Home ព័ត៌មានជាតិ សន្តិសុខ តុលាការ សម្រេ...

តុលាការ សម្រេច​ផ្តន្ទាទោស ភ្នាក់ងារ​ឆ្នោត​វៀតណាម ពីរ​នាក់ ដាក់ពន្ធនាគារ ក្នុង​ម្នាក់ៗ មួយឆ្នាំ តែ​ព្យួរ​ទាំងអស់​

ដោយៈ ស​រិ​ទ្ធ / ភ្នំពេញៈ នៅ​រសៀល ថ្ងៃទី​៧ ខែវិច្ឆិកា ឆ្នាំ​២០២០ នេះ លោក កើត សាំង ចៅក្រម​ជំនុំជម្រះ សាលាដំបូង រាជធានី​ភ្នំពេញ បានប្រកាស​សាលក្រម​សម្រេច​ផ្តន្ទាទោស យុវជន ពីរ​នាក់ ជា​ភ្នាក់ងារ នៃ​ឆ្នោត​វៀតណាម ដែលមាន​សញ្ញា​សម្គាល់ C56 ដាក់ពន្ធនាគារ ក្នុង​ម្នាក់ៗ រយៈពេល ១​ឆ្នាំ តែ​ទោស​នេះ ត្រូវ​ព្យួរ ពោល​បានន័យថា យុវជន ពីរ​នាក់​នេះ ត្រូវ​ដោះលែង​ឲ្យ​មាន​សេរីភាព​វិញ នៅ​រសៀល ថ្ងៃនេះ​តែម្តង​។ លោក កើត សាំង​ក៍បាន សម្រេច ឲ្យ​យុវជន ពីរ​នាក់​នេះ រួមគ្នា ពិន័យ​ជា​ប្រាក់ ចំនួន ៥ លាន​រៀល ដាក់ចូល​ថវិកា រដ្ឋ​ផងដែរ​។​

​យុវជន ពីរ​នាក់​នេះ បាន​ត្រូវ ស៊ិត វណ្ណៈ ព្រះរាជអាជ្ញារង អម​សាលាដំបូង រាជធានី​ភ្នំពេញ ចោទប្រកាន់​ពីបទ ភ្នាក់ងារ​ល្បែងស៊ីសង រួច​បញ្ជូន​សំណុំ​រឿងនេះ ទៅ​ចៅក្រម​ស៊ើបសួរ ចាត់ការ​បន្ត តាម​នីតិវិធី​។ យុវជន ពីរ​នាក់​នេះ ឈ្មោះ ធុ​យ ស៊ី​ត្រៃ អាយុ​២១​ឆ្នាំ និង​ឈ្មោះ សេង សុខ​ភី អាយុ​២៥​ឆ្នាំ បាន​ត្រូវ​សមត្ថកិច្ច នគរបាល​ខណ្ឌដង្កោ បញ្ជូនមក​តុលាការ នៅ​ព្រឹក​ថ្ងៃទី​៦ ខែវិច្ឆិកា ឆ្នាំ​២០២០ ដើម្បី​ចាត់ការ​តាមច្បាប់​។ យុវជន ទាំងពីរ​នាក់​នេះ បាន​ត្រូវ​សមត្ថកិច្ច ឃាត់ខ្លួន នៅ​ថ្ងៃទី​៥ វិច្ឆិកា ដោយមាន​ការឯកភាព ពី​លោក សុក កែវ​បណ្ឌិត ព្រះរាជអាជ្ញារង អម​សាលាដំបូង រាជធានី​ភ្នំពេញ ។ នគរបាល​ខណ្ឌដង្កោ បាន​បង្ក្រាប​ទីតាំង កត់​ឆ្នោត​វៀតណាម ដុះ​ស្លែ​មួយ​នេះ កាលពី​ថ្ងៃទី​៥ វិច្ឆិកា វេលា​ម៉ោង ១១​និង​៣០​នាទី​ព្រឹក នៅ​ចំណុច​មុខផ្ទះ​ជួល គ្មាន​លេខ ផ្លូវ​បេតុង សាលា​កសិកម្ម​ចំការ​ដូង ភូមិ​ខ្វា សង្កាត់​ដង្កោ ខណ្ឌដង្កោ រាជធានី​ភ្នំពេញ ។​

​នៅ​ចំពោះមុខ​សមត្ថកិច្ច យុវជន​ទាំង ពីរ​នាក់ បាន​សារភាពថា ពិតជា​បានទទួល​កត់​ឆ្នោត វៀតណាម អោយ​ថៅកែ​ឈ្មោះ ប៊ុនធឿន អាយុ​ប្រហែល ៣៥ ឆ្នាំ ដែលមាន​សញ្ញា​សម្គាល់ C56 ពិតប្រាកដ​មែន ។​

​ប្រជាពលរដ្ឋ បាន​លើកឡើងថា ទីតាំង​កត់​ឆ្នោត​វៀតណាម ដែលមាន​សញ្ញា​សម្គាល់ C56 នេះ គឺ​ដំណើរការ​ជា​យូរ​មកហើយ ដោយមាន​ថៅកែ​ឈ្មោះ ប៊ុនធឿន ជា​អ្នកកាង​រហូតមក ៕PC

ទីតាំងផ្សាយពាណិជ្ជកម្ម

- Advertisment -

Most Popular

អដ្ឋិ​ធា​តិ​សម្តេច​រាជបុត...

​ដោយៈ ជា សីហៈ​/​ភ្នំពេញៈ ...

អគ្គរដ្ឋទូត​បារាំង ប្រគល់...

ដោយៈ យោធិន / ភ្នំពេញៈ ឯកអ...

នៅពេលនេះ ទូរស័ព្ទ iPhone ...

ដោយៈ​សុផល​/​ភ្នំពេញ​៖​ទីប...

ឃាត់ខ្លួន​ជនជាតិ​ចិន​២​នា...

ដោយ​: ស​រិ​ទ្ធ / ភ្នំពេញ​...