៦៩ មាន​គ្នា ១២ នាក់ ក្នុងនោះ មាន​ជនជាតិ​វៀតណាម ចំនួន ៥ នាក់ ដោយ​បើកបរ ក្នុងទិសដៅ​ពី​ទិស ខាងកើត ទៅ​ទិស​ខាងលិច​។ លុះ​មកដល់ ចំណុចកើតហេតុ ខាងលើ រថយន្ត បាន​រេ​ចង្កូត ទៅខាង​ស្តាំ​ដៃ​ផ្លូវ ទៅ​ទិស​ខាងជើង​ផ្លូវជាតិ ហើយ​បាន​បុក​បង្គោល​ស្ពាន អស់​ចំនួន ៣ បង្គោល ហើយ​ធ្លាក់​ក្រឡាប់​ផ្ងារពោះ​ក្នុង​ទឹក បណ្តាល​ឲ្យ​ស្លាប់​មនុស្ស ចំនួន ៧ នាក់ ក្នុងនោះ​មាន​ស្រី ៣ នាក់ បាន​កៀប​ជាប់ នៅក្នុង​រថយន្ត​។​

​លោក​បាន​បន្តថាៈ ជនរងគ្រោះ​ដែល​ស្លាប់​ជាប់​នៅក្នុង​រថយន្ត រួមមានៈ ១. ឈ្មោះ វ៉ាង ធី​ធី ភេទ​ស្រី អាយុ​២៥​ឆ្នាំ , ២.​ឈ្មោះ វ៉ា​ត់ ធី​ត្រាង ភេទ​ស្រី អាយុ​២​ឆ្នាំ , ៣ ឈ្មោះ លី មេ​ង អ្នកបើកបរ​រថយន្ត ។ ចំណែក​ជនរងគ្រោះ ចំនួន ៤ នាក់​ទៀត មិនទាន់​ស្គាល់​អត្តសញ្ញាណ នៅឡើយ ហើយ​សមត្ថកិច្ច កំពុង​ស្រាវជ្រាវ​រក ។ រីឯ​អ្នករងរបួស មាន​ចំនួន ៥ នាក់ ក្នុងនោះ​ស្រី ២​នាក់​គឺៈ ១.​ឈ្មោះ ដាង់ វាំង​វីន ភេទ​ប្រុស អាយុ​៣៩​ឆ្នាំ , ២ ឈ្មោះ​.​ផាង វ៉ាត​លើ​យ ភេទ​ប្រុស អាយុ​៣៩​ឆ្នាំ , ៣ ឈ្មោះ ថា​ម ធី​វិ​ន ភេទ​ស្រី អាយុ​៣៩​ឆ្នាំ , ៤.​ឈ្មោះ តឿ​ង ធី​ហ្វៀ​ន ភេទ​ស្រី អាយុ​៣៩​ឆ្នាំ និង​៥.​ឈ្មោះ វ៉ាង វឹក​តឹង ភេទ​ប្រុស អាយុ​៤០​ឆ្នាំ​។​

​ក្រោយពី​កើតហេតុ សមត្ថកិច្ច​បាន​ស្ទូច​រថយន្ត មក​ទុក​នៅ​អធិការដ្ឋាន នគរបាល​ស្រុក​ជីក្រែង ដើម្បី​ធ្វើការ​ស្រាវជ្រាវ​បន្តទៀត​៕PC

រូប​ថ​តៈ​សមត្ថកិច្ច​រកឃើញ​អត្តសញ្ញាណ​ជ​ជាតិ​វៀតណាម​ដែល​ស្លាប់​៧​និង​របួស​៥​នាក់ បុក​បង្កាន់ដៃស្ពាន​ហើយ​ក្រឡាប់​នៅ​ស្រុក​ជីក្រែង (​គូលែន​)​
រូប​ថ​តៈ​សមត្ថកិច្ច​រកឃើញ​អត្តសញ្ញាណ​ជ​ជាតិ​វៀតណាម​ដែល​ស្លាប់​៧​និង​របួស​៥​នាក់ បុក​បង្កាន់ដៃស្ពាន​ហើយ​ក្រឡាប់​នៅ​ស្រុក​ជីក្រែង (​គូលែន​)​

ទីតាំងផ្សាយពាណិជ្ជកម្ម

- Advertisment -

Most Popular

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...

ប្រកាស​មុខតំណែង​អភិបាល អភ...

ដោយៈ ទេព មង្គល / បាត់ដំបង...

​សម្តេច​តេ​ជោ ហ៊ុន សែន សម...

​ដោយៈ​តារា​រិ​ទ្ធ​/​ភ្នំព...

ចាប់ឆ្នោត​លេខ​ឡូ​តិ៍​ក្បា...

ដោយៈ ទេព មង្គល / កោះកុងៈ ...