“​មនុស្ស​ចម្លង​ខុសគ្នា​ពី​ទូក​ចម្លង​”

ស្មេរ​ដោយ​៖ ភិក្ខុ​ខេ​ម​ធ​រោ អ៊ី គីម ព្រះគ្រូ​រតន​វិសុទ្ធិ​កោសល​ជា​គ្រូបង្រៀន ព្រះសង្ឃ​ពុទ្ធិកវិទ្យាល័យ​រាជ​បូ​ណ៌ ជា​ឧទ្ទេសាចារ្យ​ពុទ្ធិកវិទ្យាល័យ​រាជ​បូ​ណ៌​
​ខេត្តសៀមរាប​៖ ថ្វីត្បិតតែ​សាលា​ធម្ម​វិន័យ​មាន​ចំនួន​តិច បើ​ប្រៀបធៀប​ជាមួយ​សាលា​ខាង​អប់រំ​របស់​រដ្ឋ តែ​សាលា​ធម្ម​វិន័យ និង​សាលា​ពុទ្ធិកបឋមសិក្សា​បាន​ដើរតួនាទី ជួយ​ចម្លង​កុលបុត្រ​កុលធីតា​ខ្មែរ​ឱ្យ​រួចផុត​អវិជ្ជា ជាច្រើន​ជំនាន់​មកហើយ​។​

ភិក្ខុ​ខេ​ម​ធ​រោ អ៊ី គីម ព្រះគ្រូ​រតន​វិសុទ្ធិ​កោសល​ជា​គ្រូបង្រៀន ព្រះសង្ឃ​ពុទ្ធិកវិទ្យាល័យ​រាជ​បូ​ណ៌ ជា​ឧទ្ទេសាចារ្យ​ពុទ្ធិកវិទ្យាល័យ​រាជ​បូ​ណ៌​

​វត្ត​អារាម​ព្រះពុទ្ធសាសនា​នៅតែ​ដើរតួនាទី​ជួយ​ចម្លង​មនុស្ស​ដែល​ខ្វះ​ក្តីសង្ឃឹម ឱ្យមាន​ក្តីសង្ឃឹម មិនទាន់​ស្គាល់​ព្រះពុទ្ធសាសនា​ឱ្យ​ស្គាល់​ព្រះពុទ្ធសាសនា​។ ប្រសិនបើ​អ្នក​មិនទាន់​ចង់​បួស ឱ្យ​ចង់​មក​បួស សមាទានសីល ឬ អាចឱ្យ​ចូលមក​សិក្សា​ធម្ម​វិន័យ​សីលធម៌​ជីវិត តាម​សទ្ធា​ជ្រះថ្លា រៀងៗ​ខ្លួន​បាន​។​

​ព្រះសង្ឃរាជ​ជា​ម្ចាស់​អារាម​ដែលមាន​បេះដូង​ធ្លាប់បាន​សិក្សា​ពិត អាចជួយ​សិស្ស​/​និស្សិត​ឱ្យមក​សិក្សា​ហើយ នៅតែ​ជួយផ្តល់​គំនិត​និង​មធ្យោបាយ​ប្រកបដោយ​ប្រាជ្ញា​ចេះ​ច្នៃប្រឌិត និង​ឱ្យ​ចេះ​រៀបចំ​ជីវិត​ឱ្យ​ស័​ក្កិ​សមជា​ប្រជា​ពុទ្ធបរិស័ទ​ល្អ ពលរដ្ឋ​ថ្លៃថ្នូរ មាន​សមត្ថភាព​ខ្ពង់ខ្ពស់​ក្នុងសង្គម​។​

​អ្នក​ជួយ​ចម្លង​មានចិត្ត​សប្បុរស​ពិត គឺ​លោក​រិះរក​គ្រប់​មធ្យោបាយ ទម្លុះទម្លាយ​ភាព​ស្មុ​គ្រ​ស្មាញ​ដែល​ឧបសគ្គ​មករា​រាំង​នានា​ឱ្យ​ជ្រះស្រឡះ ហើយ​តែងតែ​នឹក​អ្នកជា​សិស​ហស​គណ​ដែល​នៅ​សិក្សា​ជានិច្ច មិនមាន​ចិត្ត​បោះបង់​អ្នក​ចោល​ឡើយ ។ ម្ចាស់​អារាម​ពិត តែង​ភ័យខ្លាច​អ្នក​រាល់គ្នា​ជា​អន្តេវាសិកៈ ពុំបាន​រៀនសូត្រ​, ភ័យខ្លាច​អ្នក​ល្ងង់ខ្លៅ​ខ្លី​វិជ្ជា និង​ភ័យព្រួយ​អំពី​អនាគត​ពួក​ដែល​មក​គោរព​ពុទ្ធសាសនា ខ្វះ​ការសិក្សា​រៀនសូត្រ​។

​ប្រសិនបើ​មនុស្ស​ប្រភេទ​ម្ចាស់​ទូក​ចម្លង​វិញ មាន​លក្ខណៈ​ផ្ទុយ​ពីគ្នា​ខ្លះ​។ មនុស្ស​ទូក​ចម្លង​,​កាលណា​ចម្លង​អ្នកដំណើរ​ដល់ត្រើយ​គិតលុយ​កាក់​ហើយ នឹង​អាល​មក​មួយ​ជើង​ទៀត ពុំបាន​គិតពី​សុខទុក្ខ​នៃ​អ្នកដំណើរ​ដែល​អាស្រ័យ​ជាមួយ​ខ្លួនឯង​ប៉ុន្មាន​ទេ គិតតែ​យក​កម្រៃ​ប្រាក់កាស់​ជាធំ​។ ចង​កូនចៅ​អ្នកណា​ងា​បរស់​មិន​គិតៗ តែ​ប្រយោជន៍​សួន​តួន​មួយគត់​។​

​ដូច្នេះ​ប្រសិនបើ​ម្ចាស់​វត្ត​អារាម​ព្យាយាម​បណ្តុះ​គំនិត​ឱ្យ​មនុស្ស​ចេះ​ជួយ​លើកស្ទួយ​ចម្លង​រវាង​មនុស្ស​និង​មនុស្ស​ដូចគ្នា ដូចជា​ការផ្តល់​អាហារូបករណ៍​ឱ្យ​សិក្សា​រៀនសូត្រ​ជាដើម នេះ​ទើប​ជា​វិធី​ជួយ​ចម្លង​មនុស្ស​ជំនាន់​ក្រោយៗ​ជា​យុវវ័យ​ឱ្យមាន​បញ្ញា​ប៉ា​ធី​ជ្រៅជ្រះ ដើម្បី​ជួយ​អភិវឌ្ឍ​ខ្លួនឯង ក៏ដូចជា​ជួយ​អភិវឌ្ឍ​សង្គម​ទាំងមូល​ឱ្យបាន​រីកចម្រើន​ឆាប់រហ័ស ក្នុងសម័យ​ឌីជីថល​នេះ​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

អភិបាល​អភិបាលខណ្ឌ​សែន​សុខ...

ដោយ​: អង្គា​រ៍​ហេង / ភ្នំ...

អង្គការសិទ្ធិមនុស្ស​ស្នើឱ...

​ប្រែ​សម្រួល : កញ្ញា​ដា​ល...

អភិបាលក្រុងហ្សា​ការតា ឆ្ល...

​ប្រែ​សម្រួលៈ​វាសនា​/​ហ្ស...

ក្រសួងពាណិជ្ជកម្ម​ប្រកាស​...

ដោយៈ ជា សីហៈ​/​ភ្នំពេញៈ ​...