Home ព័ត៌មានអន្តរជាតិ អាម៉េរិក​ក្លា...

អាម៉េរិក​ក្លាយជា​ប្រទេស​ដំបូង​ដែល​មាន​អ្នក​កើតកូ​វីដ​ហួស​១០​លាន​នាក់​នៅ​ពេល​រលក​ទី​៣​កំពុង​វាយប្រហារ​

​ប្រែ​សម្រួលៈ​វាសនា​/​វ៉ាស៊ីនតោន​៖ សហរដ្ឋ​អាម៉េរិក​បាន​ក្លាយជា​ប្រទេស​ទី​១​ក្នុង​លោក​ដែល​មាន​អ្នក​ឆ្លងកូវី​ដ​១៩​ឡើង​ហួស​១០​លាន​នាក់ នេះ​បើ​តាម​ទិន្នន័យ​ដែល​សារព័ត៌មាន​រ៉​យ​ទ័រ​ប្រមូល​ចងក្រង​កាល​​ពី​ថ្ងៃអាទិត្យ នៅពេល​ការផ្ទុះ​ជំងឺ​នេះ​នៅ​រលក​ទី​៣​កំពុង​វាយប្រហារ​អាម៉េរិក​។​

​ព្រឹត្តិការណ៍​ដ៏​សោកសៅ​នេះ​កើតឡើង​ចំ​ថ្ងៃ​ដែល​ការឆ្លង​វីរុស​កូរ៉ូ​ណា​នៅ​ទូទាំង​ពិភពលោក​ឡើង​ហួស​៥០​លាន​នាក់​។​

​អាម៉េរិក បាន​រាយការណ៍​អ្នក​ឆ្លង​ប្រមាណ​១​លាន​នាក់​ក្នុង​រយៈពេល​១០​ថ្ងៃ​មកនេះ ជា​អត្រា​ឆ្លង​ខ្ពស់បំផុត​បំផុត​ចាប់តាំងពី​ប្រទេស​នេះ​បាន​រាយការណ៍​ការឆ្លង​ដំបូង​នៅ​រដ្ឋ​វ៉ាស៊ីនតោន​កាលពី​២៩៣​ថ្ងៃមុន​។​​ប្រទេស​នេះ​បាន​រាយការណ៍​ការឆ្លង​ចំនួន​១៣១.៤២០​នាក់​កាលពី​ថ្ងៃ​សៅរ៍ និង​ជាង​១០០.០០០​នាក់​ចំនួន​៤​លើក​នៅ​៧​ថ្ងៃ​មកនេះ​។​

​ឥឡូវ ជនជាតិ​អាម៉េរិក​ជាង​២៣៧.០០០​នាក់​បាន​ស្លាប់​ដោយ​ជំងឺ​កូវី​ដ​១៩ ។​

​ប្រឈម​នឹង​វិបត្តិ​ដ៏​ឈឺ​ក្បាល​ដូច្នេះ ប្រធានាធិបតី​ជាប់ឆ្នោត​ថ្មី​លោកចូ បៃ​ដិន បាន​សន្យា​កាលពី​ថ្ងៃ​សៅ​រ៍ថា លោក​នឹង​ចាត់ទុក​ការដោះស្រាយ​ជំងឺឆ្លង​នេះ​ជា​អាទិភាព​កំពូល​។​លោក​នឹង​ប្រកាស​ក្រុមការងារ​​មាន​សមាជិក​១២​រូប នៅ​ថ្ងៃ​ចន្ទ​នេះ​ដើម្បី​មើល​ការ​ខុស​ត្រូវ​ដោះស្រាយ​កូវី​ដ​១៩៕

ទីតាំងផ្សាយពាណិជ្ជកម្ម

- Advertisment -

Most Popular