Home ព័ត៌មានជាតិ សន្តិសុខ ​សមត្ថកិច្ច ឃ...

​សមត្ថកិច្ច ឃាត់ខ្លួន​ភ្នាក់ងារ ពីរ​នាក់​នៃ​ឆ្នោត​វៀតណាម សញ្ញា​សម្គាល់ C56

ដោយៈ ឆាយា​នាថ / ភ្នំពេញៈ សមត្ថកិច្ច បាន​ឃាត់ខ្លួន​ភ្នាក់ងារ ពីរ​នាក់ នៃ​ឆ្នោត​វៀតណាម ដែលមាន​សញ្ញា​សម្គាល់ C56 របស់​ថៅកែ ឈ្មោះ ប៊ុនធឿន ដោយមាន​ការឯកភាព ពី​លោក សុក កែវ​បណ្ឌិត ព្រះរាជអាជ្ញារង អម​សាលាដំបូង រាជធានី​ភ្នំពេញ ។ ប៉ុន្តែ តាម​ប្រភពព័ត៌មាន បង្ហើប​ថា មេ​ឆ្នោត​វៀតណាម ឈ្មោះ ប៊ុនធឿន កំពុង​រត់ការ អោយមាន​ការដោះលែង​វិញ​។​

​នគរបាល​ខណ្ឌដង្កោ បាន​បង្ក្រាប​ទីតាំង​កត់​ឆ្នោត​វៀតណាម ដុះ​ស្លែ​មួយ​នេះ កាលពី​ថ្ងៃទី​៥ ខែវិច្ឆិកា ឆ្នាំ​២០២០ វេលា​ម៉ោង ១១​និង​៣០​នាទី នៅ​ចំណុច​មុខផ្ទះ​ជួល គ្មាន​លេខ ផ្លូវ​បេតុង សាលា​កសិកម្ម​ចំការ​ដូង ភូមិ​ខ្វា សង្កាត់​ដង្កោ ខណ្ឌដង្កោ រាជធានី​ភ្នំពេញ​។

​សមត្ថកិច្ច បាន​បង្ហើប​ប្រាប់ នៅ​ថ្ងៃទី​៦ វិច្ឆិកា នេះ​ថាៈ ភ្នាក់ងារ ពីរ​នាក់ នៃ​ឆ្នោត​វៀតណាម សញ្ញា​សម្គាល់ C56 របស់​ឈ្មោះ ប៊ុនធឿន នេះ គឺ​ទី​១.​ឈ្មោះ ធុ​យ ស៊ី​ត្រៃ អាយុ​២១​ឆ្នាំ និង​២.​ឈ្មោះ សេង សុខ​ភី អាយុ​២៥​ឆ្នាំ ។

​នៅ​ដំណាក់កាល​សមត្ថកិច្ច ជនសង្ស័យ​ទាំង ពីរ​នាក់ បាន​សារភាពថា ពិតជា បានទទួល​កត់​ឆ្នោត​វៀតណាម អោយ​ថៅកែ​ឈ្មោះ ប៊ុនធឿន អាយុ​ប្រហែល ៣៥ ឆ្នាំ ដែលមាន​សញ្ញា​សម្គាល់ C56 ពិតប្រាកដ​មែន ។

​ប្រជាពលរដ្ឋ បាន​លើកឡើងថា ទីតាំង​កត់​ឆ្នោត​វៀតណាម ដែលមាន​សញ្ញា​សម្គាល់ C56 នេះ គឺ​ដំណើរការ​ជា​យូរ​មកហើយ ដោយមាន​ថៅកែ ឈ្មោះ ប៊ុនធឿន ជា​អ្នកកាង​រហូតមក ។ ប្រជាពលរដ្ឋ សង្ឃឹមថា សមត្ថកិច្ច ក៏ដូចជា​តុលាការ នឹង​ចាត់វិធានការ ចំពោះ​ភ្នាក់ងារ​ទាំង ពីរ​នាក់​នេះ និង​តាម​ចាប់ខ្លួន​ថៅកែ ឈ្មោះ ប៊ុនធឿន នេះ​ផង​៕

ទីតាំងផ្សាយពាណិជ្ជកម្ម

- Advertisment -

Most Popular

ជនសង្ស័យជាង ១០ នាក់ កាប់យ...

ដោយៈ សរិទ្ធ / ភ្នំពេញៈ ជន...

ឃោរ​,ឃោរឃៅ​,ឃោស​,ឃោសនា​,ឃ...

ដោយៈ​ដកស្រង់​ពី​វចនានុក្រ...

ជួសជុល​ផ្លូវលំ ដែល​ខូចខាត...

​ដោយៈ ប​.​ជ័យ / បន្ទាយ​មា...

សាលាដំបូង​រាជធានី​ភ្នំពេញ...

ដោយៈ ស​រិ​ទ្ធ / ភ្នំពេញៈ ...