Home ព័ត៌មានជាតិ សន្តិសុខ ឃាត់ខ្លួន​មន្...

ឃាត់ខ្លួន​មន្ត្រីនគរបាល​ការិយាល័យ​បង្ការពន្លត់​អគ្គិភ័យ​រាជធានី​ភ្នំពេញ​ចំនួន​៦​នាក់​

ដោយ​: ស​រិ​ទ្ធ / ភ្នំពេញ​: មន្ត្រីនគរបាល​និង​មន្ត្រី​ជាប់កិច្ចសន្យា​បំរើការ​នៅ​ការិយាល័យ​បង្ការ​ពន្លត់​អគ្គិភ័យ នៃ​ស្នងការដ្ឋាន​នគរបាល​រាជធានី​ភ្នំពេញ​ចំនួន​៦​នាក់ បាន​ត្រូវ​សមត្ថកិច្ច​នគរបាល​ខេត្តកណ្តាល​ឃាត់ខ្លួន កាលពី​ល្ងាច​ថ្ងៃទី​៧​ខែវិច្ឆិកា​ឆ្នាំ​២០២០ រួច​បញ្ជូនមក​សមត្ថ​កិច្ច​នគរបាល​រាជធានី​ភ្នំពេញ ដើម្បី​ធ្វើការ​សាកសួរ​ករណី​ដើរ​លក់​បំពង់​ពន្លត់​អគ្គិភ័យ នៅ​ចំណុច​ភូមិ​ព្រែ​កតា​ពៅ សង្កាត់​ដើម​មៀន​ក្រុង​តាខ្មៅ​ខេត្តកណ្តាល​ពោលគឺ​ខុស​ដែន​សមត្ថកិច្ច​។​

​រហូតមកដល់​រសៀល​ថ្ងៃទី​៩​ខែវិច្ឆិកា​ឆ្នាំ​២០២០​នេះ សមត្ថកិច្ច​នគរបាល​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ កំពុងធ្វើការ​សាកសួរ​មន្ត្រី​ទាំង​៦​នាក់​នេះ​។​

​មន្ត្រី​ទាំង​៦​នាក់​នេះ​មាន​១- អនុសេនីយ៍ឯក ហែម ហ៊ុំ អត្តលេខ​៣១៥៦១ ជា​មន្ត្រី​ចូលនិវត្តន៍​បច្ចុប្បន្ន​ជា​ជាម​ន្ត្រី​ជាប់កិច្ចសន្យា ២- អនុសេនីយ៍ទោ ឌួង ចាន់​សិ​ត្យា ឋាន​:​មន្ត្រី​, ៣- ឈ្មោះ​សាន វ​ឌ្ឃ​ន​: ជា​មន្ត្រី​ជាប់កិច្ចសន្យា​(​អ្នកបើកបរ​), ៤-​ឈ្មោះ ហៀក វិ​រ​:​សាក ជា​មន្ត្រី​ជាប់កិច្ចសន្យា​, ៥-​ឈ្មោះ ថោង ថា​ន់ ជា​មន្ត្រី​ជាប់កិច្ចសន្យា​, និង​៦-​ឈ្មោះ ដែក សម្បត្តិ ជា​មន្ត្រី​ជាប់កិច្ចសន្យា​។​

​ពាក់ព័ន្ធ​នឹង​បញ្ហា​នេះ​សមត្ថកិច្ច​បាន​ឲ្យ​ដឹងថា​នគរបាល​ប៉ុស្តិ៍​ដើម​មៀន​បានទទួល​ព័ត៌មាន​ថា មាន​នគរបាល​ផ្នែក​បង្ការ ពន្លត់​អគ្គិភ័យ​ចំនួន​៦​នាក់ ដើរ​លក់​បំពង់​ពន្លត់​អគ្គិភ័យ​នៅ​ចំណុច​ភូមិ​ព្រែក​តា​ពៅ សង្កាត់​ដើម​មៀន​។ ភ្លាមៗ​នោះ​កម្លាំង​ប៉ុស្តិ៍នគរបាលរ​ដើម​មៀនបាន​ចុះ​ដល់ រួច​ឃាត់ខ្លួន​អ្នក​ទាំង​៦​នាក់​នោះមក​ប៉ុស្តិ៍​ដើម្បី​សួរនាំ​។ ចំណែក​មធ្យោបាយ​ធ្វើដំណើរ​សម្រាប់ធ្វើ​សកម្មភាព​លក់ រួមមាន​៖ រថយន្ត​ម៉ាក​FORD RANGER ពណ៌​ទឹកក្រូច ពាក់​ស្លាក​លេខ​ភ្នំពេញ 2AQ-0304 និង​ម៉ូតូ​ម៉ាក SL ពណ៌​ទឹកប្រាក់ ពាក់​ស្លាក​លេខ​ភ្នំពេញ 1AX-6848៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ខ្សែ​ផ្លូវ​សរុប​ទាំង​៣៨​ប...

ដោយ​: សុផល / សៀមរាប​: លោក...

សម្តេច​តេ​ជោ ហ៊ុន សែន សម្...

ដោយ​: តារា​រិ​ទ្ធ / សៀមរា...

ក្រសួង​អប់រំ​ពន្យារពេល​ប្...

​ដោយ​៖ ដេប៉ូ / ភ្នំពេញ​៖ ...

កម្ពុជា​ត្រៀម​បញ្ជូន​ពាក្...

ដោយ​: ពៅ​និមល / ភ្នំពេញ​:...