រកឃើញ​វីរុស​ថ្មី​មួយ​ចេះ​តែ​លោត​ពី​ប្រចៀវ​មក​មនុស្ស​ឥត​ឈប់ នាំឱ្យ​មាន​ការបារម្ភ​អំពី​ជំងឺ​រាតត្បាត​មួយទៀត​

​ប្រែ​សម្រួល : កញ្ញា​ដា​លី​ស ៖ ក្រុម​អ្នកវិទ្យាសាស្ត្រ​បានលើកឡើង​ពី​ការព្រួយបារម្ភ​អំពី​ជំងឺ​ថ្មី​គួរឱ្យ​ព្រួយបារម្ភ​មួយទៀត ដែល “​លោត​” ពី​សត្វ​ប្រចៀវ​មក​មនុស្ស​ម្តង​ហើយ​ម្តងទៀត​ដោយ​ធ្វើឱ្យ​មាន​ការ​​ភ័យខ្លាច​អំពី​ជំងឺ​រាតត្បាត​មួយទៀត​។​

​អ្នកស្រាវជ្រាវ​ម្នាក់​បាន​ព្រមាន​ថា វីរុស​នី​ប៉ា (Nipah) ដែល​ជា​វីរុស​ធម្មតា​រកឃើញ​ក្នុង​សត្វ​ប្រចៀវ​នៅក្នុង​ប្រទេស​បង់​ក្លា​ដែស​និង​ឥណ្ឌា អាច​នឹង​វិវត្ត​ទៅ​ជា​ជំងឺ​គ្រោះថ្នាក់​ដែល​អាច​ឆ្លង​រាលដាល​ដល់​​មនុស្ស​យ៉ាង​ឆាប់រហ័ស​។ វីរុស​នេះ​ត្រូវបាន​ចុះបញ្ជី​ដោយ​អង្គការ​សុខភាព​ពិភពលោក​ជា​ភ្នាក់ងារ​បង្ក​រោគ​មួយ​ក្នុងចំណោម​ភ្នាក់ងារ​បង្ក​រោគ​អាទិភាព​ខ្ពស់​បំផុត​ទាំង ១០​ដែល​ត្រូវ​ដោះស្រាយ​ជាបន្ទាន់​​ដោយសារ​ការខូចខាត​ដែល​វា​អាច​បង្កឡើង​។

​លោក​វេជ្ជបណ្ឌិត ចូ​ណាថា​ន អេប​ស្តា​ញ មក​ពី​អង្គការ​EcoHealth Alliance​បាន​ចេញ​សេចក្តីជូនដំណឹង​នេះ​នៅក្នុង​ឯកសារ​ថ្មី​គួរឱ្យ​ព្រួយបារម្ភ​មួយ​ដែល​ចេញផ្សាយ​នៅ​ពេល​ដែល​ពិភពលោក​កំពុង​​ព្យាយាម​ទប់ទល់​នឹង​ជំងឺ​រាតត្បាត​កូវី​ដ​១៩​។​

​គាត់​បាន​និយាយ​នៅក្នុង​ឯកសារ​ស្រាវជ្រាវ​របស់​កិច្ចដំណើរការ​នៃ​បណ្ឌិត្យសភា​វិទ្យាសាស្ត្រ​ជាតិ ថា “​វា​កំពុង​លោត​ពី​ក្រុម​សត្វ​ប្រចៀវ​ទៅ​មនុស្ស​ម្តង​ហើយ​ម្តងទៀត​ហើយ​វា​បង្កឱ្យមាន​ព្រឹត្តិការណ៍​គ្រោះ​​ថ្នាក់ខ្ពស់​។ ខុស​ពី​វីរុស Sars-CoV-2 វា​មិន​ងាយ​ឆ្លង​ពី​មនុស្ស​ទៅ​មនុស្ស​ទេ​”​។​

“​ប៉ុន្តែ​យើង​បារម្ភ​ថា​វា​អាច​មាន​ជំងឺ​ហ្សែ​ន​ឬ​វ៉ា​រ្យ៉ង់​នៃ​វីរុស​នីប៉ា ដែល​មាន​នៅក្នុង​សត្វ​ប្រចៀវ​ដែល​អាច​ចម្លង​ពី​មនុស្ស​ម្នាក់​ទៅ​មនុស្ស​ម្នាក់​បាន​យ៉ាង​មាន​ប្រសិទ្ធភាព​។ ហើយ​ប្រសិនបើ​រឿង​នោះ​កើតឡើង លទ្ធផល​អាច​ជា​ជំងឺ​រាតត្បាត​ដ៏​សាហាវ​បំផុត​”​។​

​វីរុស​នី​ប៉ា​អាច​ឆ្លង​ទៅ​មនុស្ស​បាន បន្ទាប់​ពី​បរិភោគ​ផ្លែឈើ​កខ្វក់​បង្ក​ដោយ​សត្វ​ប្រចៀ​វ​។​

​ទោះ​យ៉ាងណា​ក្រុម​អ្នកវិទ្យាសាស្ត្រ​មាន​ការព្រួយបារម្ភ​ដែល​រកឃើញ​ថា​វីរុស​នេះ​ក៏​កំពុង​រីក​រាលដាល​ផងដែរ នៅពេល​ផ្លែឈើ​បរិភោគ​នោះ​មិន​កខ្វក់​សោះ​។​

​វា​អាច​បណ្តាលឱ្យមាន​ជំងឺរលាកស្រោមខួរ​ក្បាល ដែល​ធ្វើឱ្យ​ប៉ះពាល់​ដល់​ខួរក្បាល​និង​អាច​ឈាន​ដល់​ការស្លាប់​តែម្តង​។​

​លោក​វេជ្ជបណ្ឌិត​អេប​ស្តា​ញ​និយាយថា “​អ្នក​អាច​មាន​ការ​ផ្ទុះឡើង​នៃ​ជំងឺ​រាតត្បាត​នី​ប៉ា​នៅ​ផ្នែក​ណាមួយ​នៃ​អាស៊ីអាគ្នេយ៍​។ យើង​មិន​បាន​យកចិត្តទុកដាក់​គ្រប់គ្រាន់ ហើយ​ពិតជា​មាន​ហានិភ័យ ដែល​យើង​នឹង​ខកខាន​មិន​បាន​ទប់​ជាប់​ជំងឺ​រាតត្បាត​មួយទៀត​”៕ sn

​វីរុស​នី​ប៉ា​ហក់​ពី​ប្រចៀវ​មក​មនុស្ស​ម្តង​ហើយ​ម្តងទៀត​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...