Home ព័ត៌មានជាតិ សង្គម ​រកឃើញ​ប​នែ្ថ...

​រកឃើញ​ប​នែ្ថ​ម​ពី​គ្រឹះស្ថានសិក្សា​ឯកជន និង​ទីតាំង​ផ្សេងទៀត​ជាប់​ពាក់ព័ន្ធ​នឹង​ករណី​គណ​:​ប្រតិភូ​នៃ​ប្រទេស​ហុង​គ្រី​

​ដោយ​: ដេប៉ូ / ភ្នំពេញ​: មន្ត្រី​នាំពាក្យ​ក្រសួង​អប់រំ​យុវជន និង​កីឡា​បាន​ថ្លែងថា គិត​មក​ត្រឹម​យប់​ថ្ងៃទី​៧ វិច្ឆិកា ២០២០ ក្រសួង​អប់រំ យុវជន និង​កីឡា បាន​រកឃើញ​អង្គភាព​ក្រោម​ឱវាទ​ក្រសួង​អប់រំ​បាន​រកឃើញ​ក្លឹប​ហាត់​កា​រ៉ា​តេ និង​គ្រឹះស្ថាន​ឯកជន​មួយចំនួនទៀត បាន​ពាក់ព័ន្ធ​នឹង​ករណី​គណៈប្រតិភូ នៃ​ប្រទេស​ហុង​គ្រី​។​

​ថ្លែង​បញ្ជាក់ប្រាប់​រស្មី​កម្ពុ​ជានា​ព្រឹក​ថ្ងៃទី​៨ ខែ វិច្ឆិកា​ឆ្នាំ​២០២០​នេះ លោក រស់ សុ​វាចា មន្ត្រី​នាំពាក្យ​ក្រសួង​អប់រំ​យុវជន​និង​កីឡា​បានឱ្យដឹងថា​ក្រសួង​បាន​រកឃើញ​ក្លឹប​ហាត់​កីឡា​កា​រ៉ា​តេ​ដូ​ចំនួន​១ មន្ទីរអប់រំ យុវជន និង​កីឡា​ខេត្ត​ចំនួន​០១ និង​គ្រឹះស្ថានសិក្សា​ឯកជន​ចំនួន​០៨ ពាក់ព័ន្ធ​នឹង​ករណី​គណ​:​ប្រតិភូ​នៃ​ប្រទេស​ហុង​គ្រី​។

​លោក​បានបញ្ជាក់​បន្ថែម​ថា ក្រោយពី​ពេល​រកឃើញ​នេះដែរ គណ​:​គ្រប់គ្រង​ក្លឹប​ហាត់​កា​រ៉ា​តេ​ដូ មន្ទីរអប់រំ យុវជន និង​កីឡា និង​គ្រឹះស្ថានសិក្សា​បាន​ចាត់ចែង​អនុវត្ត​វិធានការ​តាម​ការណែនាំ​របស់​ក្រសួងសុខាភិបាល​យ៉ាង​ខ្ជាប់​ខ្ជាន់​។ គ្រឹះស្ថានសិក្សា​បាន​ផ្អាក​ដំណើរ​ការសិក្សា​ក្នុង​ថ្នាក់រៀន​តាម​ការចាំបាច់ និង​បន្ត​ការសិក្សា​តាម​អន​ឡាញ​រយ​:​ពេល​១៤​ថ្ងៃ​។ លទ្ធផល​តេស្ត​កូ​វីដ​-១៩ របស់​អ្នកពាក់ព័ន្ធ​ស្ថិតក្នុង​ការផ្សព្វផ្សាយរ​បស់​ក្រសួងសុខាភិបាល​។

