ព្យុះ​ថ្មី​ចំនួន​ពីរ​ទៀត​ឡើងគោក​កន្លែង​ដដែល​លើ​ឆ្នេរ​ប្រទេស​វៀតណាម​

ដោយៈ​ប​.​ខុន​/​ភ្នំពេញៈ​វិ​សម្ពាធ​TD​នៅក្នុង​សមុទ្រ​ចិន​ខាងត្បូង ដែល​ក្រសួង​ធនធានទឹក និង​ឧតុនិយម​បាន​ប្រកាស​ដំណឹង​កាលពី​ថ្ងៃទី​៨ ខែវិច្ឆិកា​នោះ នៅ​ព្រលឹម​ថ្ងៃទី​៩ វិច្ឆិកា​នេះ បានក្លាយ​ទៅជា​កូន​ព្យុះ​ទី​២១​ឈ្មោះ​អ៊ី​តូ (ETAU) មានដំណើរ​ទៅរក​ឆ្នេរ​ក្រោម​ភាគ​កណ្តាល​របស់​ប្រទេស​វៀតណាម ដែលជា​កន្លែង​ព្យុះ​ពីរ​បី​កន្លង​ទៅ​បាន​ឆ្លងកាត់​។ នេះ​ជាការ​បញ្ជាក់ប្រាប់​របស់​លោក ចាន់ យុ​ត្ថា អ្នកនាំពាក្យ​និង​ជា​រដ្ឋ លេខាធិការ​ក្រសួង​ធន​ធាន​​​ទឹក​និង​ឧតុនិយម​ដល់​រស្មី​កម្ពុជា​នៅ​ថ្ងៃទី​៩ ខែវិច្ឆិកា​នេះ​។​

