Home ព័ត៌មានជាតិ សង្គម ស្រូវពូជ​ចំនួ...

ស្រូវពូជ​ចំនួន​១០​តោន​ជា​របស់​រាជរដ្ឋាភិបាល ត្រូវបាន​ចែកជូន​កសិករ​នៅ​ឃុំ​ចំនួន​០៣ ក្នុងស្រុក​ក្រឡាញ់

​ដោយ​: បាយ័ន​/​សៀមរាប​: ស្រូវពូជ​ចំនួន​១០​តោន​ជា​របស់​រាជរដ្ឋាភិបាល ត្រូវបាន​ចែកជូន​កសិករ​នៅ​ឃុំ​ចំនួន​០៣ ក្នុងស្រុក​ក្រឡាញ់ នា​ព្រឹក​ថ្ងៃទី​៩ ខែវិច្ឆិកា ឆ្នាំ​២០២០​នេះ ដោយមាន​ការចូលរួម​ពី​លោក នាក់ ណេ​រ៉ុ​ន អភិបាលរង​ខេត្តសៀមរាប ដែល​ស្រូវពូជ​នេះ ជា​ស្រូវ​សែន​ក្រអូប ផលិត​ដោយ​អង្គភាព​ប្រព័ន្ធ​ស្បៀង​បម្រុង​កម្ពុជា ជា​ប្រភេទ​ពូជស្រូវ​មិន​ប្រកាន់​រដូវ មាន​អាយុកាល​ចាប់ពី​គ្រាប់ស្រូវ​ធ្លាក់​ដល់​ដី រហូតដល់​ពេលវេលា​ប្រមូល​ផល ត្រឹមតែ​១១០​ថ្ងៃ​ប៉ុណ្ណោះ ដែលជា​អំណោយ​របស់​រាជរដ្ឋាភិបាល ជូន​ដល់​ប្រជាកសិករ​ចំនួន​១០០​គ្រួសារ មកពី​៣​ឃុំ​ក្នុងស្រុក​ក្រឡាញ់ រួមមាន ៖ ឃុំ​កំពង់​ថ្កូវ , ឃុំ​តា​អាន និង​ឃុំ​ច​ន្លា​ស​ដៃ ដែល​បាន​រង​ផលប៉ះពាល់​ធ្ងន់ធ្ងរ​ជាងគេ​ក្នុងចំណោម​ឃុំ​ទាំង​១០​របស់​ស្រុក ដោយសារ​គ្រោះ​ជំនន់​ទឹកភ្លៀង​កាលពី​កន្លងទៅនេះ។​

​អភិបាលរង​ខេត្តសៀមរាប បាន​និយាយថា ក្រោយពី​ជំនន់​ទឹកភ្លៀង​ត្រូវបាន​ថមថយ​ទៅ​វិ​នេះ​រាជរដ្ឋាភិបាល​កម្ពុជា លើ​វិធានការ​ស្តារ​វិស័យ​កសិក​ម្ម​ឡើងវិញ ពិសេស​ចំពោះមុខ គឺ​សំដៅ​ទៅលើ​ការគិតគូ​អំពី​ដំណាំ​ស្រូវ ដែល​ត្រូវ​រង​ការបំផ្លិចបំផ្លាញ​។​

​លោក ទា គឹម​សុទ្ធ ប្រធាន​មន្ទីរ​កសិកម្ម រុក្ខាប្រមាញ់​និង​នេសាទ​ខេត្ត បាន​ឲ្យ​ដឹងថា ស្រុក​ក្រឡាញ់ គឺជា​ស្រុក​គោលដៅ​ទី​៦ និង​ជា​ស្រុក​ចុងក្រោយ​គេ ដែល​អាជ្ញាធរ​ខេត្តសៀមរាប ត្រូវ​បញ្ចប់​យុទ្ធនា​ការចែក​ស្រូវពូជ​ជូន​ដល់​ប្រជាកសិករ ដែល​រង​ផលប៉ះពាល់​ខូចខាត​ស្រូវ​ស្រែ​ដោយ​ជំនន់​ទឹកភ្លៀង​នា​រដូវវស្សា​កន្លងមក ក្នុងនោះ​មាន ៖ ស្រុក​ជីក្រែង , ស្រុក​សូទ្រនិគម , ស្រុក​ប្រាសាទបាគង , ស្រុក​ក្រឡាញ់ , ស្រុក​ពួក និង ក្រុង​សៀមរាប ដែល​សរុប​ពូជស្រូវ​ចែក​អស់​ជាង ៨០​តោន ខណៈ​ផ្ទៃដី​ដែល​រង​ការខូចខាត​ធ្ងន់ធ្ងរ និង​ត្រូវ​ស្តារឡើងវិញ មាន​ទំហំ​ប្រមាណ​ជាង​៨០០​ហិកតា ក្នុងចំណោម​ផ្ទៃដី​ដែល​ទទួលរង​ផលប៉ះពាល់​ប្រមាណ​ជាង​១​ម៉ឺន​ហិកតា​៕ ល​

ទីតាំងផ្សាយពាណិជ្ជកម្ម

- Advertisment -

Most Popular