​មន្ត្រី​នាំពាក្យ​រូបនេះ​បាន​លើក​មក​បញ្ជាក់​ពី​ស្ថានភាព​នៃ​អង្គភាព​ក្រោម​ឱវាទ​ក្រសួង​ដែល​គិត​ត្រឹម​យប់​ថ្ងៃទី​០៧ វិច្ឆិកា ឆ្នាំ​២០២០​មានដូចជា ៖១)​ក្លឹប​ហាត់​កា​រ៉ា​តេ​ដូ គ្រូបង្ហាត់​កីឡា​កា​រ៉ា​តេ​ដូ​ដែលជា​អង្គរក្ស​ជនជាតិខ្មែរ​ការពារ​ផ្ទាល់​គណ​:​ប្រតិភូ​នៃ​ប្រទេស​ហុង​គ្រី​។​២)​មន្ទីរអប់រំ យុវជន និង​កីឡា​ខេត្ត​១÷ បុគ្គលិក​និង​សមាជិកគ្រួសារ​ចំនួន​២៣​រូប​បាន​ទទួលទាន​អាហារ​ជាមួយ​អ្នក​ដែល​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។​៣)​គ្រឹះស្ថានសិក្សា​៨÷ សិស្ស​២​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។​៤)​គ្រឹះស្ថានសិក្សា​៧÷ សិស្ស​១​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។

​ដោយឡែក​ស្ថានភាព​នៃ​គ្រឹះស្ថានសិក្សា​គិត​ត្រឹម​យប់​ថ្ងៃទី​០៦ វិច្ឆិកា ឆ្នាំ​២០២០៖១)​គ្រឹះស្ថានសិក្សា​៦÷ សិស្ស​២​រូប​មាន​មាតាបិតា​ដែល​បានទទួល​ទាន​អាហារ​ជាមួយ​អ្នក​ដែល​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។​២)​គ្រឹះស្ថានសិក្សា​៥÷ សិស្ស​២​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។ ចំណែក​ស្ថានភាព​នៃ​គ្រឹះស្ថានសិក្សា​គិត​ត្រឹម​យប់​ថ្ងៃទី​០៥ វិច្ឆិកា ឆ្នាំ​២០២០៖ ១)​គ្រឹះស្ថានសិក្សា​៤​មាន សិស្ស​២​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។​២)​គ្រឹះស្ថានសិក្សា​៣​មាន សិស្ស​២​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។ ៣)​គ្រឹះស្ថានសិក្សា​២​មាន សិស្ស​២​រូប​មាន​មាតាបិតា​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។​៤)​គ្រឹះស្ថានសិក្សា​១​មាន​បុគ្គលិក​១​រូប​បាន​ប៉ះពាល់​ជាមួយ​គណ​:​ប្រតិភូ​នៃ​ប្រទេស​ហុង​គ្រី​។

​លោក​បាន​បញ្ជាក់ដែរថា ក្រសួង​អប់រំ យុវជន និង​កីឡា​សូម​អំពាវនាវ​ដល់​អ្នក​ពាក់ព័ន្ធ​ក្រោម​ឱវាទ​ក្រសួង​អប់រំ យុវជន និង​កីឡា​ទាំងអស់ មេត្តា​បន្ត​រាយការណ៍​ជូន​ក្រសួង​តាមរយ​:​លេខ​ទូរស័ព្ទ​០១២៣៣៥៩៩៩​។ ចំពោះមុខ​នេះ គណ​:​គ្រប់គ្រង​គ្រឹះស្ថានសិក្សា លោកគ្រូ​-​អ្នកគ្រូ បុគ្គលិក​អប់រំ សិស្សានុសិស្ស មាតាបិតា និង​គ្រប់ភាគី​ពាក់ព័ន្ធ ត្រូវ​បន្ត​ការអនុវត្ត​យ៉ាង​ខ្ជាប់ខ្ជួន​នូវ​វិធានការ​សុវត្ថិភាព​សុខភាព​តាម​គោលការណ៍​ប្រតិបត្តិ​ស្តង់ដារ​របស់​ក្រសួង​អប់រំ យុវជន និង​កីឡា និង​តាម​ការណែនាំ​របស់​ក្រសួងសុខាភិបាល​។​ព្រមជាមួយ​គ្នា​ក្រសួង​អប់រំ យុវជន និង​កីឡា​សូម​គោរព​ថ្លែងអំណរគុណ​ជូន​គ្រប់ភាគី​ពាក់ព័ន្ធ​ដែល​បានផ្តល់​កិច្ចសហការ​ទាន់ពេលវេលា​៕ ល​

ទីតាំងផ្សាយពាណិជ្ជកម្ម

- Advertisment -

Most Popular