Home ព័ត៌មានជាតិ សង្គម អ្នកស្រុក​ចន្...

អ្នកស្រុក​ចន្ទ្រា ដែល​រងគ្រោះ​ដោយ​ជំនន់​ទឹកភ្លៀង ៥០ គ្រួសារ ទទួលបាន​ស្រូវពូជ របស់​សម្តេច​តេ​ជោ​

ដោយៈ វ៉ៃ​កូ / ស្វាយរៀងៈ លោក សេង សីលា អភិបាលរង ខេត្តស្វាយរៀង នៅ​ព្រឹក​ថ្ងៃទី​៦ ខែវិច្ឆិកា ឆ្នាំ​២០២០ នេះ បាន​អញ្ជើញ​ជា​អធិបតី ក្នុង​ពិធី​ចែក​ស្រូវពូជ ជូន​ប្រជាកសិករ ដែល​រងគ្រោះ​ដោយ​ជំនន់​ទឹកភ្លៀង ចំនួន ៥០ គ្រួសារ នៅ​ភូមិ​ចន្ទ្រា និង​ភូមិ​សែន​ត ឃុំ​ចន្ទ្រា ស្រុក​ចន្ទ្រា ខេត្តស្វាយរៀង ក្នុង​មួយ​គ្រួសារ ទទួលបាន​ពូជស្រូវ​ស្រាល ក្រអូប មិន​ប្រកាន់​រដូវ ចំនួន ១០០ គីឡូក្រាម​។​

​នៅក្នុង​ពិធី​នេះ លោក​អភិបាលរង​ខេត្ត បាន​នាំមក​នូវ​ប្រសាសន៍​ផ្តាំផ្ញើ សាកសួរ​សុខទុក្ខ ពី​សំណាក់​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន​ដែល​តែងតែ​យកចិត្ត ទុកដាក់ គ្រប់ពេលវេលា នូវ​សុខទុក្ខ​របស់​ប្រជាពលរដ្ឋ គ្រប់​ទីកន្លែង​។ លោក​ក៏បាន​សំណូមពរ និង​ជំរុញ​ដល់​ប្រជាកសិករ ដែល​ទទួលបាន ស្រូវពូជ នៅថ្ងៃនេះ ត្រូវយក​ទៅប្រើ​ប្រាស់ បង្ករ​បង្កើន​ផល អោយចំ​ទិសដៅ ដើម្បី​ជា​ទុន​ក្នុង​របរ​កសិកម្ម ត​ទៅមុខទៀត ទន្ទឹមនេះ ត្រូវការពារ​ជានិច្ច នូវ​បញ្ហា​ជំងឺ​កូ​វីដ​១៩ ដោយ​ស្តាប់ និង​អនុវត្តតាម​ការណែនាំរ​បស់​ក្រសួង សុខាភិបាល ត្រូវ​រួមគ្នា​គោរព​ច្បាប់​ចរណ៍​ផ្លូវគោក និង​អប់រំ​ណែនាំ​កូនចៅ ជៀស​អោយ​ឆ្ងាយ ពី​បញ្ហា​គ្រឿងញៀន​។

​បន្ទាប់ពី​ចែក​ស្រូវពូជ​ដល់​ប្រជាកសិករ លោក​អភិបាលរង​ខេត្ត និង​ប្រតិភូ​អមដំណើរ បាន​អញ្ជើញ​ចុះ​ពិនិត្យមើល ការ​ព្រោះស្រូវ ដោយ​ប្រើ​ម៉ាស៊ីន​ព្រោះស្រូវ​៕PC​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...