​អ្នកនាំពាក្យ​ក្រសួង​ជំនាញ​ខាងលើ​បាន​បញ្ជាក់ថា​ព្យុះ​ទី​២១​នេះ មានដំណើរ​លឿន និង​មាន​ឥទ្ធិពល​ទឹកភ្លៀង​ដល់​ប្រទេស​កម្ពុជា នៅ​អំឡុង​ពីថ្ងៃ​ទី​១០-១២ ខែវិច្ឆិកា ។ នៅ​ព្រម​ពេល​ជាមួយគ្នា​នឹង​ព្យុះ​ទី​២១ កំពុង​រំ​កឹ​លម​ករក​ឆ្នេរ​ប្រទេស​វៀតណាម​នេះ មាន​វិ​សម្ពាធ​TD​ថ្មី​មួយ​យ​ទៀត​បានកកើតឡើង នៅក្នុង​សមុទ្រ​ប៉ាស៊ីហ្វិក​ខាង​កើត​ប្រទេស​ហ្វីលីពីន ដែល​តាម​ការ​ព្យាករ​វា​នឹង​វិ​វត្ត​ទៅជា​ព្យុះ​ទី​ហ្វុ​ង​TY ហើយ​ដើរចូល​ម​ក្នុង​សមុទ្រ​ចិន​រក​ឆ្នេរ​របស់​ប្រទេស​វៀតណាម​ទៀត​។​
​ក្រសួង​ធនធានទឹក​និង​ឧតុនិយម​នៅ​ថ្ងៃទី​៨ ខែវិច្ឆិកា ឆ្នាំ​២០២០​បានប្រកាស ព័​ត៍​មាន​ថា​នៅ​ថ្ងៃទី​៨ ខែវិច្ឆិកា​វិ​សម្ពាធ (Tropical Depression) បាននិងកំពុង​ស្ថិតនៅ​ក្នុង​សមុទ្រ​ចិន​ខាងត្បូង​នឹងធ្វើ​ដំណើរ​ឆ្ពោះ​មក​ទិស​បស្ចឹម​ដោ យ បង្កើន​ឥទ្ធិពល​របស់ខ្លួន​ទៅជា​កូន​ព្យុះ​ទី​២១​ឈ្មោះ​អ៊ី​តូ ( ETAU) នៅ​ថ្ងៃទី​១០​ខែ វិច្ឆិកា​ឆ្នាំ​២០២០ ។ ព្យុះ​នេះ​នឹង ថមថយ​ឥទ្ធិពល​ទៅជា​វិ​សម្ពាធ (Tropical Depression)​ពេល​ចូលដល់​លើ​ឆ្នេរ​ភាគខាងត្បូង​ប្រទេស​វៀតណាម នៅ​ថ្ងៃទី​១០ ខែវិច្ឆិកា ឆ្នាំ​២០២០ ហើយ​បន្ទាប់មក​ទៅជា​សម្ពាធ​ទាប (Low Pressure) ពេល​ចូល​មកដល់​លើ​ភាគ​ខាងកើត ប្រទេស​កម្ពុជា​នៅ​ថ្ងៃទី​១១ ខែវិច្ឆិកា ឆ្នាំ​២០២០​។ លក្ខណៈ​បែបនេះ​នឹងធ្វើ​ឲ្យ​អាកាសធាតុ​នៅ​ព្រះរាជា​ណា ចក្រ​កម្ពុជា ចាប់ពី​យប់​ថ្ងៃទី​១០ ដល់​ថ្ងៃទី​១២ ខែវិច្ឆិកា ឆ្នាំ​២០២០ មាន​ស្ថាន​ភាព​ដូចជា​នៅ​រាជធានី​ភ្នំពេញ​និង​ខេត្ត​នៅ​តំបន់ ខ្ពង់រាប​ភាគ​ឦសាន ខេត្ត​ភាគ​ខាងកើត​ជាប់​ព្រំដែន​ប្រទេស​វៀតណាម និង​ខេត្ត​ភាគខាងត្បូង នឹង​អាចមាន​ភ្លៀងខ្យល់​ក្នុង​កម្រិត​ពី​បង្គួរ​ទៅ​ច្រើន​។ ខេត្ត​នៅ​តំបន់ មាត់​សមុទ្រ​​​នឹង​អាចមាន​ភ្លៀងខ្យល់​ក្នុង​កម្រិត​ពី​តិច​ទៅ​បង្គួរ​និង​រលក​សមុទ្រ​មាន​កម្ពស់​មធ្យម​។​

​ក្រសួង​បាន​អំពាវនាវ​ដល់​សាធារណជន ពិសេស​បងប្អូន​ប្រជា​នេសាទ និង​អ្នកធ្វើដំណើរ​តាម​សមុទ្រ​ទាំងអស់​សូម​បង្កើន ការយកចិត្តទុកដាក់​ប្រុងប្រយ័ត្ន​ខ្ពស់ ដើម្បី​ចៀសវាង​នូវ​គ្រោះថ្នាក់​ផ្សេងៗ ដែល​អាច​កើតមានឡើង​ជាយថាហេតុ​៕

​រូបភាព​ពី​ផ្កាយរណប​បង្ហាញ​ទិដ្ឋភាព​ព្យុះ​ទី​២១​នៅក្នុង​សមុទ្រ​ចិន​ខាងត្បូង​ថ្ងៃទី​៩​វិច្ឆិកា​

ទីតាំងផ្សាយពាណិជ្ជកម្ម

- Advertisment -

Most Popular

​ឃាត់ខ្លួន​ជនសង្ស័យ​បីនាក...

​ដោយៈ ស​រិ​ទ្ធ / ភ្នំពេញៈ...

​អាវុធហត្ថ​រាជធានី ស្ម័គ្...

​ដោយៈ រ៉ា​ម៉ន / ភ្នំពេញៈ ...

​អភិបាលខណ្ឌ​សែន​សុខ បាន​ជ...

​ដោយៈ អង្គា​រ៍​ហេង / ភ្នំ...

​ឆេះ​បន្ទប់​ជួល នៅ​សង្កាត...

​ដោយៈ​ចាន់តូ / ភ្នំពេញៈ គ...