Home ព័ត៌មានជាតិ សន្តិសុខ យុវជន​ម្នាក់ ...

យុវជន​ម្នាក់ ចាក់​នារី​ជា​អតីត​គូ​ដណ្ដឹង បណ្ដាល​ឲ្យ​រងរបួស ព្រោះ​ខឹង​រឿង​ផ្ដាច់​ពាក្យ​

ដោយៈ ស​រិ​ទ្ធ / កណ្ដាលៈ យុវជន​ម្នាក់ បាន​យក​កូនកាំបិត ចាក់​នារី​ម្នាក់ ជា​អតីត​គូ​ដណ្ដឹង បណ្ដាល​ឲ្យ​រងរបួស​ជា​ទម្ងន់ ព្រោះតែ​ខឹង​នឹង​នារី​រងគ្រោះ ផ្ដាច់​ពាក្យ​។ ក្រោយពី​បានធ្វើ​សកម្មភាព​រួចហើយ យុវជន​រូបនេះ បានគេច​ខ្លួន ពី​កន្លែងកើតហេតុ​។ ករណីនេះ បានកើត​ឡើង កាលពី​ម៉ោង ១១​និង​៣០​នាទី យប់​ថ្ងៃទី​៨ ខែវិច្ឆិកា ឆ្នាំ​២០២០ នៅតាម​ផ្លូវ ក្នុងភូមិ​ស្ទឹង​ជ្រៅ សង្កាត់​ដើម​មៀន ក្រុង​តាខ្មៅ​។​

​មន្ត្រីនគរបាល​ក្រុង​តាខ្មៅ បាន​ឲ្យ​ដឹងថាៈ យុវជន ជា​ជនដៃដល់ ឈ្មោះ រ៉ា បូរី ហៅ ទុយ អាយុ​២៣​ឆ្នាំ មាន​ទីលំនៅ ក្នុងភូមិ​សង្កាត់​កើតហេតុ មុខរបរ​លក់​ស្រា​ក្រឡុក​។ ចំណែក​ជនរងគ្រោះ ឈ្មោះ កែវ មួយ​គីម ភេទ​ស្រី អាយុ​១៩​ឆ្នាំ ។​

​ប្រភព​ដដែល បាន​បន្តថាៈ ជនសង្ស័យ និង​ជនរងគ្រោះ ជា​អតីត​គូ​ដណ្តឹង​នឹង​គ្នា តែដោយសារ​ជនសង្ស័យ ជា​មនុស្ស​ប្រើប្រាស់​គ្រឿងញៀន ហើយ​ធ្លាប់​វាយ​ធ្វើបាប ជនរងគ្រោះ ជា​ញឹកញាប់​ផង​នោះ ធ្វើ​ឲ្យ​ជនរងគ្រោះ ផ្តាច់​ពាក្យ​វិញ​ទៅ​។ ក្រោយពី​ផ្ដាច់​ពាក្យ​រួច ជនសង្ស័យ នៅតែ​មក​ទាក់ទង រំខាន​ជនរងគ្រោះ​រហូត​។ លុះ​នៅពេល​កើតហេតុ ឪពុក បាន​ឌុប​ជនរងគ្រោះ ទៅ​ហៅ​ជនសង្ស័យ ចេញពីផ្ទះ ហើយ​ណាត់​ជួបគ្នា នៅ​ប៉ុស្តិ៍នគរបាល​រដ្ឋបាល ដើម​មៀន ដើម្បី​និយាយ​គ្នា​ឲ្យ​បាន​ដាច់ស្រេច តែ​នៅពេល​ដើរ​តាមផ្លូវ មិនទាន់បាន​និយាយ​គ្នា​ផង ក៏​ស្រាប់តែ​ជនសង្ស័យ ដក​កូនកាំបិត​ចុង​ស្រួច ដែល​លាក់ទុក ក្នុង​ចង្កេះ​ខោ យកមក​ចាក់​ជនរងគ្រោះ ចំ​ក្រោម​ឆ្អឹងជំនីរ​ខាងស្តាំ បណ្តាល​ឲ្យ​លិច​ជ្រៅ ហូរឈាម​យ៉ាងច្រើន សន្លប់​លែង​ដឹងខ្លួន​។ ចំណែក​ជនសង្ស័យ បាន​បោះ​កាំបិត​ចោល ហើយ​រត់​គេចខ្លួនបាត់​តែម្តង​។​

​ក្រោយ​កើតហេតុ កម្លាំង​នគរបាល​ប៉ុស្តិ៍ ដើម​មៀន សហការ​ជាមួយ កម្លាំង​យុត្តិធម៌ ក្រុង​តាខ្មៅ បាន​ចុះ​ទៅដល់​កន្លែងកើតហេតុ និង​ជួយ​យក​ជនរងគ្រោះ ទៅ​សង្គ្រោះបន្ទាន់ នៅ​មន្ទីរពេទ្យ​ជ័យជំនះ​។ រីឯ​ជនសង្ស័យ ត្រូវបាន​កម្លាំង​ជំនាញ ស្រាវជ្រាវ ដើម្បី​បន្ត​ស្វែងរក​ចាប់ខ្លួន យកមក​ចាត់ការ តាម​នីតិវិធី​៕/V


ទីតាំងផ្សាយពាណិជ្ជកម្ម

- Advertisment -

Most Popular

ក្រោយ​ដាក់​លប និង​មង ជាប់...

ដោយៈ ភ្នំ​ស្វាយ / កំពង់ធំ...

ទឹកចិត្ត​កម្ពុជា​! ម៉ាស​ព...

ដោយៈ ម៉េង​ឆៃ​ គេ​នៅចាំ​ម...

ក្រសួង​អប់រំ​ដាក់ចេញ​គោលក...

ដោយៈ​ដេប៉ូ​/​ភ្នំពេញៈ ក្រ...

ស្លាក​សញ្ញា​ថ្មី​«​រូប​បក...

​ដោយៈ ញ៉ែម សុផល​/​ភ្នំពេញ...