ខេត្តព្រះវិហារ​ប្រារព្ធ​ខួប​អនុស្សាវរីយ៍​លើក​ទី​៦៧ ទិវា​ឯករាជ្យ​ជាតិ និង​កំណើត​កង​យោពល​ខេមរភូមិន្ទ

244

ដោយៈ សៅ វ៉ាន់ឌី​/​ព្រះ​វិហារៈ រដ្ឋបាលខេត្ត​ខេត្តព្រះវិហារ​កាលពី​ព្រឹក​ថ្ងៃទី​៩ ខែវិច្ឆិកា ឆ្នាំ​២០២០ បាន​ប្រារព្ធ​ខួប​លើក​ទី​៦៧ នៃ​ទិវា​ឯករាជ្យ​ជាតិ ៩ វិច្ឆិកា ១៩៥៣_៩ វិច្ឆិកា ២០២០ និង​ទិវា​កំណើត​កងយោធពល​ខេមរភូ​មិន្ទ​ដែល​បាន​តស៊ូ​រំដោះទឹកដី ចេញ​ផុតពី​នឹម​ត្រួតត្រា​នៃ​អាណានិគមនិយម​បារាំង ។ ទិវា​នេះ​ប្រារព្ធ​ឡើង​ក្រោម​វត្តមាន​លោក ប្រាក់ សុវណ្ណ អភិបាលខេត្ត និង​លោកស្រី ដោយ​មានការ​និមន្ត​ចូលរួម​ពី​ព្រះ​មេគណ , មន្ត្រី​ព្រះ​សង្ឃ , លោក​ប្រធាន​តុលាការ​, លោក​ព្រះរាជអាជ្ញា​អម តុលាការខេត្ត​ព្រះវិហារ ព្រមទាំង​លោក លោកស្រី មន្ត្រី​​​​អង្គភាព​ជុំវិញ​ខេត្ត មន្ត្រី​កងកម្លាំងប្រដាប់អាវុធ លោកគ្រូ អ្នកគ្រូ សិស្សានុសិស្ស និង​ប្រជាពលរដ្ឋ​ជាច្រើន កុះករ ។

ខេត្តព្រះវិហារ​ប្រារព្ធ​ខួប​អនុស្សាវរីយ៍​លើក​ទី​៦៧ ទិវា​ឯករាជ្យ​ជាតិ និង​កំណើត​កង​យោពល​ខេមរភូមិន្ទ
ខេត្តព្រះវិហារ​ប្រារព្ធ​ខួប​អនុស្សាវរីយ៍​លើក​ទី​៦៧ ទិវា​ឯករាជ្យ​ជាតិ និង​កំណើត​កង​យោពល​ខេមរភូមិន្ទ

​ថ្លែង​ក្នុង​ពិធី​នេះ លោក អភិបាលខេត្ត​ព្រះវិហារ មានប្រសាសន៍ថា ខួប​លើក​ទី​៦៧ ទិវា​បុណ្យ​ឯករាជ្យ​ជាតិ ៩ វិច្ឆិកា ២០២០ នេះ គឺ​ដើម្បី​រំលឹក​នូវ​ព្រះរាជ​បេសកកម្ម​នៃ​ការដឹកនាំ​របស់​សម្ដេច​ព្រះ​នរោត្តម​សីហនុ​ព្រះមហា​វរក្សត្រ ព្រះវររាជបិតា ឯករាជ្យ បូរណភាព​ទឹកដី និង​ឯកភាព​ជាតិខ្មែរ ។ ព្រះ​បរម​រតន​កោដ្ឋ​ទ្រង់​បាន​លះបង់​ព្រះកាយពល និង ព្រះ​បញ្ញាញាណ​យ៉ាងខ្លាំង ខ្លា​បំផុត​តស៊ូ​ក្នុង​ក្របខណ្ឌ​នៃ​ព្រះរាជ​បូជនីយកិច្ច ដើម្បី​ទាមទារ​ឯករាជ្យ​ជាតិ​ឱ្យ​ប្រទេស​កម្ពុជា​បាន​រួច​ផុតពី​អាណានិគមនិយម​បារាំង និង​ប្រកាស​ឯករាជ្យ​ជាតិ នៅ​ថ្ងៃ ៩ ខែ​វិច្ឆិកា ឆ្នាំ​១៩៥៣​។
​លោក ប្រាក់ សុវណ្ណ ក៏បាន​អំពាវនាវ​ដល់​សមាជិក​សមាជិកា​អង្គ​មិ​ទិ្ទ​ញ​ទាំងអស់​ក្នុង​ទិវា​ខួប​លើក​ទី​៦៧​នៃ​ទិវា​ឯករាជ្យ​ជាតិ និង ទិវា​កំណើត​កងយោធពល​ខេមរភូមិន្ទ ប្រែក្លាយជា​កម្លាំង​មហា​សាមគ្គី​ជាតិ​ដ៏​ខ្លាំងក្លា ដើម្បី​រក្សាបាន​សុខសន្តិភាព អោយបាន​គង់វង្ស ចូលរួមចំណែក​កសាង​អភិវឌ្ឍន៍​ប្រទេសជាតិ​ថែមទៀត​៕​​ R