រដ្ឋបាលខេត្ត ទទួល​ជំនួយ​ថវិកា ស្បៀងអាហារ និង​សម្ភារ របស់​ម្ចាស់​ភោជនីយដ្ឋាន ប៊ូ សោភ័ណ​

​ដោយៈ ភ្នំ​ស្វាយ / បន្ទាយ​មាន​ជ័​យៈ ដើម្បី​ចូលរួម​ផ្តល់​កម្លាំងចិត្ត ការលើកទឹកចិត្ត ការចែករំលែក និង​ការ​តបស្នង ដល់​អាជ្ញាធរខេត្ត និង​កងកម្លាំង​ទាំង ៣ ប្រភេទ ដែល​បាន​ចុះជួយ​ពលរដ្ឋ​រងគ្រោះ ដោយ​គ្រោះធម្មជាតិ​ផ្សេងៗ ពិសេស​គ្រោះមហន្តរាយ ជំនន់​ទឹកភ្លៀង និង​ទឹកជំនន់​ហូរ​ពី​ប្រទេស​ថៃ​នោះ លោក ប៊ូ សោភ័ណ និង​លោកស្រី គង់ សោភា ម្ចាស់​ភោជនីយដ្ឋាន និង​ហាង​ស៊ុប ប៊ូ សោភ័ណ នៅ​ក្រុង​សិរីសោភ័ណ ខេត្តបន្ទាយមានជ័យ បាន​នាំ​ស្បៀងអាហារ និង​ថវិកា មានតម្លៃ​ជាង ១០ លាន​រៀល ទៅ​ប្រគល់ជូន​រដ្ឋបាលខេត្ត កាលពី​ល្ងាច​ថ្ងៃទី​៨ ខែវិច្ឆិកា ឆ្នាំ​២០២០ ។​

​ការប្រគល់ និង​ទ​ទូល​នោះ ធ្វើឡើង​ក្រោម​វត្តមាន​លោក អ៊ុំ រាត្រី អភិបាលខេត្ត​បន្ទាយមានជ័យ ព្រមទាំង​អភិបាលរង​ខេត្ត លោក​ឧ​ត្ត​ម​សេនីយ៍​ត្រី សិទ្ធ ឡោះ ស្នងការ​នគ​បាល​ខេត្ត លោក​ឧ​ត្ត​ម​សេនីយ៍​ត្រី ជឹម ប៊ុន អាន មេបញ្ជាការ កង​ប្រតិបត្តិការ​សឹក​រង​ខេត្ត លោក​ឧ​ត្ត​ម​សេនីយ៍​ត្រី វង្ស ធី មេបញ្ជាការរង កងរាជអាវុធហត្ថ​ខេត្ត ព្រមទាំង​ម្ចាស់ជំនួយ និង​បុគ្គលិក នៃ​ភោជនីយដ្ឋាន និង​ស៊ុប ប៊ូ សោភ័ណ​។​

​ជំនួយ​សរុប​រួមមានៈ អង្ករ ១៣០ ការុង (​គុណ​១៥​គីឡូ ស្មើនឹង​១.៩៥០ គីឡូក្រាម​) ទឹកត្រី ៤០​យួរ ទឹកស៊ីអ៊ីវ ៤០ យួរ មី​៤៨​កេស​តូច ទឹក​សុទ្ធ ២៥០​យួរ ភេសជ្ជៈ​ខា​រ៉ា​បាវ ៨​កេស និង​ថវិកា ចំនួន ៣.៦០០.០០០ រៀល​។​

​លោក​អភិបាលខេត្ត​បន្ទាយមានជ័យ បាន​ថ្លែងអំណរគុណ ចំពោះ​ទឹកចិត្ត​សប្បុរស និង​ការចូលរួម​ពី​លោក ប៊ូ សោភ័ណ និង​លោកស្រី គង់ សោភា ម្ចាស់់​ភោជនីយដ្ឋាន និង​ហាង​ស៊ុប ប៊ូ​សោភ័ណ ក្រុង​សិរីសោភ័ណ ដែល​បាន​បរិច្ចាគ​ធនធាន ថវិកា មក​ផ្តល់ជូន​ដល់​រដ្ឋបាលខេត្ត និង​កងកម្លាំង​ទាំង​៣​ប្រភេទ នាពេលនេះ ហើយ​លោក​បាន​សន្យាថា រដ្ឋបាលខេត្ត ក្រុមការងារ និង​លោក​ផ្ទាល់ នឹង​ប្រើប្រាស​ជំនួយ សប្បុរស​ទាំងនេះ អោយចំ​គោលដៅ អោយមាន​ប្រសិទ្ធភាព​ខ្ពស់​៕​/V

ទីតាំងផ្សាយពាណិជ្ជកម្ម

- Advertisment -

Most Popular

មន្ត្រី​ជំនាញ ទទូច​ជាថ្មី...

ដោយៈ សុ​ផានី​តា / កោះកុងៈ...

អាវ​ម៉ា​រ៉ាដូ​ណា​ថ្ងៃ​យក​...

​ប្រែ​សម្រួល : កញ្ញា​ដា​ល...

ប្រធានាធិបតី​ប្រេ​ស៊ីល​ថា...

​ប្រែ​សម្រួល : កញ្ញា​ដា​ល...

បន្ទាប់​ពី​ម៉ាឡេស៊ី​ទិញ​វ...

​ប្រែ​សម្រួលៈ​វាសនា​/​គូ​...