Home ព័ត៌មានជាតិ សង្គម អាវុធហត្ថ រាជ...

អាវុធហត្ថ រាជធានី​ភ្នំពេញ ប្រជុំ​ត្រួតពិនិត្យ ការអនុវត្ត​តួនាទី​ភារកិច្ច ប្រចាំ​ខែតុលា និង​ទិសដៅ ខែវិច្ឆិកា

ដោយៈ ចាន់តូ / ភ្នំពេញៈ នា​ព្រឹក​ថ្ងៃទី​៦ ខែវិច្ឆិកា ឆ្នាំ​២០២០ នៅ​បញ្ជាការដ្ឋាន កងរាជអាវុធហត្ថ រាជធានី​ភ្នំពេញ បាន​បើក​កិច្ចប្រជុំ​ត្រួតពិនិត្យ ការអនុវត្ត​តួនាទី​ភារកិច្ច កងរាជអាវុធហត្ថ ប្រចាំ​ខែតុលា និង​ទិសដៅ ខែវិច្ឆិកា ឆ្នាំ​២០២០​។​

​លោក​ឧ​ត្ត​ម​សេនីយ៍​ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស និង​ជា មេបញ្ជាការ កងរាជអាវុធហត្ថ រាជធានី​ភ្នំពេញ បាន​ថ្លែងអំណរគុណ​នូវ កម្លាំង​អាវុធហត្ថ រាជធានី​ភ្នំពេញ​ទាំងអស់ ដែល​ប្រឹងប្រែង​បំពេញ​តួនាទី​ភារកិច្ច សម្រេចបាន​ស្នាដៃ​ជាច្រើន ក្នុង​រយៈកាល​កន្លងមក ជាពិសេស​ការងារ បំពេញបេសកកម្ម ពុះពារ​សស្រាក់សស្រាំ​ជួយ សង្គ្រោះ​ប្រជាពលរដ្ឋ​រងគ្រោះ ក្នុង​រដូវ​ទឹកជំនន់ ប្រកបដោយ​សាមគ្គីភាព និង​ស្មារតី​ទទួល ខុសត្រូវ​ខ្ពស់ រហូត​ទទួលបាន​ជោគជ័យ យ៉ាង​ត្រចះត្រចង់​។​

​បន្ទាប់មក លោក​ឧ​ត្ត​ម​សេនីយ៍​ឯក រ័ត្ន ស្រ៊ាង ក៏បាន​ណែនាំ ដល់​នាយ នាយរង​អាវុធហត្ថ ត្រូវតែ​ប្រកាន់​ភ្ជាប់​នូវ​វិន័យ សណ្តាប់ធ្នាប់​ឲ្យ​បានល្អ និង​បង្កើន​កិច្ចការពារ សុវត្ថិភាព សន្តិសុខ សណ្តាប់ធ្នាប់​សាធារណៈ របៀបរៀបរយ និង​រួមចំណែក សម្រួល​ចរាចរណ៍ ឲ្យ​បានល្អ​ប្រសើរ ដើម្បី​បង្កលក្ខណៈ​ងាយស្រួល ជូន​ដល់​ប្រជាពលរដ្ឋ ក៏ដូចជា ការពារ​សុវត្ថិភាព​ជូន​ថ្នាក់ដឹកនាំ ជាតិ អន្តរជាតិ ផងដែរ ។​

​ជា​ចុងបញ្ចប់ លោក​ឧ​ត្ត​ម​សេនីយ៍​ឯក តែងតែបាន​ក្រើនរំលឹក ជារឿយៗ ស្តីពី​ការបង្ការ និង​ទប់ស្កាត់​រលក​ទី​ពីរ នៃ​ជំងឺឆ្លង​កូ​វីដ​-១៩ ដល់​កម្លាំង​ក្រោម​ឱវាទ ទាំងអស់ ឲ្យ​អនុវត្ត​យ៉ាង ខ្ជាប់ខ្ជួន ដោយ​ផ្តើមចេញពី​ការថែរក្សា អនាម័យ​ផ្ទាល់ខ្លួន អនាម័យ​ជុំវិញ​អង្គភាព​អនាម័យ​តាម គ្រួសារ អាវុធហត្ថ​នីមួយៗ ដូចជា​ពាក់​ម៉ាស់ ឧស្សាហ៍​លាងដៃ​នឹង​សាប៊ូ អាល់កុល ឬ​ជែ​ល រក្សា​គម្លាត​សុវត្ថិភាព​បុគ្គល សង្គម និង​ចាត់វិធានការ​ប្រុងប្រយ័ត្ន​ផ្សេងៗ ដើម្បី​ឆ្លើយតប​តាម សេចក្តីណែនាំ របស់​ក្រសួង សុខាភិបាល ក៏ដូចជា អនុសាសន៍​ណែនាំ​របស់​លោកនាយ ឧ​ត្ត​ម​សេនីយ៍ សៅ សុខា អគ្គ​មេបញ្ជាការរង កងយោធពល​ខេមរភូមិន្ទ និង​ជា​មេបញ្ជាការ កងរាជអាវុធហត្ថ​លើ​ផ្ទៃ​ប្រទេស ជាពិសេស សេចក្តីអំពាវនាវ​រប​ស់ស​ម្ដេច​អគ្គមហាសេនា ប​តី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា​៕PC​

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...