Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​នូវែល​សេឡ​ង់​ស្បថ​ចូលកាន់​តំណែង​អាណត្តិ​ទី​២

​លោកស្រី ចា​ស៊ីន​ដា អា​ដឺ​ន បាន​ស្បថ​ចូលកាន់​តំណែង​នាយករដ្ឋមន្ត្រី នូវែ​លសេ​ឡង់​អាណត្តិទី​២ កាលពី​ថ្ងៃ​សុក្រ បន្ទាប់​ពី​គណបក្ស​លោកស្រី​ឈ្នះឆ្នោត​ក្នុង​សម្លេង​ភាគច្រើន​លើសលប់​កាលពី​ខែ​មុន​។​

​លោកស្រី ចា​ស៊ីន​ដា អា​ដឺ​ន​

​មេដឹកនាំ​ដ៏​មាន​ប្រជាប្រិយ​រូបនេះ និង​រដ្ឋមន្ត្រី​របស់​លោក​ស្រី បាន​ធ្វើ​សម្បថ​ជា​ភាសា​អង់គ្លេស​និង​ភាសា​ជនជាតិដើម​ម៉ា​វ​រី នៅក្នុង​ពិធី​នៅ​វិមាន​រដ្ឋាភិបាល​ក្រុង​វែល​លីង​តុន​។​

​អា​ដឺ​ន អាយុ​៤០​ឆ្នាំ ដណ្តើម​បាន​ជោគជ័យ​ភ្លូកទឹកភ្លូកដី​នៅក្នុង​ការបោះឆ្នោត​កាលពី​ថ្ងៃ​១៧​តុលា ដោយ​ដឹកនាំ​គណបក្ស​ពលករ​និយម​កណ្តាល​លម្អៀង​ឆ្វេង​របស់​លោកស្រី​ទៅ​រក​ជ័យជម្នះ​ធំ​បំផុត​របស់​ខ្លួន​​ចាប់តាំងពី​សង្គ្រាមលោក​លើក​ទី​២​មក​។​

​អា​ដឺ​ន​បាន​និយាយថា ជោគជ័យ​នេះ​ផ្តល់​អំណាច​ច្បាស់លាស់​មួយ​សំរាប់​លោកស្រី​ធ្វើ​ការកែ​ទំរង់ តែ​ទោះជា​យ៉ាងណា​អាទិភាព​របស់​លោកស្រី​គឺ​ទប់ស្កាត់​ជំងឺ​កូវី​ដ​១៩ និង​ស្ថាបនា​សេដ្ឋកិច្ច​ដែល​ខូចខាត​ដោយ​​កូវី​ដ​១៩​ឡើងវិញ​។​

​កាលពី​ថ្ងៃ​ចន្ទ លោកស្រី​បាន​ប្រកាស​បញ្ជី​គណៈរដ្ឋមន្ត្រី​ដ៏​ភ្ញាក់ផ្អើល រួម​មាន​ការតែងតាំង ស្ត្រី​ជនជាតិដើម​ម៉ា​វ​រី លោកស្រី​ណា​ណាយ​យ៉ា ម៉ា​ហ៊ូ​តា ជា​រដ្ឋមន្ត្រី​ការបរទេស​។​ណា​ណាយ​យ៉ា ម៉ា​ហ៊ូ​តា ជា​រដ្ឋមន្ត្រី​​ម្នាក់​ក្នុងចំណោម​រដ្ឋមន្ត្រី​ជនជាតិដើម​ម៉ា​វ​រី ៥​នាក់​ក្នុង​គណៈរដ្ឋមន្ត្រី​របស់ លោកស្រី​អា​ដឺ​ន​។​

​សូមបញ្ជាក់​ថា ប្រទេស​ដែល​មាន​ប្រជាពលរដ្ឋ​៤,៨​លាន​នាក់​នេះ តំណាង​ដោយ​សមាជិក​សភា​១២០​រូប ហើយ​សភា​បច្ចុប្បន្ន មាន​សមាជិក​ជាង​ពាក់កណ្តាល​តំណាង​ដោយ​ស្ត្រី មនុស្ស​ស្រឡាញ់​ស្រី​ដូច​គ្នា មនុស្ស​ខ្ទើយ មនុស្ស​ស្រឡាញ់​ភេទ​ទាំងពីរ និង​មនុស្ស​កែ​ភេទ​៕

​លោកស្រី​ណា​ណាយ​យ៉ា ម៉ា​ហ៊ូ​តា ជា​រដ្ឋមន្ត្រី​ការបរទេស​ថ្មី​របស់​នូវែ​លសេ​ឡង់​

ទីតាំងផ្សាយពាណិជ្ជកម្ម

- Advertisment -

Most Popular

គណៈបញ្ជាការ​ឯកភាព​រដ្ឋបាល...

​ដោយៈ​រ៉ា​ម៉ន​/​ភ្នំពេញៈ​...

ចុះ​ចាប់​និង​កាត់​ទ្រុង​រ...

​ដោយៈ​គ្រញូង​/​បាត់ដំបងៈ​...

ក្រុម​អ្នកបើក​តាក់ស៊ី​ចោទ...

​ដោយ​:​កញ្ញា​ឌី​/​ភ្នំពេញ...

តុលាការ​សាកសួរ​បុរស​ជនជាត...

​ដោយៈ​ស​រិ​ទ្ធ​/​កណ្តាលៈ​...