Home ព័ត៌មានអន្តរជាតិ បៃ​ដិន ប្តេជ្...

បៃ​ដិន ប្តេជ្ញា​ធ្វើ​ជា​ប្រធានាធិបតី​បង្រួបបង្រួម​ជាតិ និង​ស្តារ​ព្រលឹង​អាម៉េរិក​ឡើងវិញ​

​ប្រែ​សម្រួលៈ​វាសនា​/​វី​ល​មីង​ថុន​, ដេ​ឡា​វ៉ែ​រ​៖ ​ក្នុង​សុន្ទរកថា​ក្រោយ​ឈ្នះឆ្នោត លោកចូ បៃ​ដិន បាន​សន្យា​ធ្វើ​ជា​ប្រធានាធិបតី​ដែល​«​មិន​ស្វះស្វែង​បំបែកបំបាក់ តែ​ខិតខំ​បង្កើត​ឯកភាព​ជាតិ​»​។​

​ថ្លែង​នៅ​ក្រុង​វី​ល​មីង​ថុន រដ្ឋ​ដេ​ឡា​វ៉ែ​រ លោកបៃ​ដិន បាន​និយាយថា ជ័យជម្នះ​ក្នុង​ការបោះឆ្នោត​នេះ​ជា ជោគជ័យ​មួយ​សំរាប់​«​ប្រជាជន​»​។​លោក​ថា «​ប្រជាជន​នៃ​ប្រជាជាតិ​នេះ​បាន​បញ្ចេញមតិ ពួក​គេ​នាំ​​ជោគជ័យ​មួយ​មក​អោយ​ពួកយើង វា​ជា​ជ័យជម្នះ​មួយ​សំរាប់​លោក​អ្នក​ជា​ប្រជាជន​»​។​

​លោក​បាន​បន្តថា «​ខ្ញុំ​សន្យា​ធ្វើ​ជា​ប្រធានាធិបតី​ដែល​មិន​ស្វះស្វែង​បង្ក​ការបែកបាក់ តែ​ព្យាយាម​បង្រួបបង្រួម​គ្នា​…»​។​

​លោក​បាន​បញ្ជាក់ថា «​ខ្ញុំ​ស្វះស្វែង​រក​តំណែង​នេះ គឺ​ដើម្បី​ស្តារ​ព្រលឹង​អាម៉េរិក​ឡើងវិញ និង​ដើម្បី​អោយ​អាម៉េរិក​ត្រូវគេ​គោរព​នៅ​ជុំវិញ​ពិភពលោក​ជា​ថ្មី ហើយ​បង្រួបបង្រួម​គ្នា​នៅក្នុង​ស្រុក​»​។​

​អនុ​ប្រធានាធិបតី កា​ម៉ា​ឡា ហារី​ស បាន​ឡើង​និយាយ​មុន ដោយ​លោកស្រី បាន​និយាយថា «​សមាជិកសភា ច​ន ឡេវី​ស មុន​លោក​លាចាក​លោក​ទៅ​បាន​សរសេរថា​៖​លទ្ធិប្រជាធិបតេយ្យ​មិនមែន​ជា​រដ្ឋ​​មួយ​។​វា​ជា​ច្បាប់​មួយ​។​ហើយ​អ្វី​ដែល​លោក​ចង់​មាន​ន័យ គឺ​ថា​លទ្ធិប្រជាធិបតេយ្យ​អាម៉េរិក​មិន​ត្រូវបាន​ធានា​។​វា​នៅតែ​រឹងមាំ​ដរាបណា​យើង​មានច្ឆ​ន្ទៈ​តស៊ូ​ដើម្បី​វា ការពារ​វា​និង​ទទួលស្គាល់​វា​»​។​

​លោកស្រី​បាន​បន្តទៀតថា «​នៅ​ពេល​ខ្ញុំ​អាច​នឹង​ក្លាយជា​ស្ត្រី​ស្បែក​ខ្មៅ​ដំបូង​ចូលកាន់​តំណែង​នេះ ខ្ញុំ​នឹង​មិន​ជា​ជន​ចុងក្រោយ​..​ដោយសារ​នារី​គ្រប់រូប​ដែល​ទស្សនា​នៅ​យប់​នេះ​មើលឃើញ​ថា​នេះ​ជា​​ប្រទេស​មួយ​ដែល​ផ្តល់​លទ្ធភាព​។​ការពារ​លទ្ធិប្រជាធិបតេយ្យ​របស់​យើង វា​ទាមទារ​ការតស៊ូ ។​វា​ទាមទារ​ការលះបង់ តែ​ក៏​មាន​ភាពសប្បាយ​រីករាយ​និង​មាន​ការរីកចំរើន​នៅ​ក្នង​វា​ផង​ដែរ​…»​។​

​លោកស្រី​ហារី​ស ក៏​បាន​និយាយថា លោកស្រី​បាន​គិត​អំពី​ម្តាយ​របស់​លោកស្រី និង​«​ជំនាន់​ស្ត្រី ស្ត្រី​ស្បែក​ខ្មៅ ស្បែក​ស ស្ត្រី​អាស៊ី​និង​អាម៉េរិក​ឡាទីន ព្រម​ទាំង​ស្ត្រី​ជនជាតិដើម​អាម៉េរិក ដែល​ពេញ​មួយ​ប្រវត្តិ​​សាស្ត្រ​នៃ​ប្រជាជាតិ​នេះ បាន​ត្រួសត្រាយ​ផ្លូវ សំរាប់​ព្រឹត្តិការណ៍​នៅ​យប់​នេះ​»៕

​កា​ម៉ា​ឡា ហារី​ស ៖ នៅ​ពេល​ខ្ញុំ​ក្លាយ​ជា​អនុ​ប្រធានាធិបតី ខ្ញុំ​នឹង​នឹង​មិន​ជា​ស្ត្រី​ស្បែកខ្មៅចុងក្រោយ​ទេ​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាលខេត្ត ជូនដំណឹង​ពី​...

ដោយៈ បាយ័ន / សៀមរាបៈ នៅ​ថ...

សម្តេច​តេ​ជោ ហ៊ុន សែន​៖​រ...

ដោយៈ​តារា​រិ​ទ្ធ​/​ភ្នំពេ...

«​យុទ្ធនាការ​ភ្នំពេញ​ស្អា...

ដោយៈ​សុផល​/​ភ្នំពេញ​៖​យុទ...

ត្រាំ​ថាបៃ​ដិន​អាច​ចូលសេត...

​ប្រែ​សម្រួល : កញ្ញា​ដា​ល...