Home ព័ត៌មានជាតិ សន្តិសុខ ជនសង្ស័យ​បីនា...

ជនសង្ស័យ​បីនាក់​បន្លំ​ចូល​លួច​កាបូប​លុយ​អាជីវករ​ម្នាក់ អស់​ជិត​៥​ពាន់​ដុល្លារ​

​ដោយៈ​ស​រិ​ទ្ធ-រ៉ាម៉ន​/​ភ្នំពេញៈជនសង្ស័យ​មួយក្រុម​មាន​គ្នា​៣​នាក់​បានធ្វើ​សកម្មភាព​បន្លំ​ចូល​លួច​កាបូប​លុយ​នារី​ជា​អាជីវករ​ម្នាក់ ដល់​ក្នុងផ្ទះ អស់​សរុប​ជិត​៥​ពាន់​ដុល្លារ រួច​ឡើង​ជិះ​ម៉ូតូ​គេចខ្លួន​ទៅ​បាត់ស្រមោល​។​ចំណែក​នារី​រងគ្រោះ បាន​ត្រឹម​ទ្រហោយំ សោកស្តាយ​ទ្រព្យសម្បត្តិរ​បស់​ខ្លួន​តែប៉ុណ្ណោះ​។ ហេ​តុលា​ការណ៍​នេះ កើត​ឡើង​​កាលពី​ម៉ោង​៨​ព្រឹក​ថ្ងៃទី​០៩ ខែវិច្ឆិកា ឆ្នាំ​២០២០ នៅផ្ទះ​ដូរ​លុយ យីហោ លី​ហួរ និង​លក់ដូរ​មួយកន្លែង​ស្ថិត​នៅ​តាមផ្លូវ​ចោមចៅ កែង​ផ្លូវ​ចូល​ភូមិ​ព្រៃ​ល្វា ចំណុច​ភូមិ​ជ្រៃ​កោង​សង្កាត់​ចោមចៅ​២ ខណ្ឌ​ពោធិ​សែន​ជ័យ ។​


​នារី​រងគ្រោះ ឈ្មោះ គឹម សុ​ផា​តី អាយុ​២០​ឆ្នាំ មុខរបរ អាជីវករ​ដូរ​លុយ​និង​លក់ដូរ ឥ​វ៉ាន់ ភេសជ្ជៈ ។ លុយកាក់​ដែល​​បាត់បង់ មាន​ប្រាក់​ដុល្លារ​ជាង​៣​ពាន់​ដុល្លា លុយ​ខ្មែរ ជាង​៤​លាន​រៀល សរុប​ជិត​៥​ពាន់​ដុល្លារ ។​
​នារី​រង​គ្រោះ បាន​ឲ្យ​ដឹងថា​នៅ​ព្រឹក​កើតហេតុ​នាង​នៅផ្ទះ​តែម្នាក់ឯង ស្របពេលនោះ មាន​ស្ត្រី​ម្នាក់ ដើរមក​ទិញ​ឡេ​រួច​ក៏មាន​បុរស​ម្នាក់ទៀត​(​ជនសង្ស័យ​)​ដើរមក​ទិញ​ភេសជ្ជៈ រួច​ជនសង្ស័យ​ដើរ​ចេញទៅ​នៅសល់តែ​ស្ត្រី​ទិញ​ឡេ រវល់​តែ​ជាប់មាត់ លក់​ឡេ​ភ្លេចខ្លួន​។ រហូតដល់​ស្ត្រី​រូបនោះ​ដើរចេញ​បាត់ ដើរមក​រក​យក​កាបូប​លុយ ស្រាប់តែ​បាត់ ទើប​ឆោឡោ​ឆែក​មើល​តាមរយៈ​កាមេរ៉ា​សុ​វត្តិភាព ទើប​ដឹងថា​បុរស​ដែលជា​អ្នកទិញ​ភេសជ្ជៈ​នោះ​ដើរ​វិល​ត្រឡប់មក​ម្តង​ទៀត ចូលទៅក្នុង​ផ្ទះ​លួច​យក​កាបូប​លុយ ពី​ក្នុង​កេស​ក្រដាស ហើយ​ដើរ​យួរ​ឡើង​ជិះ​ម៉ូតូ ដែល​បក្ខពួក​កំពុង​រង់ចាំ​ជាស្រេច​ហើយ​បើក​គេច​ទៅ​បាត់​។ រីឯ​ស្ត្រី​ទិញ​ឡេ​ក៏​ទៅ​បាត់​ដែរ​។​

​តាម​ការសន្និដ្ឋាន ក្រុម​ជនសង្ស័យ​មាន​គ្នា​៣​នាក់ ប្រុស​២​នាក់ ស្រី​ម្នាក់ មក​បន្លំ​លួច​យក​កាបូប​លុយ​គេចខ្លួន​បាត់ស្រមោល ។​ ​ក្រោយ​កើតហេតុ សមត្ថកិច្ច​ចុះទៅ​សាកសួរ និង​នាំ​ជនរងគ្រោះ​ទៅ​ដាក់ពាក្យ​បណ្តឹង​នៅ​ប៉ុស្តិ៍​ចោមចៅ​២ ដើម្បី​បន្ត​ស្រាវជ្រាវ​មុខសញ្ញា​នេះ​ដើម្បី​យ​យកមក​ផ្តន្ទាទោស​តាមច្បាប់ ៕

ទីតាំងផ្សាយពាណិជ្ជកម្ម

- Advertisment -

Most Popular

រថយន្ត​ចេញពីផ្ទះ​សំណាក់ ស...

ដោយៈ ស​រិ​ទ្ធ/ភ្នំពេញៈ រថ...

លួចបាន​ភ្លាម បម្រុង​ដឹក​ច...

​ដោយៈ វណ្ណៈ/ព្រះសីហនុៈ លោ...

ប្រធាន​មជ្ឈមណ្ឌល​គ្រប់គ្រ...

​ប្រែ​សម្រួលៈ​វាសនា​/​ញូវ...

អ្នកបើក​រ៉ឺម៉ក​លក់​ផ្កា ស...

ដោយៈ វណ្ណៈ/ព្រះសីហនុៈ បុរ...